“അമ്മ” താര സംഘടനയുടെ പുതിയ പ്രസിഡന്റായി മോഹൻലാലിനെ നിയമിക്കും..

മലയാള സിനിമയുടെ താരസംഘടനയാണ് “അമ്മ” .വർഷങ്ങളായി നടത്തി പോരുന്ന ഈ പ്രസ്ഥാനം മുന്നോട്ട് നയിക്കുന്നതും സിനിമ താരങ്ങൾ തന്നെയാണ് , എന്നാൽ കുറച്ച് മാസങ്ങൾക്ക് മുമ്പ് ഈ സംഘടനക്ക് വിള്ളൽ സംഭവിക്കുകയും ചിലർ പുറത്തു പോവുകയും ചിലരെ പുറത്താക്കുകയും ചെയ്തിരുന്നു. 17 വർഷക്കാലം അമ്മയുടെ പ്രസിഡന്റ് ശ്രീ ഇന്നസെന്റ് ആയിരുന്നു എന്നാൽ അദ്ദേഹം പ്രസിഡന്റ് സ്ഥാനം ഇപ്പോൾ ഒഴിയുകയാണ്. പുതിയ പ്രസിഡന്റ് ആരായിരിക്കും എന്ന ആക്ഷാംശയിൽ ഇരിക്കുമ്പോളാണ് അമ്മയുടെ പ്രസിഡന്റായി മോഹൻലാൽ എത്തിയെക്കുമെന്ന സൂചന അമ്മ സംഘാടകർ തന്നെ പുറത്ത് വിട്ടത്

ഈ മാസം 24ന് കൂടുന്ന അമ്മ ജനറൽ ബോഡി മീറ്റിംഗിൽ ഒദ്യോഗികമായി സ്ഥിതികരണം ഉണ്ടാവും. അതുപോലെ തന്നെ ജനറൽ സെക്രട്ടറിയായി ഇടവേള ബാബുവും തിരഞ്ഞെടുക്കപ്പെടും എന്നാണ് അറിയാൻ സാധിച്ചത്. ഇന്നസെന്റിന്റെ ആവശ്യപ്രകാരമായിരുന്നു മോഹൻലാൽ പ്രസിഡന്റ് സ്ഥാനത്തേക്ക് നോമിനേഷൻ നൽകുന്നതെന്നും സൂചനയുണ്ട്. എന്നാൽ മോഹൻലാൽ തന്റെ നയം അടുത്തിടെ വ്യക്തമാക്കിയിരുന്നു , മറ്റാരെങ്കിലും പ്രസിഡന്റ് സ്ഥാനത്തേക്ക് വേണ്ടി നോമിനേഷൻ നൽകുകയാണെങ്കിൽ താൻ മത്സരിക്കില്ല എന്നും ഉറപ്പ് നൽകയിട്ടുണ്ട്. മോഹൻലാൽ ഓസ്‌ട്രേലിയയിൽ ഷൂട്ടിങ് തിരക്കിലാണ് എന്നാൽ അമ്മയുടെ ജനറൽ ബോഡി മീറ്റിങ് മുമ്പായി താരം കേരളത്തിൽ എത്തിച്ചേരും.