പ്രശസ്ത യുവ താരം സണ്ണി വെയ്ൻ വിവാഹിതനായി..!

മലയാള സിനിമയിലെ പ്രശസ്‌ത യുവ താരങ്ങളിൽ ഒരാളായ സണ്ണി വെയ്ൻ ഇന്ന് വിവാഹിതനായി. രാവിലെ 6 മണിക്ക് ഗുരുവായൂരിൽ വെച്ചായിരുന്നു സണ്ണി വെയ്നിന്റെ വിവാഹം. ഒരുപാട് മാധ്യമ ശ്രദ്ധ നൽകാതെ അടുത്ത സുഹൃത്തുക്കളും ബന്ധുക്കളും മാത്രമാണ്
മലയാള സിനിമയിലെ പ്രശസ്‌ത യുവ താരങ്ങളിൽ ഒരാളായ സണ്ണി വെയ്ൻ ഇന്ന് വിവാഹിതനായി. രാവിലെ 6 മണിക്ക് ഗുരുവായൂരിൽ വെച്ചായിരുന്നു സണ്ണി വെയ്നിന്റെ വിവാഹം. ഒരുപാട് മാധ്യമ ശ്രദ്ധ നൽകാതെ അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങിൽ പങ്കെടുത്തത്. സെക്കന്റ് ഷോ എന്ന ശ്രീനാഥ് രാജേന്ദ്രൻ ചിത്രത്തിലൂടെ ദുൽക്കർ സല്മാന് ഒപ്പമാണ് സണ്ണി വെയ്ൻ മലയാള സിനിമയിൽ അരങ്ങേറ്റം കുറിച്ചത്‌. സെക്കന്റ് ഷോയിലെ കുരുടിയെ പ്രേക്ഷകർ നെഞ്ചിലേറ്റിയപ്പോൾ സണ്ണി വെയ്ൻ എന്ന നടനും താരവും മലയാള സിനിമയിൽ സജീവമായി. പിന്നീട് തട്ടത്തിൻ മറയത്തു എന്ന നിവിൻ പോളി- വിനീത് ശ്രീനിവാസൻ ചിത്രത്തിലെ സണ്ണിയുടെ ഒരു അതിഥി വേഷത്തിനു പോലും ലഭിച്ച വൻ സ്വീകാര്യത ഈ നടന് ലഭിച്ച പ്രേക്ഷക പ്രീതിക്ക് ഉദാഹരണമാണ്.

പിന്നീട് ഒട്ടേറെ ചിത്രങ്ങളിലൂടെ സണ്ണി വെയ്ൻ മലയാളി പ്രേക്ഷകർക്കിടയിൽ ഒരു സ്ഥാനം ഉറപ്പിച്ചു. ആട് ഒരു ഭീകര ജീവിയാണ്, മോസയിലെ കുതിര മീനുകൾ, കൂതറ, നീ കോ ഞാ ചാ, ആട് 2, അലമാര, ഫ്രഞ്ച് വിപ്ലവം, പോക്കിരി സൈമൺ, കായംകുളം കൊച്ചുണ്ണി, ആൻ മരിയ കലിപ്പിലാണ് തുടങ്ങി ഒട്ടേറെ ചിത്രങ്ങൾ ഈ നടന്റെ കഴിവ് നമ്മുക്ക് കാണിച്ചു തന്നു. അന്നയും റസൂലും, നീലാകാശം പച്ച കടൽ ചുവന്ന ഭൂമി, ഡബിൾ ബാരൽ, ലോർഡ് ലിവിങ്സ്റ്റൺ 7000 കണ്ടി എന്നിവയും സണ്ണി വെയ്ൻ തിളങ്ങിയ ചിത്രങ്ങൾ ആണ്. ഈ അടുത്തിടെ റീലീസ് ചെയ്ത ജൂണ് എന്ന ചിത്രത്തിലെ അതിഥി വേഷവും കായംകുളം കൊച്ചുണ്ണിയിലെ വില്ലൻ വേഷവും ഏറെ ശ്രദ്ധ നേടിയിരുന്നു.