കുഞ്ചാക്കോ ബോബൻ – ജോജു ജോർജ് ചിത്രം നായാട്ട് ഇന്ന് മുതൽ ; തീയേറ്റർ ലിസ്റ്റ് ഇതാ..!

ബെസ്റ്റ് ആക്ടർ, ചാർളി തുടങ്ങിയ സൂപ്പർ ഹിറ്റ് ചിത്രങ്ങൾ നമ്മുക്ക് സമ്മാനിച്ച മാർട്ടിൻ പ്രക്കാട്ട് നാലു വർഷത്തിന് ശേഷം നമ്മുക്ക് മുന്നിലെത്തിക്കുന്ന ചിത്രമാണ് നായാട്ട്. കുഞ്ചാക്കോ ബോബൻ നായക വേഷത്തിലെത്തുന്ന ഈ ചിത്രം ഒരു സർവൈവൽ ത്രില്ലർ ആയാണ് ഒരുക്കിയിരിക്കുന്നത്. ഇന്നു മുതൽ കേരളത്തിലെ പ്രധാന കേന്ദ്രങ്ങളിൽ റിലീസ് ചെയുന്ന ഈ ചിത്രത്തിന്റെ തീയേറ്റർ ലിസ്റ്റ് ഇവിടെ ചേർക്കുന്നു. കുഞ്ചാക്കോ ബോബനൊപ്പം ജോജു ജോർജ്, നിമിഷ സജയൻ എന്നിവരും പ്രധാന വേഷങ്ങൾ ചെയ്യുന്ന ഈ ചിത്രത്തിൽ അനിൽ നെടുമങ്ങാട്, ജാഫർ ഇടുക്കി എന്നിവരും അഭിനയിച്ചിട്ടുണ്ട്. ജോജു ജോർജ് നായകനായ എം പദ്മകുമാർ ചിത്രം ജോസഫ് രചിച്ച ഷാഹി കബീർ ആണ് ഈ ചിത്രവും രചിച്ചിരിക്കുന്നത്. മാജിക് ഫ്രെയിംസ് ആണ് കേരളത്തിൽ നായാട്ട് വിതരണം ചെയ്യുന്നത്.

ഗോൾഡ്‌ കോയിൻ മോഷൻ പിക്ചർസ്‌ ന്റെ ബാനറിൽ പ്രശസ്ത സംവിധായകൻ രഞ്ജിത്, പി എം ശശിധരൻ എന്നിവരും മാർട്ടിൻ പ്രക്കാട്ട് ഫിലിംസിന്റെ ബാനറിൽ മാർട്ടിൻ പ്രക്കാട്ടും ചേർന്ന് നിർമ്മിച്ചിരിക്കുന്ന ഈ ചിത്രം ജിസ് ജോയ് ചിത്രമായ മോഹൻകുമാർ ഫാന്സിന് ശേഷം, ഈ വർഷം തീയേറ്ററുകളിൽ എത്തുന്ന കുഞ്ചാക്കോ ബോബൻ ചിത്രം കൂടിയാണ്. മഹേഷ് നാരായണൻ എഡിറ്റിങ് നിർവഹിച്ചിരിക്കുന്ന നായാട്ടിനു സംഗീതം ഒരുക്കിയത് വിഷ്ണു വിജയ്‌യും ഈ ചിത്രത്തിന് വേണ്ടി കാമറ ചലിപ്പിച്ചിരിക്കുന്നത് ഷൈജു ഖാലിദുമാണ്. ഈ ചിത്രത്തിന്റെ ട്രൈലെർ സോഷ്യൽ മീഡിയയിൽ സൂപ്പർ ഹിറ്റായിരുന്നു. അതുകൊണ്ട് തന്നെ വലിയ പ്രതീക്ഷകളോടെയാണ് പ്രേക്ഷകർ ഈ മാർട്ടിൻ പ്രക്കാട്ട് ചിത്രത്തെ കാത്തിരിക്കുന്നത്.