മലയാളത്തിന്റെ മഹാനടൻ മമ്മൂട്ടി കുറച്ചു ദിവസങ്ങൾക്കു മുൻപാണ് തന്റെ എഴുപതാം പിറന്നാൾ ആഘോഷിച്ചത്. അതിനു തൊട്ടു മുൻപ് അമൽ നീരദ് ഒരുക്കിയ ഭീഷ്മ പർവ്വം എന്ന ചിത്രം പൂർത്തിയാക്കിയ മമ്മൂട്ടി, ഇപ്പോൾ നവാഗതയായ രഥീന ഒരുക്കുന്ന പുഴു എന്ന ചിത്രത്തിലേക്കും പ്രവേശിച്ചു കഴിഞ്ഞു. മമ്മൂട്ടിയുടെ പിറന്നാൾ ദിവസം ഒട്ടേറെ മലയാള സിനിമ താരങ്ങൾ അദ്ദേഹത്തിന് ആശംസകളുമായി എത്തിയിരുന്നു. അതിലൊരാളാണ് യുവ സൂപ്പർ താരം പൃഥ്വിരാജ് സുകുമാരൻ. ഹൈദരാബാദിൽ ഷൂട്ട് ചെയ്തു കൊണ്ടിരുന്ന, തന്റെ രണ്ടാമത്തെ സംവിധാന സംരംഭമായ മോഹൻലാൽ ചിത്രം ബ്രോ ഡാഡിയുടെ സെറ്റിൽ നിന്നുള്ള ഒരു വീഡിയോ ആണ് പൃഥ്വിരാജ് സുകുമാരൻ പങ്കു വെച്ചത്. ആ വീഡിയോയിൽ പൃഥ്വിരാജ് പറയുന്നത്, ഇനി വരാൻ പോകുന്നത് മമ്മൂട്ടി എന്ന നടന്റെ കരിയറിലെ വളരെ മികച്ച സമയങ്ങളിലൊന്നാണ് എന്നാണ്. താനത് മമ്മുക്കയോട് പല തവണ പറഞ്ഞിട്ടുണ്ടെങ്കിലും അപ്പോഴെല്ലാം മമ്മൂട്ടി അത് ചിരിച്ചു തള്ളുകയാണ് ചെയ്തത് എന്നും പൃഥ്വിരാജ് പറയുന്നു.
മാത്രമല്ല, തിരിച്ചു നാട്ടിൽ എത്തിയ ശേഷം പതിവ് പോലെ ഞായറാഴ്ചകളിൽ ബിരിയാണി കഴിക്കാൻ മമ്മുക്കയുടെ വീട്ടിൽ എത്താം എന്നും പൃഥ്വിരാജ് പറയുന്നുണ്ട്. മമ്മൂട്ടിയുടെ മകൻദുൽഖർ സൽമാനുമായി മികച്ച സൗഹൃദം പുലർത്തുന്ന പൃഥ്വിരാജ്, മമ്മൂട്ടിയുടെ വീട്ടിൽ ഇടയ്ക്കിടയ്ക്ക് പോവാറുണ്ട്. ഇപ്പോൾ പുഴു എന്ന ചിത്രം ചെയ്യുന്ന മമ്മൂട്ടി അതിനു ശേഷം ചെയ്യുക കെ മധു ഒരുക്കുന്ന സിബിഐ 5 എന്ന ചിത്രമാകും. ചിലപ്പോൾ അതിനു മുൻപായി ലിജോ ജോസ് പെല്ലിശ്ശേരി ഒരുക്കുന്ന ഒരു ചെറിയ ചിത്രം മമ്മൂട്ടി ചെയ്യും എന്നും വാർത്തകൾ ഉണ്ട്. അബ്രഹാമിന്റെ സന്തതികൾ എന്ന ചിത്രമൊരുക്കിയ ഷാജി പാടൂർ ഒരുക്കുന്ന അടുത്ത ചിത്രത്തിലും മമ്മൂട്ടി ആണ് നായകനെന്നും റിപ്പോർട്ടുകൾ വന്നിട്ടുണ്ട്.
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
ദിലീപിനെ നായകനാക്കി വിനീത് കുമാര് സംവിധാനം ചെയ്യുന്ന പവി കെയര് ടേക്കര് എന്ന ചിത്രം ഏപ്രിൽ 26 തിയറ്ററുകളില് എത്തുകയാണ്.…
പ്രേക്ഷകപ്രീതി നേടിയ സണ്ണി വെയ്ൻ-അലൻസിയർ ചിത്രം 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി'യിലെ പ്രോപ്പർട്ടി പോസ്റ്റർ അണിയറ പ്രവർത്തകർ…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഏപ്രിൽ 26 മുതൽ തീയേറ്ററുകളിലേക്ക്. നടൻ വിനീത് കുമാർ…
This website uses cookies.