തമിഴ് സിനിമ മേഖലയില്‍ സൂപ്പര്‍ ഡ്യൂപ്പര്‍ ഹിറ്റുകള്‍ സമ്മാനിച്ച സംവിധായകനും തിരക്കഥാകൃത്തുമാണ് ലോകേഷ് കനകരാജ്. കാര്‍ത്തി നായകനായ കൈതിയും, ദളപതി വിജയ്‌യുടെ മാസ്റ്റർ, കമല്‍ ഹാസന്‍, വിജയ് സേതുപതി, ഫഹദ് ഫാസില്‍ എന്നിവർ ഒന്നിച്ച വിക്രം എന്നിവ ബോക്‌സ് ഓഫീസിൽ വമ്പൻ വിജയങ്ങൾ നേടിയ ലോകേഷ് ചിത്രങ്ങളായിരുന്നു. ഇനി ആരാധകര്‍ പ്രതീക്ഷയോടെ കാത്തിരിക്കുന്ന ചിത്രമാണ് ലോകേഷിന്‍റെ സംവിധാനത്തില്‍ ഒരുങ്ങുന്ന ദളപതി 67. ഇപ്പോഴിതാ ലോകേഷ് തിരക്കഥ എഴുതുന്ന മറ്റൊരു സിനിമയെ കുറിച്ചുള്ള ചര്‍ച്ചയാണ് വാര്‍ത്തയാകുന്നത്.
തമിഴിലെ ലേഡി സൂപ്പര്‍ സ്റ്റാര്‍ നയന്‍താരും രാഘവേന്ദ്ര ലോറന്‍സും ഒന്നിക്കുന്ന ഒരു ഹൊറര്‍ സിനിമയെ കുറിച്ചുള്ള ചര്‍ച്ചകള്‍ അണിയറയില്‍ ചൂടുപിടിക്കുന്നുണ്ടെന്നാണ് റിപ്പോര്‍ട്ട്. സിനിമയില്‍ ലോറന്‍സാണ് കേന്ദ്ര കഥാപാത്രത്തെ അവതരിപ്പിക്കുന്നതെന്നാണ് സൂചന. നയന്‍താരയുടെ ഡേറ്റ് കൂടി കിട്ടിയതിന് ശേഷം ഔദ്യോഗിക പ്രഖ്യാപനമുണ്ടാകുമെന്നാണ് അണിയറ പ്രവര്‍ത്തകര്‍ അറിയിച്ചത്. രത്നകുമാറാണ് ചിത്രം സംവിധാനം ചെയ്യുന്നത്. കമല്‍ഹാസന്‍റെ രാജ് കമന്‍ ഫിലിംസ് ഇന്‍റര്‍നാഷ്ണല്‍ ആണ് ചിത്രത്തിന്‍റെ നിര്‍മാണം. ചിത്രത്തിന് ഇതുവരെ ടൈറ്റില്‍ ആയിട്ടില്ല.
2005 ല്‍ രജനികാന്ത്, നയന്‍താര, ജ്യോതിക തുടങ്ങി വമ്പന്‍ താരനിര അണിനിരന്ന ചന്ദ്രമുഖിയുടെ രണ്ടാംഭാഗം ചെയ്തുകൊണ്ടിരിക്കുകയാണ് ലോറന്‍സ്. ലോകേഷിന്‍റെ കൈതി രണ്ടാം ഭാഗത്തിലും ലോറന്‍സാണ് വില്ലന്‍ കഥാപാത്രം ചെയ്യുന്നതെന്ന തരത്തില്‍ അഭ്യൂഹങ്ങള്‍ വന്നിരുന്നു. എന്നാല്‍ അണിയറപ്രവര്‍ത്തകര്‍ ഇതുവരെ അത് സ്ഥിരീകരിച്ചിട്ടില്ല. അമല പോള്‍ നായികയായ ആടൈ യുടെ സംവിധായകന്‍ രത്നകുമാറും ലോകേഷും നയന്‍താരയും ലോറന്‍സും ഒന്നിക്കുമ്പോള്‍ അതൊരു വിജയ കോമ്പിനേഷന്‍ തന്നെയാകുമെന്നാണ് ആരാധകര്‍ പ്രതീക്ഷിക്കുന്നത്. ലോകേഷ് കനകരാജ് നയന്‍താര-ലോറന്‍സിനെ കേന്ദ്ര കഥാപാത്രങ്ങളാക്കി ഒരു ഹൊറന്‍ സിനിമ പ്ലാന്‍ ചെയ്യുന്നുണ്ടെന്ന് കഴിഞ്ഞ ദിവസം ദ ക്യുവിന് നല്‍കിയ ഒരു അഭിമുഖത്തില്‍ പൃഥിരാജ് പറഞ്ഞിരുന്നു.
ദളപതി 67 ആണ് ആരാധകര്‍ കാത്തിരിക്കുന്നു ലോകേഷ് – വിജയ് ചിത്രം. വിജയ് നായകനായ വാരിസിന്റെ റിലീസിന് പിന്നാലെ ദളപതി 67 ന്‍റെ ഔദ്യോഗിക പ്രഖ്യാപനം ഉണ്ടാകുമെന്നാണ് അണിയറ പ്രവര്‍ത്തകര്‍ അറിയിച്ചത്.
നടൻ ഷെയ്ൻ നിഗം പ്രധാന വേഷത്തിലെത്തുന്ന പുതിയ തമിഴ് ചിത്രത്തിന് യേർക്കാടിൽ പരമ്പരാഗത പൂജാ ചടങ്ങുകളോടെ തുടക്കമായി. ട്രൂ സ്റ്റോറീസിന്റെ…
സുരാജ് വെഞ്ഞാറമൂട് കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രത്തിന് ഇന്ന് തുടക്കം. ജഗൻ ഷാജി കൈലാസാണ് ചിത്രം സംവിധാനം ചെയ്യുന്നത്.…
‘സീൻ’ എന്ന ചിത്രം ആദ്യം ഫഹദ് ഫാസിലിനെ നായകനാക്കി ഒരുക്കാനായിരുന്നു പദ്ധതിയെന്ന് സംവിധായകൻ ജിത്തു മാധവൻ. ഫഹദ്–നസ്രിയ ജോഡിയെ കേന്ദ്രകഥാപാത്രങ്ങളാക്കിയായിരുന്നു…
ജയിലർ- 2 ൻ്റെ ആദ്യ പ്രദർശനത്തോടെ ഡോൾബി അറ്റ്മോസ് സാങ്കേതിക മികവോടെ കേരളത്തിലെ ആദ്യ ഡോൾബി സിനിമ തിയ്യേറ്ററായ ഇ…
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
This website uses cookies.