മലയാളത്തിന്റെ മോഹൻലാൽ എന്ന വിശേഷണത്തോടെ, ഇന്ത്യൻ സിനിമയിലെ മഹാമേരുവായ മോഹൻലാൽ എന്ന മഹാനടനെ പ്രേക്ഷകരുടെ മുന്നിലവതരിപ്പിച്ച ലിജോ ജോസ് പെല്ലിശ്ശേരി ചിത്രമായ മലൈക്കോട്ടൈ വാലിബൻ ആഗോള പ്രശംസ നേടി മുന്നോട്ട് കുതിക്കുന്ന കാഴ്ചയാണ് കാണാൻ സാധിക്കുന്നത്. ആദ്യ ദിനങ്ങളിലെ സമ്മിശ്ര പ്രതികരണങ്ങളെ മറികടന്നു കൊണ്ട് വമ്പൻ പ്രേക്ഷക – നിരൂപക പ്രശംസയാണ് ഈ ചിത്രം ഇപ്പോൾ നേടുന്നത്. കേരളത്തിന് അകത്തും പുറത്തും ഇന്ത്യക്കു പുറത്തുമുള്ള നിരൂപകർ പ്രശംസ കൊണ്ട് മൂടുന്ന ഈ ചിത്രം ഒരു ലോകോത്തര ക്ലാസിക് ആണെന്നാണ് അവർ വിശേഷിപ്പിക്കുന്നത്. മോഹൻലാലിന്റെ കരിയറിലെ തന്നെ ഏറ്റവും മികച്ച പ്രകടനങ്ങളിൽ ഒന്നാണ് വാലിബനായി അദ്ദേഹം കാഴ്ചവെച്ചിരിക്കുന്നതെന്നും പ്രേക്ഷകർ അഭിപ്രായപ്പെടുന്നു. ബോക്സ് ഓഫീസിലും മികച്ച വിജയമാണ് ഈ ചിത്രം നേടുന്നത്. റിലീസ് ചെയ്ത് ആദ്യ നാല് ദിവസം പിന്നിടുമ്പോൾ ആഗോള ഗ്രോസ്സായി 25 കോടിയിലേക്കാണ് ഈ ചിത്രം കുതിക്കുന്നത്.
കേരളത്തിൽ നിന്ന് 11 കോടിക്ക് മുകളിൽ നേടിയ ഈ ചിത്രം കേരളത്തിന് പുറത്ത് നിന്നും വിദേശത്ത് നിന്നും കൂടി നേടിയത് 13 കോടിക്കും മുകളിലാണെന്ന് ആദ്യ കണക്കുകൾ സൂചിപ്പിക്കുന്നു. കേരളത്തിൽ നിന്നുള്ള ആദ്യ നാല് ദിവസത്തെ ട്രാക്ക്ഡ് ഗ്രോസ് മാത്രം 9 കോടിയോളമാണ്. മലയാള സിനിമയുടെ ചരിത്രത്തിലെ തന്നെ ഏറ്റവും വലിയ ആദ്യ വീക്കെൻഡ് ഗ്രോസ്സുകളിൽ ഒന്നാണ് മലൈക്കോട്ടൈ വാലിബൻ നേടിയെടുത്തിരിക്കുന്നത്. ഒരു മുത്തശ്ശി കഥ പോലെ വളരെ വ്യത്യസ്തമായ രീതിയിൽ മുന്നോട്ട് പോകുന്ന ഈ ചിത്രം അതിന്റെ ഗംഭീര ഛായാഗ്രഹണം, സംഗീതം, കലാസംവിധാനം, ശബ്ദമിശ്രണം എന്നിവയുടെ പേരിലും വലിയ അഭിനന്ദനം നേടുന്നുണ്ട്. അതുപോലെ തന്നെ ഹരീഷ് പേരാടി, ഡാനിഷ് എന്നിവർ യഥാക്രമം അയ്യനാർ, ചമതകൻ എന്നീ കഥാപാത്രങ്ങളായി കാഴ്ചവെച്ച പ്രകടനത്തിനും വമ്പൻ പ്രശംസയാണ് ലഭിച്ചു കൊണ്ടിരിക്കുന്നത്. മലൈക്കോട്ടൈ വാലിബൻ രണ്ടാം ഭാഗവും പ്രഖ്യാപിച്ചു കൊണ്ടാണ് ഈ മോഹൻലാൽ- ലിജോ ജോസ് പെല്ലിശേരി മാജിക് അവസാനിക്കുന്നത്
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.