ശ്രീശാന്ത് നായകനാവുന്ന ചിത്രത്തിൽ സണ്ണി ലിയോൺ..!

മുൻ ഇന്ത്യൻ ക്രിക്കറ്റ് താരവും ഇപ്പോൾ സിനിമാ താരവുമായ മലയാളി ശ്രീശാന്ത് നായകനാവുന്ന പുതിയ ചിത്രമായ പട്ടായിൽ ബോളിവുഡ് താരസുന്ദരി സണ്ണി ലിയോണും അഭിനയിക്കും. ആർ. രാധാകൃഷ്ണൻ രചനയും സംവിധാനവും നിർവഹിക്കുന്ന ഈ ബോളിവുഡ് ചിത്രത്തിൽ വളരെ ശ്കതമായ ഒരു വേഷമാണ് ഈ നടി ചെയ്യാൻ പോകുന്നത്. എൻഎൻജി ഫിലിംസിന്റെ ബാനറിൽ നിരുപ് ഗുപ്ത നിർമ്മിക്കുന്ന ഈ ചിത്രം ഇൻവെസ്റ്റിഗേറ്റീവ് മൂഡിൽ സഞ്ചരിക്കുന്ന ഒരു പൊളിറ്റിക്കൽ ത്രില്ലറായാണ് ഒരുക്കുന്നത് എന്ന് അണിയറ പ്രവർത്തകർ അറിയിച്ചു. ശ്രീശാന്ത് അവതരിപ്പിക്കുന്ന സിബിഐ ഓഫിസറുടെ അന്വേഷണം ചെന്നെത്തുന്നത് സ്ത്രീജനങ്ങൾ ഇഷ്ടപ്പെടുന്ന ഒരു വിഷയത്തിലേക്കാണ് എന്നും അത്തരമൊരു വിഷയം ഒരു സ്ത്രീയിലൂടെ അറിയിച്ചാൽ എങ്ങനെയായിരിക്കുമെന്ന ചിന്തയാണ് പ്രശസ്ത മോഡലും നടിയുമായ സണ്ണി ലിയോണിലേക്കു എത്തിച്ചതെന്നും സംവിധായകൻ പറയുന്നു. ഈ നടിയുടെ കരിയറിലെ തന്നെ ഏറ്റവും മികച്ച കഥാപാത്രങ്ങളിൽ ഒന്നായിരിക്കും ഇതെന്നും സൂചനയുണ്ട്.

ശ്രീശാന്തിനും സണ്ണി ലിയോണിനും പുറമെ ഗുജറാത്തി സിനിമകളിലെ പ്രശസ്തതാരം ബിമൽ ത്രിവേദിയും അഭിനയിക്കുന്ന ഈ ചിത്രത്തിന് വേണ്ടി ക്യാമറ ചലിപ്പിക്കുന്നത് പ്രകാശ് കുട്ടിയും എഡിറ്റിംഗ് നിർവഹിക്കുന്നതു സുരേഷ് യു ആർ എസുമാണ്. സുരേഷ് പീറ്റേഴ്സ് സംഗീതം ഒരുക്കുന്ന ഈ ചിത്രത്തിന് വേണ്ടി സണ്ണി ലിയോൺ തയ്യാറെടുപ്പുകൾ തുടങ്ങി കഴിഞ്ഞു എന്നാണ് അണിയറ പ്രവർത്തകർ പറയുന്നത്. ഒരു ഫീമെയിൽ ആർട്ടിസ്റ്റിന് അവതരിപ്പിക്കാൻ റിസ്ക്കുള്ള കഥാപാത്രമാണ് സണ്ണി ലിയോൺ ഇതിൽ അവതരിപ്പിക്കാൻ പോകുന്നത് എന്നും കഥാപാത്രത്തെ കുറിച്ച് കേട്ടപാടെ വളരെ ത്രില്ലോടെയായിരുന്നു ഈ നടി അതിനെ സ്വീകരിച്ചത് എന്നും സംവിധായകൻ പറയുന്നു. ഈ അടുത്തിടെ ഏതാനും മലയാള ചിത്രങ്ങളിൽ സണ്ണി ലിയോൺ അഭിനയിച്ചിരുന്നു.