മലയാള സിനിമയിലെ ബ്ലോക്ക്ബസ്റ്റർ ചിത്രങ്ങളായ ദൃശ്യം, ദൃശ്യം 2 എന്നിവയുടെ മൂന്നാം ഭാഗമായ ദൃശ്യം 3 അടുത്ത വർഷം പ്രേക്ഷകർക്ക് മുന്നിലെത്തുമെന്നു സൂചന. ഇപ്പോൾ പ്രചരിക്കുന്ന വാർത്തകൾ പ്രകാരം, ഈ മൂന്നാം ഭാഗത്തിന്റെ രചന പുരോഗമിക്കുകയാണെന്നും അടുത്ത വർഷം പകുതിയോടെ ചിത്രീകരണം ആരംഭിച്ച്, 2025 അവസാനം റിലീസ് ചെയ്യാൻ പാകത്തിനാകും ചിത്രം ഒരുക്കുകയെന്നുമാണ് അറിയാൻ സാധിക്കുന്നത്.
മലയാളത്തിലെ ആദ്യത്തെ അൻപത് കോടി ഗ്രോസ് നേടി ഇൻഡസ്ട്രി ഹിറ്റായി മാറിയ ദൃശ്യം അതിന് ശേഷം വിദേശ ഭാഷകൾ ഉൾപ്പെടെ ഏഴു ഭാഷകളിലേക്കാണ് റീമേക്ക് ചെയ്യപ്പെട്ടത്. ദൃശ്യം 2 എന്ന ചിത്രവും ഇതിനോടകം മൂന്നോളം ഭാഷകളിൽ റീമേക്ക് ചെയ്യപ്പെട്ടുകഴിഞ്ഞു. മോഹൻലാലിനെ നായകനാക്കി ജീത്തു ജോസഫ് രചിച്ച് സംവിധാനം ചെയ്ത ദൃശ്യം 2013 ലാണ് റിലീസ് ചെയ്തത്. 2021 ലാണ് ഇതിന്റെ രണ്ടാം ഭാഗമായ ദൃശ്യം 2 റിലീസായത്.
അതിന് ശേഷം മോഹൻലാൽ നായകനായ നേര് എന്ന ബ്ലോക്ക്ബസ്റ്റർ ഹിറ്റും ഒരുക്കിയ ജീത്തു ജോസഫ്, മോഹൻലാൽ തന്നെ നായകനാവുന്ന റാം എന്ന ചിത്രവും ഒരുക്കുന്നുണ്ട്. രണ്ട് ഭാഗങ്ങളായി ഒരുക്കുന്ന റാം ഇനി 50 ദിവസത്തെ ചിത്രീകരണം കൊണ്ട് പൂർത്തിയാവും. റാം കൂടെ തീർത്തതിന് ശേഷമേ ദൃശ്യം 3 എന്ന ചിത്രത്തിലേക്ക് മോഹൻലാൽ- ജീത്തു ടീം കടക്കു. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ദൃശ്യം 3 നിർമ്മിക്കുക. ജീത്തു ജോസഫിന്റെ ഏറ്റവും പുതിയ റിലീസായ ബേസിൽ ജോസഫ് ചിത്രം നുണക്കുഴിയും സൂപ്പർ ഹിറ്റായിരുന്നു.
മലയാളത്തിന്റെ മെഗാതാരം മോഹൻലാൽ വർഷങ്ങളുടെ ഇടവേളക്ക് ശേഷം ഒരു ഹൊറർ ചിത്രത്തിൽ നായകനാവുന്നു എന്ന് സൂചന. പൃഥ്വിരാജ് നായകനായ രണം,…
മാധ്യമ രംഗത്ത് നിന്ന് സൗത്ത് ഇന്ത്യൻ സിനിമാ മേഖലയിലെ പി ആർ ഓ മേഖലയിൽ തിളങ്ങുന്ന പ്രതീഷ് ശേഖർ ആദ്യമായി…
കൊച്ചി : ഇന്ത്യൻ സിനിമ ആദ്യമായി ഒരു 3ഡി ചിത്രം അനുഭവിച്ചറിഞ്ഞത് മൈ ഡിയർ കുട്ടിച്ചാത്തൻ എന്ന മലയാള സിനിമയിലൂടെയായിരുന്നു.…
ജയ ജയ ജയ ജയഹേ എന്ന സൂപ്പർ ഹിറ്റിന് ശേഷം സംവിധായകൻ വിപിൻ ദാസ് ഒരുക്കിയ ചിത്രമായിരുന്നു ഗുരുവായൂരമ്പല നടയിൽ.…
മലയാളത്തിന്റെ യുവതാരങ്ങളിലൊരാളായ പ്രണവ് മോഹൻലാൽ തെലുങ്കിലേക്ക് എന്ന് സൂചന. ഹൃദയം, വർഷങ്ങൾക്ക് ശേഷം എന്നീ ബ്ലോക്ക്ബസ്റ്റർ ചിത്രങ്ങൾക്ക് ശേഷം പ്രണവ്…
ഏതാനും ദിവസം മുൻപാണ് മലയാള സിനിമയിൽ ഒരു പുതിയ ചലച്ചിത്ര കൂട്ടായ്മ ഉടലെടുക്കുന്ന വിവരം പുറത്ത് വന്നത്. മലയാള സിനിമയിലെ…
This website uses cookies.