ഐഡിയ സ്റ്റാർ സിംഗറിലൂടെ പ്രശസ്തനായ യുവ ഗായകനാണ് ശ്രീനാഥ് ശിവശങ്കരൻ. തന്റെ ഗാനങ്ങളിലൂടെ പ്രേക്ഷകരുടെ ഇടയിൽ പ്രിയങ്കരനായ ശ്രീനാഥ് ഇപ്പോൾ സംഗീത സംവിധായകൻ ആയും മലയാള സിനിമയിൽ അരങ്ങേറി കഴിഞ്ഞു. മെഗാ സ്റ്റാർ മമ്മൂട്ടി നായകനായ ഒരു കുട്ടനാടൻ ബ്ലോഗ് എന്ന ചിത്രത്തിന് വേണ്ടിയാണു ശ്രീനാഥ് ആദ്യമായി സംഗീത സംവിധാനം നിർവഹിച്ചത്. ഈ ചിത്രത്തിലെ മൂന്നു ഗാനങ്ങൾ ഇതിനോടകം റിലീസ് ചെയ്യുകയും പ്രേക്ഷക ശ്രദ്ധ പിടിച്ചു പറ്റുകയും ചെയ്തു. ഇപ്പോൾ ശ്രീനാഥിനെ പ്രശംസിച്ചു കൊണ്ട് രംഗത്ത് വന്നിരിക്കുന്നത് പ്രശസ്ത ഗാന രചയിതാവും ഈ ചിത്രത്തിലെ മാനത്തെ എന്ന് തുടങ്ങുന്ന ഗാനവും രചിച്ച റഫീഖ് അഹമ്മദ് ആണ്. ശ്രീനാഥ് ഈണം നൽകിയ മാനത്തെ എന്ന് തുടങ്ങുന്ന ഗാനത്തിന് വരികൾ എഴുതിയപ്പോൾ മനസ്സിന് വലിയ ആഹ്ലാദം ആണ് ഉണ്ടായതു എന്ന് റഫീഖ് അഹമ്മദ് കുറിക്കുന്നു.
അന്ധമായ അനുകരണങ്ങൾക്കും കാതടപ്പിക്കുന്ന ഒച്ചകൾക്കും പുറകെ പോവാതെ ഹൃദയത്തിൽ തൊടുന്ന മധുരമായ സംഗീത ശൈലിയാണ് ശ്രീനാഥ് എന്ന യുവാവ് പിന്തുടരുന്നത് എന്നതാണ് ആ സന്തോഷത്തിനു കാരണമെന്നാണ് റഫീഖ് അഹമ്മദ് പറയുന്നത്. അത് വളരെയേറെ പ്രതീക്ഷ നൽകുന്നു എന്ന് പറഞ്ഞ അദ്ദേഹം മലയാള ചലച്ചിത്ര ഗാന ശാഖയുടെ മലയാളിത്തമുള്ള തനത് വ്യക്തിത്വം ശ്രീനാഥിനെപോലെയുള്ളവരിലൂടെ ഇനിയും ആവിഷ്കരിക്കപ്പെടും എന്നുമുള്ള പ്രതീക്ഷയും അഭിനന്ദന കുറിപ്പിലൂടെ പങ്കു വെക്കുന്നു. വിജയ് യേശുദാസും മൃദുല വാര്യരും ചേർന്ന് ആലപിച്ച ഈ ഗാനം ഹൃദ്യമായ സംഗീതം കൊണ്ടും മനോഹരമായ ദൃശ്യങ്ങൾ കൊണ്ടും പ്രേക്ഷകരെ ആകർഷിച്ചു കഴിഞ്ഞു. യുവ താരം ഉണ്ണി മുകുന്ദനും ഈ ചിത്രത്തിന് വേണ്ടി ഒരു ഗാനം ആലപിച്ചിട്ടുണ്ട്. സേതു ആദ്യമായി സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് അനന്താ വിഷന്റെ ബാനറിൽ മുരളീധരൻ, ശാന്താ മുരളി എന്നിവർ ചേർന്നാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.