പ്രശസ്ത മലയാള നടൻ ജയറാമിന്റെ മകൻ ആണ് യുവതാരമായ കാളിദാസ് ജയറാം. മലയാളത്തിലും തമിഴിലും ഒരുപിടി ചിത്രങ്ങളിൽ വേഷമിട്ട ഈ യുവ നടന് അടുത്തിടെ റിലീസ് ചെയ്ത പാവ കഥൈകൾ എന്ന ചിത്രത്തിലെ പ്രകടനത്തിന് ഗംഭീര പ്രേക്ഷക- നിരൂപക പ്രശംസയാണ് ലഭിച്ചത്. ഇപ്പോഴിതാ അതിലെ പ്രകടനത്തിന് തമിഴ് സിനിമയിൽ നിന്ന് ഒരംഗീകാരവും ലഭിച്ചിരിക്കുകയാണ് ഈ യുവ നടന്. തമിഴിലെ പ്രമുഖ അവാർഡുകളിൽ ഒന്നായ ബിഹൈൻഡ്വുഡ്സ് അവാർഡിൽ മികച്ച നടനുള്ള ക്രിട്ടിക്സ് ചോയ്സ് അവാർഡ് ആണ് കാളിദാസ് ജയറാം നേടിയെടുത്തത്. അവാർഡ് സ്വീകരിക്കാൻ എത്തിയ കാളിദാസ് ജയറാം ഈ ചിത്രത്തിന് മുൻപും ശേഷവും എന്ന നിലയിൽ തന്റെ അഭിനയ ജീവിതത്തെ തിരിച്ചു പറയാമെന്നും വെളിപ്പെടുത്തി. ഈ ചിത്രത്തിൽ ഒരു ട്രാൻസ്ജെൻഡർ ആയാണ് കാളിദാസ് അഭിനയിച്ചത്.
സത്താർ എന്ന് പേരുള്ള കഥാപാത്രമായി അതിഗംഭീര പ്രകടനമാണ് കാളിദാസ് കാഴ്ച വെച്ചത്. ഒരു ആന്തോളജി ചിത്രമായി ഒരുക്കിയ പാവ കഥൈകളിൽ സുധ കൊങ്ങര ഒരുക്കിയ തങ്കം എന്ന ചിത്രത്തിലാണ് കാളിദാസ് ജയറാം അഭിനയിച്ചത്. ഈ ചിത്രത്തിലേക്ക് ക്ഷണിച്ചു കൊണ്ടുള്ള സുധ കൊങ്ങരയുടെ വിളിയാണ് തന്റെ ജീവിതത്തിലെ നിർണ്ണായകമായ പല തീരുമാനങ്ങളും മാറാൻ കാരണമായത് എന്ന് കാളിദാസ് നേരത്തെ തന്നെ തുറന്നു പറഞ്ഞിട്ടുണ്ട്. നെറ്റ്ഫ്ളിക്സിന് വേണ്ടി സുധാ കൊങ്കാര, വിഗ്നേഷ് ശിവന്, ഗൗതം മേനോന്, വെട്രി മാരന് എന്നിവര് ചേർന്നാണ് പാവ കഥൈകൾ എന്ന ആന്തോളജി ചിത്രം ഒരുക്കിയത്. സിനിമയൊന്നും വേണ്ടെന്നും ഇനി അഭിനയമില്ലെന്നും തീരുമാനിച്ച് ലൊസാഞ്ചലസില് എത്തിയ സമയത്താണ് ഈ ചിത്രത്തിലേക്കുള്ള ക്ഷണം വരുന്നതെന്നും കാളിദാസ് പറഞ്ഞിരുന്നു. കാളിദാസിന്റെ അമ്മ പാർവതിയും ഒരുകാലത്തു മലയാളത്തിലെ മുൻനിര നായിക ആയിരുന്നു.
ഫോട്ടോ കടപ്പാട്: ഇൻസ്റ്റാഗ്രാം
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു സംവിധാനം ചെയ്യുന്ന ഏറ്റവും പുതിയ സിനിമയാണ്…
ജനപ്രിയ നായകൻ ദിലീപ് നായകനായ പവി കെയർ ടേക്കർ റീലിസ് ആയി രണ്ടു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ്…
മികച്ച പ്രതികരണങ്ങൾ നേടി തിയേറ്ററിൽ മുന്നേറുന്ന ജനപ്രിയ നായകൻ ദിലീപിനെ നായകനാക്കി വിനീത് കുമാര് സംവിധാനം ചെയ്ത പവി കെയര്…
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
This website uses cookies.