ദളപതി 62 ലൊക്കേഷനിലെ രസകരമായ ഒരു വീഡിയോ കാണാം..

തമിഴകത്തിന്റെ ദളപതി വിജയ്‌യെ നായകനാക്കി എ. ആർ മുരുഗദോസ് സംവിധാനം ചെയ്യുന്ന ചിത്രം അണിയറയിൽ ഒരുങ്ങികൊണ്ടിരിക്കുകയാണ്. തുപ്പാക്കി , കത്തി എന്നീ ചിത്രങ്ങൾക്ക് ശേഷം ഇരുവരും ഒന്നിക്കുന്ന ചിത്രം എന്ന നിലയിൽ തമിഴ് സിനിമ പ്രേമികൾ ഉറ്റു നോക്കുന്ന വിജയ്‌യുടെ 62ആം ചിത്രം കൂടിയാണിത്.ഈ വർഷം ദിവാലിക്ക് റീലീസ് പ്രഖ്യാപിച്ച ചിത്രം ഷൂട്ടിംഗ് ഏറെ കുറെ പൂർത്തിയായി. വർഷങ്ങൾക്ക് ശേഷം സൺ പിക്ചേഴ്‌സിന്റെ ബാനറിൽ റീലീസ് ചെയ്യുന്ന വിജയ് ചിത്രം എന്ന നിലയിൽ വലിയ ബഡ്ജറ്റിലാണ് പുറത്തിറങ്ങുന്നത്. ചിത്രത്തിന്റെ പല ഷൂട്ടിങ് ഫോട്ടോസും വിഡിയോകളും സമൂഹ മാധ്യമങ്ങളിൽ ഇപ്പോളും പ്രചരിക്കുന്നുണ്ട്.

സോഷ്യൽ മീഡിയയിൽ ഇപ്പോൾ താരം സാക്ഷൽ എ. ആർ മുരുഗദോസ് തന്നെയാണ്. അദ്ദേഹം വിജയ് 62 ഷൂട്ടിംഗ് സ്പോട്ടിൽ പാണ്ടി മേളം കൊട്ടി നൃത്ത ചുവടുകൾ വെക്കുന്ന രംഗമാണ് സോഷ്യൽ മീഡിയയിൽ ഇപ്പോൾ ചർച്ച വിഷയം. ഒട്ടും തന്നെ സമ്മർദ്ദമില്ലാതെയാണ് താൻ ഓരോ ഷെഡ്യൂളും പൂർത്തിയാക്കുന്നത് എന്നതിന്റെ ഒരു സൂചനകൂടിയാണിത്. ചിത്രത്തിന് വേണ്ടി സംഗീതം നിർവഹിക്കുന്നത് എ. ആർ റഹ്മാനാണ്. ക്യാമറ കൈകാര്യം ചെയ്യുന്നത് മലയാളികളുടെ സ്വന്തം ഗിരീഷ് ഗംഗാധരനാണ്. വിജയ്‌യുടെ നായികമാരായി കീർത്തി സുരേഷും , വരലക്ഷ്മി ശരത് കുമാറും വേഷമിടുന്നുണ്ട്.