[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

പ്രണവ് മോഹൻലാൽ ചിത്രം ആദിയുടെ മോഷൻ പോസ്റ്റർ തരംഗമാകുന്നു

മോഹൻലാൽ ആരാധകരും മലയാള സിനിമ പ്രേക്ഷകരും ഒരുപോലെ ആകാംഷയോടെ കാത്തിരിക്കുന്ന അരങ്ങേറ്റമാണ് മോഹൻലാലിൻറെ മകൻ പ്രണവ് മോഹൻലാലിന്‍റേത്. ജീത്തു ജോസഫ് എഴുതി സംവിധാനം ചെയ്യുന്ന ആദി എന്ന ആക്ഷൻ ത്രില്ലറിലൂടെയാണ് പ്രണവ് മോഹൻലാൽ നായകനായി മലയാള സിനിമയിൽ അരങ്ങേറുന്നത്. ഇന്ന് തിരുവനന്തപുരത്തു വെച് നടന്ന ചിത്രത്തിന്റെ പൂജ ചടങ്ങിലാണ് ചിത്രത്തിന്റെ പേര് അടക്കമുള്ള മറ്റു വിവരങ്ങൾ പുറത്തു വിട്ടത്. അതോടൊപ്പം ചിത്രത്തിന്റെ ടൈറ്റിൽ, പ്രണവിന്റെ ലുക്ക് എന്നിവയുൾക്കൊള്ളുന്ന ഒരു മോഷൻ പോസ്റ്ററും അണിയറ പ്രവർത്തകർ റിലീസ് ചെയ്തിരുന്നു.

ആദിയുടെ മോഷൻ പോസ്റ്റർ ആരാധകർ ആവേശമായി ഏറ്റെടുത്തതോടെ മോഹൻലാലിൻറെ ഒടിയൻ മോഷൻ പോസ്റ്ററിന് ശേഷം പ്രണവ് മോഹൻലാലിൻറെ ആദി മോഷൻ പോസ്റ്ററും സോഷ്യൽ മീഡിയയിൽ തരംഗമായി മാറുകയാണ്.

ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രത്തിന്റെ ചിത്രീകരണം ഉടൻ ആരംഭിക്കും. എറണാകുളം, ബാംഗ്ലൂർ എന്നിവിടങ്ങളിലായി ചിത്രീകരണം പൂർത്തിയാക്കാനുദ്ദേശിക്കുന്ന ഈ ചിത്രം ഈ വർഷത്തെ ആശിർവാദ് സിനിമാസിന്റെ ക്രിസ്മസ് റിലീസ് ആയി തീയേറ്ററുകളിൽ എത്തിക്കാനാണ് തീരുമാനമെന്നറിയുന്നു.

സതീഷ് കുറുപ്പ് ഛായാഗ്രഹണം നിർവഹിക്കുന്ന ഈ ചിത്രത്തിന് വേണ്ടി സംഗീതമൊരുക്കുന്നത് അനിൽ ജോൺസണാണ്. അയൂബ് ഖാൻ എഡിറ്റർ ആയും ലിൻഡ ജീത്തു വസ്ത്രാലങ്കാരകയായും ഈ ചിത്രത്തിന്റെ ഭാഗമാകും.

മുകേഷ്, വിജയ രാഘവൻ, സിജു വിൽ‌സൺ, ഷറഫുദ്ധീൻ എന്നിവരും ആദി എന്ന ഈ ചിത്രത്തിന്റെ താര നിരയുടെ ഭാഗമായി വരുമെന്നറിയുന്നു. ചിത്രത്തിന്റെ കൂടുതൽ വിവരങ്ങൾ വരും ദിവസങ്ങളിൽ അറിയിക്കുമെന്ന് ജീത്തു ജോസഫ് മാധ്യമങ്ങളോട് പറഞ്ഞു.

മേജർ രവി സംവിധാനം ചെയ്ത പുനർജനി എന്ന തന്റെ ആദ്യ ചിത്രത്തിലൂടെ തന്നെ മികച്ച ബാലതാരത്തിനുള്ള സംസ്ഥാന അവാർഡ് നേടിയ പ്രണവ് പിന്നീട് മോഹൻലാൽ നായകനായ തമ്പി കണ്ണന്താനത്തിന്റെ ഒന്നാമൻ, അമൽ നീരദിന്റെ സാഗർ ഏലിയാസ് ജാക്കി തുടങ്ങിയ ചിത്രങ്ങളിൽ അതിഥി വേഷത്തിലും എത്തിയിരുന്നു.

