ഇപ്പോൾ സോഷ്യൽ മീഡിയയിൽ പരക്കുന്ന ഊഹാപോഹങ്ങളിൽ ഒന്നാണ് മെഗാ സ്റ്റാർ മമ്മൂട്ടിയും യുവ താരം ഫഹദ് ഫാസിലും ഒരിക്കൽ കൂടി ഒന്നിക്കുന്നു എന്നത്. ലിജോ ജോസ് പെല്ലിശ്ശേരിയാണ് ഈ ചിത്രം സംവിധാനം ചെയ്യുക എന്നും വാർത്തകൾ പറയുന്നു. മമ്മൂട്ടി കമ്പനി എന്ന തന്റെ പുതിയ പ്രൊഡക്ഷൻ ബാനറിൽ മമ്മൂട്ടി തന്നെ നിർമ്മിക്കുന്ന ഈ മൂന്നാമത്തെ ചിത്രം രചിക്കുന്നത് ആമേൻ പോലുള്ള സൂപ്പർ ഹിറ്റ് ലിജോ ജോസ് പെല്ലിശ്ശേരി ചിത്രങ്ങൾ രചിച്ച പി എസ് റഫീഖ് ആണെന്നും വാർത്തകൾ വരുന്നുണ്ട്. വർഷങ്ങൾക്കു മുൻപ് ലിജോ ജോസ് പെല്ലിശ്ശേരി- മമ്മൂട്ടി- പി എസ് റഫീഖ് കൂട്ടുകെട്ടിൽ ഫ്രൈഡേ ഫിലിം ഹൌസ് ഒരു ചിത്രം പ്രഖ്യാപിച്ചിരുന്നെങ്കിലും അത് നടന്നില്ല. ആ പ്രൊജക്റ്റാണ് ഇപ്പോൾ വീണ്ടും വരുന്നതെന്നാണ് വാർത്തകൾ പറയുന്നത്. എന്നാൽ ഈ നിമിഷം വരെ മമ്മൂട്ടിയുടെയോ ലിജോ ജോസ് പെല്ലിശ്ശേരിയുടെയോ അടുത്ത വൃത്തങ്ങൾ ഈ വാർത്ത സ്ഥിതീകരിച്ചിട്ടില്ല.
മമ്മൂട്ടി കമ്പനിയുടെ ബാനറിൽ മമ്മൂട്ടി ആദ്യം നിർമ്മിച്ച ചിത്രം ലിജോ ജോസ് പെല്ലിശ്ശേരിയൊരുക്കിയ നൻ പകൽ നേരത്തു മയക്കമാണ്. ആ ചിത്രം ഇതുവരെ റിലീസ് ചെയ്തിട്ടില്ല. അതിന്റെ ഒരു ടീസർ പുറത്തുവരികയും ശ്രദ്ധ നേടുകയും ചെയ്തിരുന്നു. മമ്മൂട്ടി- ഫഹദ് ഫാസിൽ ടീം ഇതിനു മുൻപ് ബി ഉണ്ണികൃഷ്ണൻ ഒരുക്കിയ പ്രമാണി, ഫാസിൽ ഒരുക്കിയ കയ്യെത്തും ദൂരത്തു, ലാൽ ജോസ് ഒരുക്കിയ ഇമ്മാനുവൽ എന്നീ ചിത്രങ്ങളിൽ ഒരുമിച്ചഭിനയിച്ചിട്ടുണ്ട്. ഏതായാലും ഇവർ ഒരിക്കൽ കൂടിയൊന്നിക്കുമോ എന്നറിയാനുള്ള കാത്തിരിപ്പിലാണ് പ്രേക്ഷകർ. നവാഗതയായ രഥീന സംവിധാനം ചെയ്ത പുഴുവാണ് മമ്മൂട്ടിയുടെ അടുത്ത റിലീസ്. മെയ് പതിമൂന്നിന് ഈ ചിത്രം നേരിട്ടുള്ള ഒടിടി റിലീസായി സോണി ലൈവിൽ റിലീസ് ചെയ്യും.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.