മലയാളത്തിന്റെ സൂപ്പർ താരങ്ങളും മഹാനടന്മാരുമായ മോഹൻലാലിനും മമ്മൂട്ടിക്കും ആദരവുമായി യു എ ഇ സർക്കാർ. സിനിമാ ലോകത്തിനു ഇരുവരും നൽകിയ അമൂല്യ സംഭാവനകൾ പരിഗണിച്ചു ഇരുവർക്കും ഗോൾഡൻ വിസ നല്കാൻ യു എ ഇ സർക്കാർ തീരുമാനിച്ചു. പത്തു വർഷത്തെ കാലാവധി ഉള്ള ഗോൾഡൻ വിസ ആണ് ഇരുവർക്കും ലഭിക്കുക. യുഎഇയുടെ ദീർഘകാല താമസ വീസയായ ഗോൾഡൻ വീസയ്ക്ക് ഇതാദ്യമായാണ് മലയാള സിനിമ മേഖലയിൽ നിന്നുള്ളവർ അർഹരാകുന്നത് എന്ന പ്രത്യേകതയും ഉണ്ട്. അടുത്ത ദിവസങ്ങളിലായി ദുബായിലെത്തി മോഹൻലാലും മമ്മൂട്ടിയും വീസ സ്വീകരിക്കും. വിവിധമേഖലകളിൽ സംഭാവന നൽകിയ വ്യക്തികൾക്കാണ് യുഎഇ ഗോൾഡൻ വീസ നൽകാറുള്ളത്. ബോളിവുഡ് താരങ്ങളായ ഷാറൂഖ് ഖാൻ, സഞ്ജയ് ദത്ത് തുടങ്ങിയവർക്കും ഒട്ടേറേ പ്രവാസി വ്യവസായികൾക്കും നേരത്തേ ഗോൾഡൻ വീസ ലഭിച്ചിട്ടുണ്ട്.
ഇപ്പോൾ പൃഥ്വിരാജ് സുകുമാരൻ ഒരുക്കുന്ന ബ്രോ ഡാഡി എന്ന ചിത്രത്തിന്റെ സെറ്റിൽ ഹൈദരാബാദിൽ ആണ് മോഹൻലാൽ. ആ ചിത്രം പൂർത്തിയാക്കി ജീത്തു ജോസഫ് ഒരുക്കുന്ന 12 ത് മാൻ എന്ന മിസ്റ്ററി ത്രില്ലർ ചിത്രത്തിൽ ആണ് മോഹൻലാൽ ജോയിൻ ചെയ്യുക. മോഹൻലാൽ തന്നെ സംവിധാനം ചെയ്യുന്ന ബാരോസ്, പ്രിയദർശൻ ഒരുക്കാൻ പോകുന്ന സ്പോർട്സ് ഡ്രാമ, ജീത്തു ജോസഫിന്റെ തന്നെ റാം, പൃഥ്വിരാജ് ഒരുക്കുന്ന എംപുരാൻ എന്നിവയാണ് അണിയറയിൽ ഒരുങ്ങുന്ന മറ്റു ചില മോഹൻലാൽ ചിത്രങ്ങൾ. അമൽ നീരദ് ഒരുക്കുന്ന ഭീഷ്മ പർവ്വം പൂർത്തിയാക്കുന്ന മമ്മൂട്ടി അതിനു ശേഷം രഥീന ഒരുക്കുന്ന പുഴുവിൽ ആണ് ജോയിൻ ചെയ്യുക. കെ മധു ഒരുക്കുന്ന സിബിഐ 5, അമൽ നീരദിന്റെ തന്നെ ബിലാൽ എന്നിവയാണ് അണിയറയിൽ ഒരുങ്ങുന്ന മമ്മൂട്ടി ചിത്രങ്ങൾ.
ഫോട്ടോ കടപ്പാട്: ഇൻസ്റ്റാഗ്രാം
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
ജയസൂര്യയും വിനായകനും പ്രധാന വേഷങ്ങളിലെത്തുന്ന പ്രിൻസ് ജോയ് ചിത്രം ‘ടൈറ്റൻസി’ന്റെ അഡ്വാൻസ് ടിക്കറ്റ് ബുക്കിംഗ് ആരംഭിച്ചു. ഒക്ടോബർ 22ന് ആഗോളതലത്തിൽ…
അനൂപ് മേനോനും ഐശ്വര്യ മിഥുൻ കോറോത്തും പ്രധാന വേഷങ്ങളിൽ എത്തിയ ചിത്രം 'ചിരം ' കണ്ട എംഎൽഎ ഫാത്തിമ തഹ്ളിയ…
ജയസൂര്യയും വിനായകനും പ്രധാന വേഷങ്ങളിലെത്തുന്ന ‘ടൈറ്റൻസ്’ സിനിമയുടെ സെൻസറിംഗ് പൂർത്തിയായി. ചിത്രത്തിന് U/A 16+ സർട്ടിഫിക്കറ്റാണ് ലഭിച്ചത്. പ്രിൻസ് ജോയ്…
ജയസൂര്യയെ നായകനാക്കി പ്രിൻസ് ജോയ് സംവിധാനം ചെയ്യുന്ന ‘ടൈറ്റൻസി’ലെ വീഡിയോ ഗാനം ‘ആഗോള ശൃംഖല’ പുറത്തിറങ്ങി. വൈക്കം വിജയലക്ഷ്മിയും സന്നിധാനന്ദനും…
This website uses cookies.