പ്രശസ്ത നടൻ ഷൈൻ ടോം ചാക്കോ നായകനായി എത്തിയ ഏറ്റവും പുതിയ ചിത്രമായ വിചിത്രം ഇപ്പോൾ കേരളത്തിലെ നിറഞ്ഞ സദസ്സുകളിലാണ് മുന്നേറുന്നത്. ഇപ്പോൾ വിചിത്രത്തിന് ലഭിച്ചു കൊണ്ടിരിക്കുന്ന മികച്ച പ്രേക്ഷകാഭിപ്രായങ്ങൾ ഈ ചിത്രം പ്രേക്ഷകർ ഇരു കയ്യും നീട്ടി സ്വീകരിച്ചതിന് ഉദാഹരണമാണ്. ചിത്രത്തിന്റെ പേര് പോലെ തന്നെ വിചിത്രമായ കാഴ്ചകളാണ് ഈ സിനിമ നമ്മുക്ക് സമ്മാനിക്കുന്നത്. വളരെ പുതുമയാർന്ന ശൈലിയിൽ ഒരു പരീക്ഷണ ചിത്രം പോലെയാണ് വിചിത്രം ഒരുക്കിയിരിക്കുന്നത്. എന്നാൽ ആദ്യവസാനം പ്രേക്ഷകരെ ത്രില്ലടിപ്പിക്കുന്നുണ്ട് ഈ സിനിമ. നിഗൂഢത നിറഞ്ഞ കഥാസന്ദര്ഭങ്ങളിലൂടെയാണ് വിചിത്രം സഞ്ചരിക്കുന്നത്. ആദ്യ പകുതിയിൽ ഒരു ഫാമിലി ഡ്രാമ പോലെയും രണ്ടാം പകുതിയിൽ ഒരു ഹൊറർ- ത്രില്ലെർ പോലെയും മുന്നേറുന്ന ഈ ചിത്രം അഭിനേതാക്കളുടെ പ്രകടനം കൊണ്ടും കയ്യടി നേടുന്നുണ്ട്. ഷൈൻ ടോം ചാക്കോ, ബാലു വർഗീസ് എന്നിവ വലിയ പ്രേക്ഷക പ്രശംസയാണ് നേടുന്നത്.
നവാഗതനായ അച്ചു വിജയൻ സംവിധാനം ചെയ്തിരിക്കുന്ന ഈ ചിത്രത്തിലെ ഒരു പ്രധാന വേഷം ചെയ്യുന്നത് കനി കുസൃതിയാണ്. ഇവർക്കൊപ്പം ലാല്, ബാലു വര്ഗീസ്, ജോളി ചിറയത്ത്, കേതകി നാരായണ് തുടങ്ങി നിരവധി പ്രമുഖ താരങ്ങൾ ഇതിൽ അഭിനയിച്ചിട്ടുണ്ട്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയും അച്ചു വിജയനും ചേർന്നാണ് വിചിത്രം നിർമ്മിച്ചിരിക്കുന്നത്. നിഖിൽ രവീന്ദ്രൻ തിരക്കഥ രചിച്ച ഈ ചിത്രത്തിന് ജുബൈർ മുഹമ്മദ് സംഗീത സംവിധാനം നിർവഹിച്ചപ്പോൾ ഈ ചിത്രം എഡിറ്റ് ചെയ്തത് സംവിധായകൻ അച്ചു വിജയൻ തന്നെയാണ്. അര്ജുന് ബാലകൃഷ്ണൻ ക്യാമറ ചലിപ്പിച്ച ഈ ചിത്രത്തിന് സൗണ്ട് ഡിസൈൻ നിർവഹിച്ചത് വിഷ്ണു ഗോവിന്ദ്, ശ്രീ ശങ്കര് എന്നിവർ ചേർന്നാണ്.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.