തമിഴ് സിനിമയിലെ സൂപ്പർ ഹിറ്റ് നിർമ്മാതാവായ കെ ടി കുഞ്ഞുമോൻ വീണ്ടും നിർമ്മാണ രംഗത്തേക്ക് മടങ്ങി വരുന്ന ചിത്രമാണ് ജന്റിൽമാൻ 2. ഷങ്കർ സംവിധാനം ചെയ്ത മെഗാ ഹിറ്റ് ചിത്രമായ ജന്റിൽമാൻ നിർമ്മിച്ചതും കെ ടി കുഞ്ഞുമോനാണ്. 1993 ഇൽ റിലീസ് ചെയ്ത ജെന്റിൽമാനിൽ അർജുൻ സർജ, മധുബാല എന്നിവർ പ്രധാന വേഷങ്ങൾ ചെയ്തപ്പോൾ, ഇതിനു സംഗീതമൊരുക്കിയത് എ ആർ റഹ്മാൻ ആയിരുന്നു. എന്നാൽ ജന്റിൽമാൻ രണ്ടാം ഭാഗത്തിൽ ഇവരാരുമില്ല. ഷങ്കറിന് പകരം ഈ ചിത്രമൊരുക്കാൻ പോകുന്നത് ഗോകുൽ കൃഷ്ണയാണ്. നാനിയെ നായകനാക്കി ആഹാ കല്യാണം എന്ന ഹിറ്റ് ചിത്രം സംവിധാനം ചെയ്തിട്ടുള്ള ഗോകുൽ കൃഷ്ണ, വിഷ്ണു വർദ്ധന്റെ സഹ സംവിധായകനായി ബില്ല, അറിന്തും അറിയാമലും, പട്ടിയൽ, സർവ്വം എന്നീ സിനിമകളിൽ ജോലി ചെയ്തിട്ടുമുണ്ട്. നയൻതാര ചക്രവർത്തി, പ്രിയ ലാൽ എന്നിവർ നായികാ വേഷങ്ങൾ ചെയ്യുന്ന ജന്റിൽമാൻ 2 ലെ നായകനാരാണെന്നു ഇതുവരെ പ്രഖ്യാപിച്ചിട്ടില്ല.
എ ആർ റഹ്മാന് പകരം കീരവാണിയാണ് ഈ ചിത്രത്തിനു സംഗീതമൊരുക്കുന്നത്. ജെന്റിൽമാൻ ഫിലിം ഇന്റർനാഷണലിന്റെ ബാനറിൽ നിർമ്മിക്കുന്ന ഈ ചിത്രത്തിന്റെ ചിത്രീകരണം വരുന്ന ഓഗസ്റ്റ് മാസത്തിൽ ഇന്ത്യയിലും വിദേശത്തുമായി ആരംഭിക്കുമെന്നാണ് സൂചന. താരങ്ങൾക്കും സംവിധായകർക്കുമൊപ്പം തെന്നിന്ത്യയിൽ നിർമ്മാതാവും ബ്രാൻഡായി മാറിയത് തൊണ്ണൂറുകളിൽ കെ ടി കുഞ്ഞുമോനിലൂടെയായിരുന്നു. സൂര്യന്, ജെന്റില്മാന്, കാതലന്, കാതല്ദേശം, രക്ഷകന് എന്നിങ്ങനെ ഗംഭീര ചിത്രങ്ങൾ നിർമ്മിച്ച അദ്ദേഹമാണ്, പവിത്രന്, ഷങ്കര്, സെന്തമിഴന് എന്നീ സംവിധായകർക്ക് കരിയറിൽ വമ്പൻ ബ്രേക്ക് നൽകിയത്. നഗ്മ, സിസ്മിതാസെന്, തബു എന്നീ നായികമാർ, എ ആർ റഹ്മാൻ ഉൾപ്പെടെയുള്ള ഒട്ടേറെ വമ്പൻ സാങ്കേതിക പ്രവർത്തകർ എന്നിവർക്കും കെ ടി കുഞ്ഞുമോൻ നിർമ്മിച്ച ചിത്രങ്ങളാണ് വലിയ ജനപ്രീതിയുണ്ടാക്കി നൽകിയത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.