ഉലകനായകൻ കമൽ ഹാസന് ഇന്ന് 68-ആം പിറന്നാൾ ആഘോഷിക്കുകയാണ്. കുടുംബത്തോടൊപ്പം താരങ്ങളും ആരാധകരും രാഷ്ട്രീയ പ്രവർത്തകരും താരത്തിന് ജന്മദിനാശംസകൾ നേർന്ന് രംഗത്തെത്തി. മമ്മുട്ടിയും മോഹൻലാലും തങ്ങളുടെ സോഷ്യൽ മീഡിയ വഴി ആശംസകൾ നേർന്നിട്ടുണ്ട്. കമൽ ഹാസന്റെ ഫോട്ടോ തന്റെ സോഷ്യൽ മീഡിയയിൽ പോസ്റ്റ് ചെയ്തുകൊണ്ടാണ് മോഹൻലാൽ ആശംസകൾ നേർന്നതെങ്കിൽ കമൽ ഹാസനോടൊപ്പമുള്ള ഒരു ചിത്രം പങ്കുവെച്ചുകൊണ്ടാണ് മമ്മുട്ടി ആശംസകൾ നേർന്നത്.
”പ്രിയ കമൽഹാസന് ജന്മദിനാശംസകൾ. സമാനതകളില്ലാത്ത കലാകാരൻ, നിങ്ങൾ ഞങ്ങളെ വിസ്മയിച്ചു കൊണ്ടേയിരിക്കുകയാണ്. ജനാധിപത്യപരവും മതേതരവുമായ മൂല്യങ്ങളോടുള്ള നിങ്ങളുടെ വിധേയത്വം ഞങ്ങളെ പ്രചോദിപ്പിക്കുന്നു. ആരോഗ്യത്തോടെ ഒരുപാട് കാലം ജീവിക്കാനാവട്ടെ” എന്ന് ട്വിറ്ററിൽ കുറിച്ചുകൊണ്ടാണ് മുഖ്യമന്ത്രി പിണറായി വിജയൻ ആശംസകൾ നേർന്നത്.
കമൽ ഹാസന് പിറന്നാൾ സമ്മാനം എന്നോണം ‘ഇന്ത്യൻ 2’ വിൻറെ അണിയറ പ്രവർത്തകർ ഫസ്റ്റ് ലുക്ക് പോസ്റ്റർ പുറത്തുട്ടു. കാജൽ അഗർവാളാണ് ‘ഇന്ത്യൻ 2’ ലെ നായിക. രാകുൽ പ്രീത്, സിദ്ധാർഥ് എന്നിവരാണ് മറ്റ് താരങ്ങൾ. ഉദയനിധി സ്റ്റാലിന്റെ പ്രൊഡക്ഷൻ കമ്പനിയായ റെഡ് ജയന്റ് മൂവീസും ലൈക്കാ പ്രൊഡക്ഷൻസും ചേർന്നാണ് ചിത്രം നിർമ്മിക്കുന്നത്.
1960 ൽ ജമിനി ഗണേശനും സാവിത്രിക്കും ഒപ്പം 6-ആം വയസ്സിൽ എ.വി.എമ്മിന്റെ ‘കളത്തൂർ കണ്ണമ്മ’ എന്ന ചിത്രത്തിലൂടെയാണ് കമൽ ഹാസൻ ചലച്ചിത്രരംഗത്തേക്ക് ചുവടുവെച്ചത്. പിന്നീടങ്ങോട്ട് ഒട്ടനവധി ചിത്രങ്ങളിൽ അഭിനയിച്ചു. അഭിനയിച്ച സിനിമകളെല്ലാം പ്രേക്ഷകർ ഏറ്റെടുത്തു. സമാനതകളില്ലാത്ത കലാകാരൻ, ഉലകനായകൻ, ഇതിഹാഹ നായകന്മാരിൽ ഒരാൾ, തുടങ്ങിയ വിശേഷപദങ്ങൾ അദ്ദേഹത്തിന് ലഭിച്ചത് അദ്ദേഹത്തിന്റെ അഭിനയമികവ് കണ്ടുകൊണ്ട് തന്നെയാണ്. 68-ആം വയസ്സിൽ എത്തി നിൽക്കുമ്പോഴും ചുറുചുറുക്കോടെയാണ് ഇന്നും അദ്ദേഹം തന്റെ കഥാപാത്രങ്ങളെ കൈകാര്യം ചെയ്യുന്നതും പൂർണ്ണതയിലെത്തിക്കുന്നതും.
ഫോട്ടോ കടപ്പാട്: ട്വിറ്റർ
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
രഞ്ജിത്ത് സജീവ്, ജോണി ആന്റണി,സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട ജയൻ എന്നീ ചിത്രങ്ങൾക്ക്…
കഴിഞ്ഞ അഞ്ച് വർഷത്തിനിടയിൽ, മലയാള ചലച്ചിത്രമേഖലയിലെ ഏറ്റവും മികച്ച സംഗീതസംവിധായകരിൽ ഒരാളായി മാറിയിരുക്കുകയാണ് ജേക്സ് ബിജോയ്. ടൊവിനോ തോമസിനെ കേന്ദ്ര…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത നരിവേട്ട ഇപ്പോൾ തിയറ്ററുകളിൽ ട്രെൻഡിങ്ങായി മുന്നേറുകയാണ്. ചിത്രത്തിന്റെ കളക്ഷൻ റിപ്പോർട്ട്…
This website uses cookies.