അന്തരിച്ചു പോയ സംവിധായകൻ സച്ചിയുടെ സ്വപ്ന ചിത്രങ്ങളിലൊന്നായിരുന്ന വിലായത് ബുദ്ധ എന്ന ചിത്രം ഒക്ടോബറിൽ ആരംഭിക്കും. പൃഥ്വിരാജ് സുകുമാരൻ നായകനായി എത്തുന്ന ഈ ചിത്രം സംവിധാനം ചെയ്യുന്നത് സച്ചിയുടെ അസ്സോസിയേറ്റ് ആയിരുന്ന ജയൻ നമ്പ്യാരാണ്. ജി ആർ ഇന്ദുഗോപൻ രചിച്ച കൃതിയെ ആസ്പദമാക്കി അദ്ദേഹവും രാജേഷ് പിന്നാടനും ചേർന്ന് രചിച്ച ഈ ചിത്രം നിർമ്മിക്കുന്നത് ഉർവശി തീയേറ്റേഴ്സിന്റെ ബാനറിൽ സന്ദീപ് സേനനും അനീഷ് എം തോമസുമാണ്. ഡബിൾ മോഹനൻ എന്ന കഥാപാത്രമായി പൃഥ്വിരാജ് അഭിനയിക്കുന്ന ഈ ചിത്രത്തിൽ ഷമ്മി തിലകനും ഒരു പ്രധാന വേഷം ചെയ്യുന്നുണ്ട് എന്നാണ് സൂചന. കഴിഞ്ഞ ദിവസമാണ് ഈ ചിത്രത്തിന്റെ പൂജ ചടങ്ങുകൾ നടന്നത്. ഒക്ടോബർ രണ്ടാം വാരം ഈ ചിത്രത്തിന്റെ ഷൂട്ടിംഗ് മറയൂരിൽ ആരംഭിക്കും.
ജോമോൻ ടി ജോൺ ക്യാമറ ചലിപ്പിക്കാൻ പോകുന്ന ഈ ചിത്രത്തിന്റെ എഡിറ്റർ മഹേഷ് നാരായണനാണ്. ജേക്സ് ബിജോയ് ആണ് ഈ സിനിമയ്ക്കു വേണ്ടി സംഗീതമൊരുക്കുക. ഇപ്പോൾ ഷാജി കൈലാസ് ഒരുക്കിയ കാപ്പ പൂർത്തിയാക്കിയ പൃഥ്വിരാജ് അടുത്ത മാസം ഏഴോടെ വിലായത് ബുദ്ധയിൽ ജോയിൻ ചെയ്യുമെന്നാണ് സൂചന. ചിത്രത്തിലെ മറ്റു താരങ്ങളുടെ വിവരങ്ങൾ അധികം വൈകാതെ തന്നെ പുറത്ത് വരും. ഷാജി കൈലാസ് ഒരുക്കുന്ന കാപ്പ എന്ന ചിത്രവും ജി ആർ ഇന്ദുഗോപന്റെ രചനയിൽ ഒരുങ്ങുന്ന ചിത്രമാണ്. ആസിഫ് അലി, അപർണ്ണ ബാലമുരളി, അന്ന ബെൻ എന്നിവരും അഭിനയിക്കുന്ന ഈ ചിത്രത്തിന്റെ ഷെഡ്യൂൾ പാക്കപ്പ് ഇന്നലെയായിരുന്നു. കോട്ട മധു എന്ന മാസ്സ് കഥാപാത്രമായാണ് പൃഥ്വിരാജ് ഇതിലഭിനയിച്ചിരിക്കുന്നത്.
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
This website uses cookies.