ആദി എന്ന ചിത്രത്തിനായി പ്രണവ് മോഹൻലാൽ പാർക്കർ , ജിനാസ്റ്റിക്സ് എന്നിവയിൽ പരിശീലനം നേടുകയും ചെയ്തിട്ടുണ്ട്. ജീത്തു ജോസെഫിന്റെ കൂടെ സഹ സംവിധായകനായും രണ്ടു ചിത്രങ്ങളിൽ പ്രണവ് മോഹൻലാൽ ജോലി ചെയ്തിട്ടുണ്ട്. പാപനാശം, ലൈഫ് ഓഫ് ജോസൂട്ടി എന്ന ചിത്രങ്ങളിലായിരുന്നു പ്രണവ് ജീത്തുവിന്റെയൊപ്പം ജോലി ചെയ്തത്.

webdesk

Recent Posts

സൗഹൃദ ബന്ധത്തിന്റെ യാത്ര തുടങ്ങുന്നു; ആസിഫ് അലിയുടെ ‘സർക്കീട്ട്’ ട്രെയ്‌ലർ പുറത്തിറങ്ങി..

ആസിഫ് അലിയെ നായകനാക്കി താമർ സംവിധാനം ചെയ്യുന്ന 'സർക്കീട്ട്' എന്ന ചിത്രത്തിന്റെ ഒഫീഷ്യൽ ട്രെയ്‌ലർ പുറത്തിറങ്ങി. ഒരു ഫീൽ ഗുഡ്…

13 hours ago

പോരാട്ട വീര്യവുമായി ‘നരിവേട്ട’; ട്രെയ്‌ലർ പുറത്തിറങ്ങി..

ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത ‘നരിവേട്ട’ സിനിമയുടെ ഒഫീഷ്യൽ ട്രെയ്‌ലർ പ്രിയതാരം ദുൽഖർ സൽമാൻ റിലീസ്…

14 hours ago

സോഷ്യൽ മീഡിയയിൽ വൈറലായി അനു സിതാര വ്ലോഗ്; ആദിവാസി കർഷകനും പത്മശ്രീ ജേതാവുമായ ചെറുവയൽ രാമനൊപ്പം താരം

സിനിമകളിലെ ഗംഭീര പ്രകടനങ്ങളിലൂടെ പ്രേക്ഷകരുടെ കയ്യടി നേടിയ നടി അനു സിതാര, ഇപ്പൊൾ പുത്തൻ റോളിൽ വൈറലാവുന്നു. പ്രശസ്ത ആദിവാസി…

2 days ago

തിയേറ്ററിൽ മധുരം വിളമ്പി സുനിലിന്റെ ‘കേക്ക് സ്റ്റോറി’; മികച്ച അഭിപ്രായങ്ങളുമായി പഴയകാല ഹിറ്റ്‌ സംവിധായകൻ സുനിലിന്റെ തിരിച്ചു വരവ്

പഴയകാല ഹിറ്റ്‌ സംവിധായകൻ സുനിലിന്റെ തിരിച്ചു വരവ് ഗംഭീരമാക്കി കേക്ക് സ്റ്റോറി നിറഞ്ഞ സദസ്സിൽ തിയേറ്ററുകളിൽ. റിലീസ് ചെയ്ത തീയേറ്ററുകളിൽ…

4 days ago

‘മരണമാസ്സ് ചുരുക്കം ചിലർക്ക് മാത്രം സാധിക്കുന്ന ധീരത..’സിനിമയെ അഭിനന്ദിച്ച് മുരളി ഗോപി

മരണമാസ്സ്‌ സിനിമയെ കുറിച്ചുള്ള അഭിപ്രായം സോഷ്യൽ മീഡിയയിൽ പങ്ക് വെച്ച് മുരളി ഗോപി. നവാഗതനായ ശിവപ്രസാദ് ചെയ്തിരിക്കുന്ന ചിത്രം, സംവിധായകന്റെ…

4 days ago

പാൻ ഇന്ത്യൻ ചിത്രം ’45 ‘ ന്റെ ഗ്രാൻഡ് ടീസർ ലോഞ്ചും പ്രസ്സ് മീറ്റും കൊച്ചിയിൽ നടന്നു.

ശിവ രാജ്കുമാർ, ഉപേന്ദ്ര, രാജ് ബി ഷെട്ടി,എന്നിവർ പ്രധാന വേഷങ്ങളിൽ എത്തുന്ന '45' എന്ന പാൻ ഇന്ത്യൻ ചിത്രത്തിന്റെ ഗ്രാൻഡ്…

4 days ago

This website uses cookies.