ജനപ്രിയ തരംഗം;സോഷ്യൽ മീഡിയയിൽ ആഞ്ഞടിച്ച് ബാലൻ വക്കീൽ

ജനപ്രിയനായകൻ ദിലീപും സംവിധായകൻ ബി ഉണ്ണികൃഷ്ണനും ഒന്നിക്കുന്ന കോടതി സമക്ഷം ബാലൻ വക്കിലിന്റെ ടീസറിന് സോഷ്യൽ മീഡിയയിൽ ഗംഭീര വരവേൽപ്. 24 മണിക്കൂറിനുള്ളിൽ ടീസർ കണ്ടവരുടെ എണ്ണം 10 ലക്ഷം കഴിഞ്ഞു.പാസഞ്ചറിന് ശേഷം ദിലിപ് വക്കീൽ വേഷത്തിൽ എത്തുന്ന ചിത്രം കൂടിയാണിത്.വിക്കുള്ള കഥാപാത്രത്തെ ചിത്രത്തിൽ അവതരിപ്പിക്കുന്ന ദിലീപ് വീണ്ടും കുടുംബ പ്രേക്ഷകരെ കൈയ്യിലെടുക്കാനുള്ള വകയുമായാണ് എത്തുന്നതെന്ന് ടീസർ ദൃശ്യങ്ങൾ പറയുന്നു.

പ്രമുഖ ബോളിവുഡ് നിർമ്മാണ കമ്പനിയായ വയകോം 18 മോഷൻ പിക്ചേർസ് ചിത്രം നിർമ്മിച്ചു കൊണ്ട് മലയാളത്തിലേയക്ക് അരങ്ങേറുകയാണ്. പ്രിയാ ആനന്ദ്, മംമത മോഹൻദാസ്, പ്രയാഗ മാർട്ടിൻ എന്നിവരാണ് ചിത്രത്തിലെ നായികമാർ.കൂടാതെ സൈജു കുറുപ്പ്, അജു വർഗീസ്, ബിന്ദു പണിക്കർ തുടങ്ങിയവരും ചിത്രത്തിൽ അഭിനയിക്കുന്നു.

പുതുവർഷത്തിന്റെ ആദ്യം റിലിസിന് ഒരുങ്ങുന്ന ചിത്രം ആരാധകർക്കിടയിൽ വലിയ പ്രത്യാശയാണ് ഇതിനോടകം സൃഷ്ടിച്ചിരിക്കുന്നത്. ചെറിയൊരു ഇടവേളയ്ക്ക് ശേഷം സിനിമയിൽ സജീവമാകാൻ തയ്യാറാവുന്ന ജനപ്രിയന്റ വലിയൊരു തിരിച്ചുവരവ് തന്നെയാകും ചിത്രം.കോടതി സമക്ഷം ബാലൻ വക്കീൽ കൂടാതെ പറക്കും പപ്പൻ, പ്രൊഫസർ ഡിങ്കൻ തുടങ്ങി ദിലീപ് ചിത്രങ്ങൾ  അണിയറയിൽ ഒരുങ്ങുന്നുണ്ട്.

അഖിൽ ജോർജാണ് ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്ന ചിത്രത്തിന്റെ എഡിറ്റിംഗ് ഷമീർ മുഹമ്മദ് നിർവ്വഹിച്ചിരിക്കുന്നു. ചിത്രത്തിന് സംഗീതം ഒരുക്കിയിരിക്കുന്നത് ഗോപി സുന്ദറും രാഹുൽ രാജും ചേർന്നാണ്.