മരണ മാസ്സ് പോലീസ് ഓഫീസർ ആയി രജനികാന്ത്; ദർബാർ ഒരുങ്ങുന്നു..!

കാർത്തിക് സുബ്ബരാജ് ഒരുക്കിയ പേട്ട എന്ന ചിത്രത്തിന്റെ സൂപ്പർ വിജയത്തിന് ശേഷം തലൈവർ രജനികാന്ത് നായകനായി എത്തുന്ന പുതിയ ചിത്രമാണ് ദർബാർ. എ ആർ മുരുഗദോസ് ഒരുക്കുന്ന ഈ ചിത്രത്തിൽ ഒരു മരണ മാസ്സ് പോലീസ് ഓഫീസർ ആയാണ് രജനികാന്ത് എത്തുന്നത് .മുംബൈ പൊലീസിലെ ഒരു ഉദ്യോഗസ്ഥൻ ആയാണ് അദ്ദേഹം എത്തുന്നത് എന്നും അതുപോലെ അദ്ദേഹം ഈ ചിത്രത്തിൽ ഇരട്ട വേഷത്തിൽ ആവും എത്തുകയെന്നുമൊക്കെ സ്ഥിതീകരിക്കാത്ത റിപ്പോർട്ടുകൾ ഉണ്ട്. മൂൺട്രു മുഗം, പാണ്ഡിയൻ, കൊടി പറക്കുത് ചിത്രങ്ങൾക്ക് ശേഷം രജനി പോലീസ് വേഷം അണിയുന്നു എന്നത് ആരാധകർ പ്രതീക്ഷ വർധിപ്പിക്കുന്നു.

ചിത്രത്തിൽ രജനിയുടെ നായികയായി എത്തുന്നത് ലേഡി സൂപ്പർ സ്റ്റാർ നയൻതാരയാണ് . ചന്ദ്രമുഖി, ശിവാജി ,കുസേലൻ, ചിത്രങ്ങൾക്ക് ശേഷം രജനിയുടെ കൂടെ അഭിനയിക്കുന്ന ചിത്രമാണിത്
ലൈക്ക പ്രൊഡക്ഷൻസ് നിർമ്മിക്കുന്ന ഈ ചിത്രം ഇന്ന് ഷൂട്ടിങ് ആരംഭിച്ചു കഴിഞ്ഞു.. 2020 പൊങ്കൽ ദിനത്തിൽ റിലീസ് പ്രതീക്ഷിക്കുന്നു. സന്തോഷ് ശിവൻ കാമറ ചലിപ്പിക്കുന്ന ഈ ചിത്രത്തിന് സംഗീതം ഒരുക്കുന്നത് അനിരുദ്ധ് രവിചന്ദറും എഡിറ്റ് ചെയ്യുന്നത് ശ്രീകർ പ്രസാദും ആണ്. അടുത്ത വർഷം പൊങ്കൽ റിലീസ് ആയാവും ദർബാർ എത്തുക. വിജയ് ചിത്രമായ സർക്കാർന് ശേഷം എ ആർ മുരുഗദോസ് ഒരുക്കുന്ന ചിത്രമാണ് ഇത്.