[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

മോഹൻലാലിനെ പോലെ കഷ്ടപ്പെടാൻ ആ തെലുങ്ക് സൂപ്പർ താരം റെഡി ആയിരുന്നില്ല; വെളിപ്പെടുത്തി സ്ഫടികം ജോർജ്.!

മലയാള സിനിമ കണ്ട എക്കാലത്തേയും ക്ലാസിക് മാസ്സ് ആക്ഷൻ ചിത്രങ്ങളിൽ ഒന്നാണ് മോഹൻലാൽ നായകനായി എത്തിയ സ്ഫടികം. 1995 ഇൽ റിലീസ് ചെയ്ത് ആ വർഷത്തെ ഏറ്റവും വലിയ വിജയം സ്വന്തമാക്കിയ ഈ ചിത്രം ഭദ്രൻ ആണ് സംവിധാനം ചെയ്തത്. മോഹൻലാൽ അവതരിപ്പിച്ച ആട് തോമ എന്ന കഥാപാത്രം അദ്ദേഹത്തിന്റെ അഭിനയ ജീവിതത്തിലെ തന്നെ ഏറ്റവും മികച്ച വേഷങ്ങളിൽ ഒന്നായി മാറിയിരുന്നു. തിലകൻ, കെ പി എ സി ലളിത, എൻ ഫ് വർഗീസ്, ഉർവശി, നെടുമുടി വേണു, അശോകൻ, ചിപ്പി, ഇന്ദ്രൻസ്, കരമന ജനാർദ്ദനൻ നായർ, രാജൻ പി ദേവ്, വി കെ ശ്രീരാമൻ, ഭീമൻ രഘു, ശങ്കരാടി, മണിയൻ പിള്ള രാജു തുടങ്ങി ഒട്ടേറെ നടീനടമാർ അഭിനയിച്ച ഈ ചിത്രത്തിലെ കുറ്റിക്കാടൻ എന്ന വില്ലൻ വേഷം ചെയ്തു കയ്യടി നേടിയ ജോർജ് അന്ന് മുതൽ സ്ഫടികം ജോർജ് എന്നാണ് അറിയപ്പെടുന്നത്. സ്ഫടികം പിന്നീട് തമിഴ്, തെലുങ്കു, കന്നഡ ഭാഷകളിലൊക്കെ റീമേക്ക് ചെയ്തെങ്കിലും മലയാളത്തിലെ വിജയം ആവർത്തിക്കാൻ കഴിഞ്ഞില്ല. തെലുങ്കിൽ വജ്രം എന്ന പേരിൽ റീമേക് ചെയ്യപ്പെട്ട ഈ ചിത്രം അവിടെ പരാജയപ്പെടാൻ ഉണ്ടായ കാരണം വെളിപ്പെടുത്തുകയാണ് സ്ഫടികം ജോർജ്.

തെലുങ്കു സൂപ്പർ താരം നാഗാർജുന ആണ് ആ ചിത്രത്തിൽ നായകനായി എത്തിയത് എന്നും, എന്നാൽ മലയാള സിനിമയ്ക്കു വേണ്ടി മോഹന്‍ലാല്‍ ചെയ്ത കഷ്ടപ്പാടുകളൊന്നും അവര്‍ ചെയ്തില്ലെന്നും സ്ഫടികം ജോർജ് പറയുന്നു. പൊരി വെയിലത്തും മറ്റും പാറമടയിലെ സീനുകൾ ഡ്യൂപ് പോലുമില്ലാതെ മോഹൻലാൽ അഭിനയിച്ചപ്പോൾ, തെലുങ്കിൽ എയര്‍കണ്ടീഷന്‍ ചെയ്ത് പാറമട സെറ്റിട്ട് ഷൂട്ട് ചെയ്യുകയായിരുന്നു എന്നും സ്ഫടികം ജോര്‍ജ് ഓർത്തെടുക്കുന്നു. ബിഹൈന്‍ഡ് വുഡ്‌സ് ഐസിനോടായിരുന്നു സ്ഫടികം ജോര്‍ജിന്റെ ഈ വെളിപ്പെടുത്തൽ. മോഹന്‍ലാല്‍ ചെയ്തത്‌പോലെ കഷ്ടപ്പെടാന്‍ അവര്‍ തയാറല്ലായിരുന്നു എന്നും പാലക്കാടുള്ള പാറമടയില്‍ 40, 42 ഡിഗ്രി ചൂടിലാണ് മലയാളം സിനിമ ഷൂട്ട് ചെയ്തത് എന്നും ജോർജ് പറയുന്നു. ഇതേ സിനിമ എ.സിയില്‍ ഷൂട്ട് ചെയ്താല്‍ എങ്ങനിരിക്കുമെന്നു ചോദിക്കുന്ന സ്ഫടികം ജോർജ്, തെലുങ്കു വേർഷന്റെ പരാജയത്തിന് കാരണം അവർ കഷ്ട്ടപെടാൻ തയ്യാറല്ലായിരുന്നു എന്നത് തന്നെയാണ് എന്നും പറയുന്നു.

webdesk

Recent Posts

ലോക ചാപ്റ്റർ 2 പ്രഖ്യാപിച്ചു; നായകനും വില്ലനുമായി ടോവിനോ തോമസ്

ബ്ലോക്ബസ്‌റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…

1 day ago

കംപ്ലീറ്റ് ഫൺ റൈഡാവാൻ ഷറഫുദീൻ – അനുപമ പരമേശ്വരൻ ചിത്രം; “പെറ്റ് ഡിറ്റക്ടീവ്” തീം സോങ്ങ് പുറത്തിറങ്ങി.

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…

3 days ago

അടിച്ചു മോനേ, സഞ്ജു സാംസൺ സെഞ്ച്വറി അടിച്ചു.. സെന്ന ഹെഗ്ഡെയുടെ ‘അവിഹിതം’ ട്രെയിലർ പുറത്തിറങ്ങി.

ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…

3 days ago

ഞെട്ടിക്കാൻ റിമ കല്ലിങ്കൽ. ‘തീയേറ്റർ’ റഷ്യയിലെ കാസാനിലേക്ക് ; ചിത്രം ഒക്ടോബർ 16ന് തീയറ്ററുകളിൽ എത്തും.

ദേശീയ പുരസ്‌കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…

6 days ago

പ്രണയത്തിന് ആയുസുണ്ടോ?; നവ്യ നായർ – സൗബിൻ ഷാഹിർ ചിത്രം “പാതിരാത്രി”യുടെ ടീസർ പുറത്തിറങ്ങി.

നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…

6 days ago

നവ്യ നായർ- സൗബിൻ ഷാഹിർ ചിത്രം “പാതിരാത്രി” ടീസർ നാളെ; റിലീസ് ചെയ്യുന്നത് മമ്മൂട്ടി

നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…

7 days ago

This website uses cookies.