സൂപ്പർസ്റ്റാർ സുരേഷ് ഗോപിയെ നായകനാക്കി ജോഷി ഒരുക്കിയ ഏറ്റവും പുതിയ ചിത്രമാണ് പാപ്പൻ. ഭൂപതി, ലേലം, വാഴുന്നോർ, പത്രം, സലാം കാശ്മീർ, ക്രിസ്ത്യൻ ബ്രദേഴ്സ്, ട്വന്റി ട്വന്റി, ധ്രുവം എന്നീ ജോഷി ചിത്രങ്ങളിൽ ആണ് സുരേഷ് ഗോപി ഇതിനു മുൻപ് അഭിനയിച്ചത്. എബ്രഹാം മാത്യു മാത്തൻ എന്ന കഥാപാത്രമായി സുരേഷ് ഗോപി എത്തുന്ന പാപ്പൻ ആദ്യ ഏപ്രിൽ അവസാനം ഈദ് റിലീസ് ആയി എത്തുമെന്നാണ് അറിയിച്ചിരുന്നത് എങ്കിലും, ഇപ്പോൾ ഈ ചിത്രം മെയ് മാസത്തേക്ക് മാറ്റി എന്നാണ് അറിയാൻ സാധിക്കുന്നത്. മെയ് 12 അല്ലെങ്കിൽ മെയ് ഇരുപതിന് ആയിരിക്കും ഈ ചിത്രം എത്തുക എന്നാണ് ഇപ്പോൾ ലഭിക്കുന്ന സൂചന. ഡേവിഡ് കാച്ചപ്പിള്ളി പ്രൊഡക്ഷൻസിന്റെയും ഇഫാർ മീഡിയയുടെയും ബാനറിൽ ഡേവിഡ് കാച്ചപ്പിള്ളിയും റാഫി മതിരയും ചേർന്ന് നിർമ്മിക്കുന്ന ഈ ചിത്രത്തിന് കാമറ ചലിപ്പിച്ചത് അജയ് ഡേവിഡ് കാച്ചപ്പിള്ളി ആണ്. ആർജെ ഷാനാണ് ഈ ചിത്രത്തിന് തിരക്കഥ രചിച്ചത്.
ഈ ചിത്രം കൂടാതെ പത്തിൽ കൂടുതൽ മലയാള ചിത്രങ്ങളാണ് മെയ് മാസത്തിൽ റിലീസ് ചെയ്യുന്നത്. ടോവിനോ തോമസ്- കീർത്തി സുരേഷ് ചിത്രം വാശി, ഷെയിൻ നിഗം ചിത്രം ബർമുഡ, സിദ്ധാർഥ് ഭരതൻ- സൗബിൻ ചിത്രം ജിന്ന്, ജയസൂര്യ- മഞ്ജു വാര്യർ ചിത്രം മേരി ആവാസ് സുനോ, എം പദ്മകുമാർ- സുരാജ്-ഇന്ദ്രജിത് ചിത്രം പത്താം വളവു, സിജു വിൽസൺ ചിത്രം വരയൻ, നവാഗതനായ അരുൺ ഡി ജോസ് സംവിധാനം ചെയ്യുന്ന ജോ ആൻഡ് ജോ എന്നിവയും മെയ് മാസത്തിൽ തീയേറ്ററുകളിൽ എത്തും. ഇത് കൂടാതെ വമ്പൻ തമിഴ്, തെലുങ്കു, ഹിന്ദി ചിത്രങ്ങളും മെയ് മാസത്തിൽ പ്രേക്ഷകർക്ക് മുന്നിൽ എത്തുന്നുണ്ട്. ഏപ്രിൽ 28 /29 തീയതികളിൽ ആയി പൃഥ്വിരാജ് ചിത്രം ജനഗണമന, മമ്മൂട്ടി ചിത്രം സിബിഐ 5, സത്യൻ അന്തിക്കാട്- ജയറാം ചിത്രം മകൾ എന്നിവയും റിലീസ് ചെയ്യുന്നുണ്ട്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.