കഴിഞ്ഞയാഴ്ച റിലീസ് ചെയ്ത പ്യാലി എന്ന കുട്ടികളുടെ ചിത്രം ഇപ്പോൾ മികച്ച വിജയം നേടി മുന്നേറുന്ന കാഴ്ചയാണ് കാണാൻ സാധിക്കുന്നത്. ദുൽഖർ സൽമാന്റെ നിർമ്മാണ- വിതരണ ബാനറായ വേഫെറർ ഫിലിംസിന്റെയും അന്തരിച്ചു പോയ നടൻ എൻ എഫ് വർഗീസിന്റെ സ്മരണാർത്ഥമുള്ള എൻ എഫ് വർഗീസ് പിക്ചേഴ്സിന്റെയും ബാനറിൽ, ദുൽഖർ സൽമാനും സോഫിയ വർഗീസും ചേർന്ന് നിർമ്മിച്ച ഈ ചിത്രം രചിച്ചു, സംവിധാനം ചെയ്തത് നവാഗതരായ ബബിതയും റിനുവുമാണ്. തെരുവിലെ സഹോദര സ്നേഹത്തിന്റെ കഥ പറയുന്ന ഈ ചിത്രത്തിൽ ബാലതാരം ബാർബി ടൈറ്റിൽ വേഷം ചെയ്തിരിക്കുന്നു. ജോർജ് ജേക്കബ്, ശ്രീനിവാസൻ, മാമുക്കോയ, അപ്പാനി ശരത്, റാഫി, അൽത്താഫ് സലിം, സുജിത് ശങ്കർ, ആടുകളം മുരുഗദോസ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രത്തിന് ഇപ്പോൾ കുടുംബ പ്രേക്ഷകരിൽ നിന്ന് വലിയ രീതിയിലുള്ള അഭിനന്ദനമാണ് ലഭിക്കുന്നത്. ബുക്ക് മൈ ഷോയിലും ഐഎംഡിബിയിലും വലിയ റേറ്റിങ്ങാണ് ഈ ചിത്രത്തിന് ലഭിക്കുന്നത്.
ഈ ചിത്രം തന്നെ ഏറെ ചിന്തിപ്പിച്ചുവെന്നും കുട്ടികളിലേക്ക് കൂടുതല് ഇറങ്ങിച്ചെല്ലാന് സാധിച്ചുവെന്നും ഒരധ്യാപിക അഭിപ്രായപ്പെട്ടത് വലിയ ശ്രദ്ധ നേടിയിരുന്നു. സഹോദരീ, സഹോദര ബന്ധം ഭംഗിയായി കാണിച്ചു തന്ന ഈ ചിത്രം, വിദ്യാഭ്യാസമെന്നാൽ ബുക്കിനുള്ളിലോ, നാല് ചുവരുകള്ക്കുള്ളിലോ ഒതുങ്ങിനില്ക്കുന്നതല്ലെന്ന് കൂടി ഓർമ്മിപ്പിച്ചെന്നും അവർ അഭിപ്രായപ്പെട്ടു. പ്യാലി എന്ന പെൺകുട്ടിയുടേയും അവളുടെ സഹോദരൻ സിയയുടെയും കഥ പ്രേക്ഷകരുടെ കണ്ണ് നിറക്കുന്നതിനൊപ്പം തന്നെ കുട്ടികൾക്ക് വലിയ പ്രചോദനവും നൽകുന്നുണ്ടെന്ന് പ്രേക്ഷകർ അഭിപ്രായപ്പെടുന്നു. ഏറെക്കാലത്തിനു ശേഷമാണു മനസ്സിൽ തൊടുന്ന മനോഹരമായ ഒരു സിനിമാനുഭവം ലഭിച്ചതെന്നും ചിത്രം കണ്ട പ്രേക്ഷകർ പറയുന്നു. പ്രശാന്ത് പിള്ളൈ സംഗീതമൊരുക്കിയ ഈ ചിത്രത്തിന് വേണ്ടി കാമറ ചലിപ്പിച്ചത് ജിജു സണ്ണിയും എഡിറ്റ് ചെയ്തത് ദീപു ജോസഫുമാണ്.
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
This website uses cookies.