രചിതയും കല്യാൺ ദേവും ഒന്നിക്കുന്ന മീനാക്ഷി; ടീസർ കാണാം..!

കന്നഡ സുന്ദരി രചിതാ റാം, കല്യാൺ ദേവ് എന്നിവർ നായികയും നായകനുമായും എത്തുന്ന ഏറ്റവും പുതിയ തെലുങ്കു ചിത്രമാണ് മീനാക്ഷി. ഇപ്പോഴിതാ ഈ ചിത്രത്തിന്റെ ആദ്യ കന്നഡ ടീസർ റിലീസ് ചെയ്തിരിക്കുകയാണ്. ആദിത്യ മ്യൂസിക്കിന്റെ യൂട്യൂബ് ചാനലിൽ ആണ് ഈ ടീസർ ഫെബ്രുവരി ആറിന് റിലീസ് ചെയ്തത്. ഏകദേശം അഞ്ചു ലക്ഷത്തോളം കാഴ്ചക്കാരെയാണ് ഇതിനോടകം ഈ ടീസറിന് ലഭിച്ചിരിക്കുന്നത്. ആക്ഷനും പ്രണയവും നിറഞ്ഞ ഒരു പ്രമേയമാണ് ഈ ചിത്രം പറയുന്നത് എന്നാണ് ഇതിന്റെ ടീസർ സൂചിപ്പിക്കുന്നത്. പുലി വാസു സംവിധാനം ചെയ്ത ഈ ചിത്രത്തിന് വേണ്ടി സംഗീതം ഒരുക്കിയത് സൂപ്പർ ഹിറ്റ് മ്യൂസിക് ഡയറക്ടർ ആയ എസ് തമൻ ആണ്. റിസ്‌വാൻ എന്റെർറ്റൈന്മെന്റിന്റെ ബാനറിൽ റിസ്‌വാൻ ഖുഷി ആണ് ഈ ചിത്രം നിർമ്മിച്ചിരിക്കുന്നത്.

വരദരാജ് ചിക്കബല്ലാപുര വരികളും തിരക്കഥയും എഴുതിയ ഈ ചിത്രത്തിന് വേണ്ടി കാമറ ചലിപ്പിച്ചത് ശ്യാം കെ നായിഡു ആണ്. മാർത്താണ്ഡ കെ വെങ്കിടേഷ് എഡിറ്റ് ചെയ്ത ഈ ചിത്രത്തിലെ ഒരു ലിറിക്കൽ വീഡിയോ സോങ് നേരത്തെ റിലീസ് ചെയ്യുകയും സൂപ്പർ ഹിറ്റായി മാറുകയും ചെയ്തിരുന്നു. രഹസ്യ പ്രേമിയു നെ കന്നഡ എന്ന ഗാനമാണ് ആദ്യം റിലീസ് ചെയ്തത്. സൂപ്പർ മച്ചി എന്ന പേരിൽ ആണ് ഈ ചിത്രം തെലുങ്കിൽ റിലീസ് ചെയ്തത്. രാജേന്ദ്ര പ്രസാദ്, നരേഷ്, പോസാനി കൃഷ്ണ മുരളി, പ്രഗതി, അജയ്, ജബർദസ്ത് മഹേഷ്, സത്യാ, ഭദ്രം, പൃഥ്‌വി രാജ എന്നിവരും ഈ ചിത്രത്തിൽ അഭിനയിക്കുന്നുണ്ട്. തെലുങ്കിൽ മികച്ച അഭിപ്രായമാണ് ഈ ചിത്രം നേടിയെടുത്തത്.