ഒരുപിടി മികച്ച ചിത്രങ്ങളുമായി ബോക്സ് ഓഫീസിൽ പോരാട്ടത്തിന് ഇറങ്ങാൻ തയ്യാറെടുക്കുകയാണ് മെഗാ സ്റ്റാർ മമ്മൂട്ടി.അതിൽ ക്ലാസ് ചിത്രങ്ങളും മാസ്സ് ചിത്രങ്ങളും ഉണ്ടെന്നതാണ് ആരാധകരെ സന്തോഷിപ്പിക്കുന്ന കാര്യം. ഈ വരുന്ന ക്രിസ്മസിന് റിലീസ് ചെയ്യാൻ പോകുന്ന മാസ്സ് മസാല ചിത്രമായ മാസ്റ്റർപീസ് ആണ് മമ്മൂട്ടിയുടെ ഇനി വരാൻ പോകുന്ന ആദ്യ റിലീസ്. അജയ് വാസുദേവ് സംവിധാനം ചെയ്യുന്ന ഈ ചിത്രം രചിച്ചത് ഉദയ് കൃഷ്ണയും നിർമ്മിക്കുന്നത് റോയൽ സിനിമാസും ആണ്.
യുവ താരം ഉണ്ണി മുകുന്ദനും ഗോകുൽ സുരേഷും ഉൾപ്പെടെ ഒരു വമ്പൻ താര നിര തന്നെ അണി നിരക്കുന്ന ഈ ചിത്രം 15 കോടിക്ക് മുകളിൽ ചെലവഴിച്ചാണ് ഒരുക്കുന്നത്. മാത്രമല്ല മമ്മൂട്ടിയുടെ കരിയറിലെ തന്നെ ഏറ്റവും വലിയ റിലീസ് ആയിരിക്കും ഈ ചിത്രം എന്നാണ് റിപ്പോർട്ടുകൾ പറയുന്നത്.
ജനുവരി 12 നു പൊങ്കൽ റിലീസ് ആയി പ്രദർശനത്തിനെത്തും എന്ന് കരുതപ്പെടുന്ന മമ്മൂട്ടി ചിത്രമാണ്, റാം സംവിധാനം ചെയ്ത പേരന്പ് എന്ന തമിഴ് ചിത്രം. ഒരു ക്ലാസ് ചിത്രമായി ഒരുക്കിയിരിക്കുന്ന ഇതിൽ അച്ഛൻ- മകൾ ബന്ധം ആണ് ചർച്ച ചെയ്യുന്നത് എന്നാണ് സൂചന. മലയാളത്തിൽ നിന്ന് സുരാജ് വെഞ്ഞാറമൂടും ഈ ചിത്രത്തിൽ അഭിനയിക്കുന്നുണ്ട്.
ജനുവരി 26 നു മമ്മൂട്ടി നായകനാകുന്ന മലയാളം- തമിഴ് ദ്വിഭാഷാ ചിത്രമായ സ്ട്രീറ്റ് ലൈയ്റ്സ് പ്രദർശനം ആരംഭിക്കും. ഒരു ഇൻവെസ്റ്റിഗേഷൻ ത്രില്ലർ ആയി ഒരുക്കിയിരിക്കുന്ന ഈ ചിത്രം സംവിധാനം ചെയ്തിരിക്കുന്നത് പ്രശസ്ത ഛായാഗ്രാഹകൻ ആയ ഷാംദത് ആണ്.
ഇപ്പോൾ മമ്മൂട്ടി പൂർത്തിയാക്കിയ മറ്റൊരു ചിത്രമാണ് ഗിരീഷ് ദാമോദർ എന്ന നവാഗതൻ ഒരുക്കിയ അങ്കിൾ . ജോയ് മാത്യു തിരക്കഥ രചിച്ച ഈ ചിത്രം ഒരു റിയലിസ്റ്റിക് സോഷ്യൽ ഡ്രാമ ആണെന്നാണ് സൂചന. കാർത്തിക മുരളീധരൻ ആണ് ഈ ചിത്രത്തിലെ നായിക ആയെത്തുന്നത്.
ശരത് ഒരുക്കുന്ന പരോൾ എന്ന ചിത്രത്തിലാണ് ഇപ്പോൾ മമ്മൂട്ടി അഭിനയിച്ചു കൊണ്ടിരിക്കുന്നത്. ഫെബ്രുവരി, മാർച്ച് മാസങ്ങളിൽ ആയി അങ്കിൾ, പരോൾ എന്നീ ചിത്രങ്ങളും പ്രദർശനത്തിന് എത്തും എന്ന് കരുതപ്പെടുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.