പുഷ്പയുടെ രണ്ടാം ഭാഗം; പ്രതിഫലം കുത്തനെ കൂട്ടി രശ്മിക മന്ദാന..!

സൂപ്പർ താരം അല്ലു അർജുനെ നായകനാക്കി സുകുമാർ ഒരുക്കിയ ബിഗ് ബഡ്ജറ്റ് ചിത്രമാണ് പുഷ്പ. ഈ കഴിഞ്ഞ ഡിസംബറിൽ റിലീസ് ചെയ്ത പുഷ്പ ആഗോള കളക്ഷൻ ആയി മുന്നൂറു കോടിയും പിന്നിട്ടു ബ്ലോക്ക്ബസ്റ്റർ വിജയമാണ് നേടിയെടുത്തത്. തെലുങ്ക്, തമിഴ്, ഹിന്ദി, മലയാളം, കന്നഡ എന്നിങ്ങനെ അഞ്ചു ഭാഷകളിൽ ആയി റിലീസ് ചെയ്ത ഈ ചിത്രം അല്ലു അർജുന്റെ കരിയറിലെ ഏറ്റവും വലിയ ചിത്രവും കൂടിയാണ്. രണ്ടു ഭാഗങ്ങൾ ആയി എത്തുന്ന ഈ ചിത്രത്തിന്റെ ആദ്യ ഭാഗമാണ് കഴിഞ്ഞ മാസം റിലീസ് ചെയതത്. മലയാളി താരം ഫഹദ് ഫാസിൽ വില്ലൻ വേഷത്തിൽ എത്തുന്ന ഈ ചിത്രത്തിലെ നായികാ വേഷം ചെയ്തത് രശ്മിക മന്ദന ആണ്. ഇപ്പോഴിതാ ഒന്നാം ഭാഗത്തിന്റെ വിജയത്തിനു ശേഷം ഇതിന്റെ രണ്ടാം ഭാഗത്തിൽ അഭിനയിക്കാൻ രശ്‌മിക തന്റെ പ്രതിഫലം കുത്തനെ കൂട്ടി ചോദിച്ചു എന്നുള്ള റിപ്പോർട്ടുകളാണ് പുറത്തു വരുന്നത്.

ഈ ചിത്രത്തിന്റെ വിജയം രശ്മികളുടെ താരമൂല്യവും വലിയ രീതിയിൽ ഉയർത്തിയിട്ടുണ്ട്. ഒട്ടേറെ വമ്പൻ നിർമ്മാതാക്കൾ ആണ് ഈ നടിയുടെ ഡേറ്റ് കിട്ടാനായി കാത്തു നിൽക്കുന്നത്. പുഷ്പ: ദി റൈസ് ലെ അഭിനയത്തിന് രണ്ട് കോടിയാണ് രശ്മികയ്ക്ക് പ്രതിഫലമായി ലഭിച്ചത് എങ്കിൽ ഇതിന്റെ രണ്ടാം ഭാഗത്തിനായി മൂന്നു കോടിയാണ് രശ്‌മിക ചോദിച്ചത് എന്ന് വാർത്തകൾ വരുന്നുണ്ട്. രശ്മികയുടെ ആവശ്യം ചിത്രത്തിന്റെ നിർമാതാക്കൾ അംഗീകരിച്ചു എന്നും റിപ്പോർട്ടുകൾ നമ്മളോട് പറയുന്നു. ഏതായാലും ഈ വാർത്ത ശരിയാണെങ്കിൽ തന്റെ കരിയറിലെ ഏറ്റവും ഉയർന്ന പ്രതിഫലം ആയിരിക്കും പുഷ്പയുടെ രണ്ടാം ഭാഗത്തിലൂടെ രശ്‌മിക നേടിയെടുക്കുന്നത്.