മലയാളത്തിന്റെ യുവ സൂപ്പർ താരം പൃഥ്വിരാജ് സുകുമാരൻ ഇന്ന് തന്റെ ജന്മദിനം ആഘോഷിക്കുകയാണ്. സോഷ്യൽ മീഡിയയിൽ ആരാധകരും സിനിമാ പ്രവർത്തകരും പൃഥ്വിരാജ് സുകുമാരന് ജന്മദിന ആശംസകൾ നേരുന്ന തിരക്കിലാണ്. അങ്ങനെ പൃഥ്വിരാജ് ആരാധകർ ഏറ്റവും കൂടുതൽ കാത്തിരുന്ന ആ ജന്മദിന ആശംസയും എത്തി. മോഹൻലാൽ പൃഥ്വിക്കു ജന്മദിന ആശംസകൾ നേർന്നു കൊണ്ട് ഫേസ്ബുക് പോസ്റ്റ് ഇട്ടു. അതിനു താഴെ നന്ദി പറഞ്ഞു കൊണ്ട് പൃഥ്വിരാജ് ഇട്ട കമന്റ് മോഹൻലാൽ ആരാധകർക്കും പൃഥ്വിരാജ് ആരാധകർക്കും ഒരുപോലെ ആവേശം നൽകുന്ന ഒന്നാണ്. ആശംസകൾക്ക് നന്ദി പറഞ്ഞു കൊണ്ട് പൃഥ്വിരാജ് എബ്രഹാം ഖുറേഷി എത്തുന്നു എന്ന സൂചന തരുന്ന മറുപടി ആണ് ഇട്ടതു. ലൂസിഫറിന്റെ രണ്ടാം ഭാഗം ഒരുങ്ങിക്കൊണ്ടിരിക്കുകയാണ് എന്ന പൃഥ്വിയുടെ ആ വാക്കുകൾ ഏവരും ആവേശത്തോടെയാണ് സ്വീകരിക്കുന്നത്.
കടുത്ത മോഹൻലാൽ ആരാധകൻ ആണ് താൻ എന്ന് ഒരുപാട് തവണ പറഞ്ഞിട്ടുള്ള പൃഥ്വിരാജ് തന്റെ ആദ്യ ചിത്രം സംവിധാനം ചെയ്തപ്പോഴും നായകനാക്കിയത് മോഹൻലാലിനെ. മോഹൻലാലുമായി അടുത്ത സുഹൃത്ത് ബന്ധം പുലർത്തുന്ന പൃഥ്വിരാജിനു മോഹൻലാലുമായി കുടുംബപരമായും ബന്ധമുണ്ട്. ഇവർ ഒന്നിച്ച ലൂസിഫർ എന്ന ചിത്രം മലയാള സിനിമ കണ്ട എക്കാലത്തെയും ഏറ്റവും വലിയ വിജയമായി മാറിയിരുന്നു. ഇരുനൂറു കോടിയുടെ ബിസിനസ്സ് നടത്തിയ ആദ്യ മലയാള ചിത്രമായി മാറിയ ലൂസിഫർ രചിച്ചത് മുരളി ഗോപി ആണ്.
ഇതിന്റെ രണ്ടാം ഭാഗം ആണ് പൃഥ്വിരാജ് അടുത്തതായി ഒരുക്കാൻ പോകുന്ന സിനിമ. മൂന്നു ഭാഗങ്ങൾ ഉള്ള സിനിമയാണ് ലൂസിഫർ എന്നും പൃഥ്വിരാജ്- മുരളി ഗോപി ടീം പ്രഖ്യാപിച്ചിരുന്നു. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന എംബുരാൻ എന്ന ലൂസിഫർ 2 അടുത്ത വർഷം ആരംഭിക്കും. സയ്യദ് മസൂദ് എന്ന കഥാപാത്രം ആയി ചെറിയ റോളിൽ ലുസിഫെറിൽ പ്രത്യക്ഷപ്പെട്ട പൃഥ്വിരാജ്, മോഹൻലാൽ കഥാപാത്രമായ എബ്രഹാം ഖുറേഷിയുടെ വലം കൈ ആയി ലൂസിഫർ രണ്ടാം ഭാഗത്തിലും പ്രത്യക്ഷപ്പെടും.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.