കായംകുളം കൊച്ചുണ്ണി എന്ന റോഷൻ ആൻഡ്രൂസ് ചിത്രത്തിലെ ഇത്തിക്കര പക്കി എന്ന കഥാപാത്രം ആയി മോഹൻലാൽ അഭിനയിക്കുന്നു എന്ന വാർത്ത നമ്മൾ നേരത്തെ അറിഞ്ഞതാണ്. നിവിൻ പോളി നായകനായ ഈ ചിത്രത്തിൽ ഏകദേശം അര മണിക്കൂറോളം വരുന്ന നിർണ്ണായകമായ അതിഥി വേഷത്തിലാണ് മോഹൻലാൽ പ്രത്യക്ഷപ്പെടുക. കഴിഞ്ഞ ദിവസം മംഗലാപുരത്തെ ഈ ചിത്രത്തിന്റെ ലൊക്കേഷനിൽ മോഹൻലാൽ ജോയിൻ ചെയ്തിരുന്നു.
ഇപ്പോഴിതാ ഇത്തിക്കര പക്കി എന്ന തന്റെ കഥാപാത്രത്തിന്റെ ഫസ്റ്റ് ലുക്ക് മോഹൻലാൽ തന്റെ ഒഫീഷ്യൽ ഫേസ്ബുക് പേജ് വഴി പങ്കു വെച്ചിരിക്കുകയാണ്. മരണ മാസ്സ് ലുക്കിലാണ് മോഹൻലാൽ പ്രത്യക്ഷപ്പെട്ടിരിക്കുന്നത് എന്ന് പറഞ്ഞാൽ കുറഞ്ഞു പോകും.
ഇത്തിക്കര പക്കി ആയുള്ള മോഹൻലാലിൻറെ ട്രാൻസ്ഫോർമേഷൻ വിസ്മയത്തോടെയാണ് മലയാളികൾ ഇപ്പോൾ കണ്ടു നിൽക്കുന്നത്. പരുക്കനായ ഭാവത്തോടെ ഒരു കണ്ണടച്ച് പിടിച്ചു, പറ്റെ വെട്ടിയ തലമുടിയും കുറ്റി താടിയും പിരിച്ചു വെച്ച നീളൻ മീശയുമായി കിടിലൻ ലുക്കിലാണ് മോഹൻലാൽ പ്രത്യക്ഷപ്പെട്ടിരിക്കുന്നത്. നിവിൻ പോളിയുടെ കരിയറിലെ ഏറ്റവും വലിയ ചിത്രമായി ഒരുക്കുന്ന കായംകുളം കൊച്ചുണ്ണി ശ്രീ ഗോകുലം ഫിലിമ്സിന്റെ ബാനറിൽ ഗോകുലം ഗോപാലൻ ആണ് നിർമ്മിക്കുക.
ഈ വർഷം ഓണത്തിന് ആണ് കായംകുളം കൊച്ചുണ്ണി പ്രദർശനത്തിന് എത്തുക. ബോബി- സഞ്ജയ് ടീം തിരക്കഥ രചിച്ചിരിക്കുന്ന ഈ ചിത്രത്തിൽ പ്രിയ ആനന്ദ്, സണ്ണി വെയ്ൻ, ബാബു ആന്റണി എന്നിവരും അഭിനയിക്കുന്നുണ്ട്. ഇരുപതു ദിവസത്തെ ഡേറ്റ് ആണ് മോഹൻലാൽ ഈ ചിത്രത്തിന് വേണ്ടി നൽകിയിരിക്കുന്നത് എന്നാണ് അറിയുന്നത്.
റോഷൻ ആൻഡ്രൂസിനൊപ്പം മോഹൻലാൽ ജോലി ചെയ്യുന്ന നാലാമത്തെ ചിത്രമാണ് കായംകുളം കൊച്ചുണ്ണി. മോഹൻലാലിനെ നായകനാക്കി ഉദയനാണു താരം എന്ന ബ്ലോക്ക്ബസ്റ്റർ ഒരുക്കി കൊണ്ടാണ് റോഷൻ ആൻഡ്രൂസ് അരങ്ങേറ്റം കുറിച്ചത്.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.