തന്റെ ഏറ്റവും പുതിയ ചിത്രമായ ക്രിസ്റ്റഫറിന്റെ പ്രൊമോഷൻ തിരക്കിലാണ് മമ്മൂട്ടി. ഫെബ്രുവരി 9 ന് റീലീസ് ചെയ്യാൻ പോകുന്ന ഈ ചിത്രത്തിന്റെ ഗൾഫ് പ്രമോഷന്റെ ഭാഗമായി ദുബായിൽ മാധ്യമങ്ങളെ കണ്ടപ്പോൾ അദ്ദേഹം നടത്തിയ പരാമർശങ്ങൾ ശ്രദ്ധ നേടുകയാണ്. സിനിമാ വിമർശനത്തെ കുറിച്ചാണ് മമ്മൂട്ടി പറയുന്നത്. സിനിമാ വിമർശനം അധിക്ഷേപമായി മാറരുത് എന്നും പ്രേക്ഷകരാണ് സിനിമയിലെ മാറ്റങ്ങൾക്ക് കാരണമെന്നും മമ്മൂട്ടി പറയുന്നു. സിനിമയുടെ പ്രൊമോഷൻ എപ്പോഴും വലിയ ബുദ്ധിമുട്ടാണ് എന്നും, സിനിമയെ വിമര്ശിക്കാനുള്ള സ്വാതന്ത്ര്യം ഉണ്ടെങ്കിലും അത് അധിക്ഷേപമായോ പരിഹാസമായോ മാറുന്നത് തെറ്റാണെന്നും അദ്ദേഹം പറഞ്ഞു. സോഷ്യൽ മീഡിയയിലെ സിനിമാ വിമർശനങ്ങൾക്ക് എതിരെ യുവ നടന്മാർ പ്രതികരിച്ചതിനെ കുറിച്ചു ചോദിച്ചപ്പോൾ, സോഷ്യൽ മീഡിയ പോലെ അവരും പുതിയ തലമുറ ആയത് കൊണ്ടാകും എന്നും, താനൊക്കെ പഴയ ആളുകൾ അല്ലെ എന്നുമായിരുന്നു മമ്മൂട്ടിയുടെ മറുപടി.
മമ്മൂട്ടിക്കൊപ്പം ക്രിസ്റ്റഫറിലെ താരങ്ങളായ സ്നേഹ, ഐശ്വര്യ ലക്ഷ്മി, രമ്യ സുരേഷ് എന്നിവരും പ്രസ് മീറ്റിൽ പങ്കെടുത്തു. ഉദയ കൃഷ്ണ രചിച്ച ഈ ചിത്രം സംവിധാനം ചെയ്തതും നിർമ്മിച്ചതും ബി ഉണ്ണികൃഷ്ണനാണ്. പ്രമാണി എന്ന ചിത്രത്തിന് ശേഷം മമ്മൂട്ടി-ബി ഉണ്ണികൃഷ്ണൻ ടീം ഒന്നിച്ച ചിത്രമാണ് ക്രിസ്റ്റഫർ. ഒരു ഇൻവെസ്റ്റിഗേഷൻ ത്രില്ലർ ആയി ഒരുക്കിയ ഈ ചിത്രത്തിൽ വിനയ് റായ്, ശരത് കുമാർ, ഷൈൻ ടോം ചാക്കോ, ദിലീഷ് പോത്തൻ, സിദ്ദിഖ്, ജിനു ജോസഫ്, അമല പോൾ എന്നിവരും വേഷമിട്ടിട്ടുണ്ട്. ലൈഫ് ഓഫ് എ വിജിലാന്റി കോപ് എന്ന ടാഗ് ലൈനോടെ എത്തുന്ന ക്രിസ്റ്റഫറിൽ ടൈറ്റിൽ കഥാപാത്രമായ പോലീസ് ഉദ്യോഗസ്ഥനായാണ് മമ്മൂട്ടി വേഷമിടുന്നത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.