ഉലകനായകൻ കമൽ ഹാസനെ നായകനാക്കി തമിഴിലെ വമ്പൻ സംവിധായകൻ ഷങ്കർ ചെയ്യുന്ന ഇന്ത്യൻ 2 എന്ന ചിത്രത്തിന്റെ ഷൂട്ടിംഗ് വീണ്ടും ആരംഭിക്കാൻ പോവുകയാണ്. ഏതാനും വർഷം മുൻപ് ആരംഭിച്ച ഈ ചിത്രം കോവിഡ് പ്രതിസന്ധി മൂലമുണ്ടായ ചില പ്രശ്നങ്ങളും, ചിത്രത്തിന്റെ ഷൂട്ടിംഗ് സെറ്റില് ക്രയിന് താഴെ വീണ് അണിയറ പ്രവര്ത്തകര് കൊല്ലപ്പെട്ടതും, നിര്മാണ കമ്പനിയായ ലൈക്ക പ്രൊഡക്ഷന്സ് നേരിട്ട സാമ്പത്തിക പ്രതിസന്ധിയുമൊക്കെയായി ബന്ധപെട്ടു നിന്ന് പോയിരുന്നു. ഏതായാലും ഇപ്പോൾ ഈ ചിത്രം വീണ്ടും ആരംഭിക്കാനുള്ള ഒരുക്കത്തിലാണ് അണിയറ പ്രവർത്തകർ. എന്നാൽ ഈ ചിത്രം തുടങ്ങുമ്പോൾ ഇതിന്റെ താരനിരയിലുണ്ടായിരുന്ന മഹാനടൻ നെടുമുടി വേണു ഇന്ന് നമ്മുക്കൊപ്പമില്ല. അന്തരിച്ചു പോയ അദ്ദേഹത്തിന് പകരമായി മറ്റൊരു മലയാള നടനാണ് അഭിനയിക്കാൻ പോകുന്നത്.
പ്രശസ്ത മലയാള നടൻ നന്ദു പൊതുവാൾ ആണ് ഇനി ആ വേഷം ചെയ്യുക. ട്രേഡ് അനലിസ്റ്റ് ശ്രീധർ പിള്ളയാണ് ഇത് സംബന്ധിച്ച വിവരം ഇപ്പോൾ പുറത്തു വിട്ടിരിക്കുന്നത്. ഇതിനോടകം നെടുമുടി വേണുവിനെ വച്ച് ചിത്രീകരിച്ച ഭാഗങ്ങള് നന്ദു പൊതുവാളിനെ വെച്ച് പൂർത്തിയാക്കാനാണ് പ്ലാൻ. കാജൽ അഗർവാൾ നായികാ വേഷം ചെയ്യുന്ന ഈ ചിത്രത്തിൽ രാകുൽ പ്രീത് സിംഗ്, പ്രിയ ഭവാനി ശങ്കര്, സിദ്ധാര്ഥ്, കാർത്തിക്, ഗുരു സോമസുന്ദരം, ഡൽഹി ഗണേഷ്, സുകന്യ എന്നിവരും പ്രധാന വേഷങ്ങൾ ചെയ്യുന്നുണ്ട്. അടുത്ത മാസം പതിമൂന്നു മുതൽ ഇതിന്റെ ചിത്രീകരണമാരംഭിക്കുമെന്ന് കാജൽ അഗർവാളാണ് വെളിപ്പെടുത്തിയത്. വർഷങ്ങൾക്കു മുൻപ് കമൽ ഹാസൻ- ശങ്കർ ടീമിൽ നിന്ന് വന്ന ഇന്ത്യൻ എന്ന ട്രെൻഡ് സെറ്റർ ചിത്രത്തിന്റെ രണ്ടാം ഭാഗമാണ് ഈ പുതിയ ചിത്രം. 1996 ല് റിലീസ് ചെയ്ത ഇന്ത്യനില് കൃഷ്ണ സ്വാമി എന്ന കഥാപാത്രത്തിനായിരുന്നു നെടുമുടി വേണു ജീവൻ പകർന്നത്.
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
മലയാളികളുടെ ഹൃദയം കീഴടക്കിയ ഹനാന് ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര് ആവേശത്തോടെ കാത്തിരിക്കുന്ന ആക്ഷന് ചിത്രമാണ്…
ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…
മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…
ആക്ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…
This website uses cookies.