മലയാളത്തിന്റെ മെഗാസ്റ്റാർ മമ്മൂട്ടി ഇപ്പോൾ തന്റെ ഏറ്റവും പുതിയ ചിത്രത്തിൻറെ ഷൂട്ടിംഗ് പൂർത്തിയാക്കിയിരിക്കുകയാണ്. കാതൽ എന്ന് പേരിട്ടിരിക്കുന്ന ഈ ചിത്രം സംവിധാനം ചെയ്യുന്നത് ജിയോ ബേബിയാണ്. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെ നിർമ്മിച്ച ഈ ചിത്രത്തിൽ ജ്യോതികയാണ് നായികാ വേഷം ചെയ്യുന്നത്. ഇതിനു ശേഷം മമ്മൂട്ടി ചെയ്യാൻ പോകുന്നത് മമ്മൂട്ടി കമ്പനി തന്നെ നിർമ്മിക്കുന്ന ഒരു ത്രില്ലർ ചിത്രമാണെന്നും, പ്രശസ്ത ക്യാമറാമാൻ റോബി വർഗീസ് രാജ് സംവിധായകനായി അരങ്ങേറ്റം കുറിക്കുന്ന ഈ ചിത്രം ജനുവരിയിൽ ആണ് ആരംഭിക്കുകയെന്നും വാർത്തകൾ വരുന്നുണ്ട്. ഏറ്റവും പുതിയ വാർത്തകൾ അനുസരിച്ച് അതിനു മുൻപ് മമ്മൂട്ടി ഒരു വെബ് സീരിസിന്റെ ഭാഗമായേക്കാം. ഒഫീഷ്യൽ ആയി സ്ഥിതീകരിച്ചിട്ടില്ലെങ്കിലും കാക്കമുട്ടൈ ഫെയിം മണികണ്ഠൻ ഒരുക്കാൻ പോകുന്ന പുതിയ വെബ് സീരിസിൽ മമ്മൂട്ടി ഒരു നിർണ്ണായക വേഷം ചെയ്തേക്കാം.
വിജയ് സേതുപതിയാണ് ഈ വെബ് സീരീസിലെ നായകനായി എത്തുന്നത്. ഡിസ്നി പ്ലസ് ഹോട്ട് സ്റ്റാർ നിർമ്മിക്കാൻ പോകുന്ന ഈ ബിഗ് ബഡ്ജറ്റ് വെബ് സീരിസിന്റെ ഔദ്യോഗിക പ്രഖ്യാപനം ഉടനെ ഉണ്ടാകുമെന്നാണ് സൂചന. വിജയ് സേതുപതി ആണ് ഇതിൽ നായകനെന്ന വിവരം ഏകദേശം ഉറപ്പായിട്ടുണ്ട്. മമ്മൂട്ടി ഇതിന്റെ ഭാഗമാകുമോ എന്നറിയാനുള്ള ആകാംക്ഷയിലാണ് പ്രേക്ഷകർ. ഇത് കൂടാതെ സിദ്ദിഖ് സംവിധാനം ചെയ്യാൻ പോകുന്ന പുതിയ ചിത്രത്തിലും മമ്മൂട്ടിയാണ് നായകനെന്നാണ് സൂചന. ബി ഉണ്ണികൃഷ്ണൻ ഒരുക്കിയ ക്രിസ്റ്റഫർ, ലിജോ ജോസ് പെല്ലിശ്ശേരി ഒരുക്കിയ നൻ പകൽ നേരത്ത് മയക്കം, തെലുങ്ക് ചിത്രം ഏജൻറ് എന്നിവയാണ് മമ്മൂട്ടിയഭിനയിച്ച് ഇനി റിലീസ് ചെയ്യാനുള്ള ചിത്രങ്ങൾ.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.