പൃഥ്വിരാജ്, ബിജു മേനോൻ എന്നിവരെ കേന്ദ്ര കഥാപാത്രങ്ങളാക്കി സച്ചി സംവിധാനം ചെയ്തിരിക്കുന്ന ചിത്രമാണ് അയ്യപ്പനും കോശിയും. ഒരു മാസ്സ് എന്റർട്ടയിനർ രൂപത്തിലാണ് ചിത്രം അണിയിച്ചൊരുക്കിയിരിക്കുന്നത്. എങ്ങും മികച്ച പ്രതികരണം നേടി ചിത്രം വിജയകരമായി പ്രദർശനം തുടരുകയാണ്. ഡ്രൈവിങ് ലൈസൻസിന് ശേഷം വീണ്ടും ഒരു ഹിറ്റ് പൃഥ്വിരാജിന് ലഭിച്ചിരിക്കുകയാണ്. സച്ചിയും പൃഥ്വിരാജും ആദ്യമായി ഒന്നിച്ച അനാർക്കലിയും സൂപ്പർഹിറ്റ് ആയിരുന്നു. സച്ചി- പൃഥ്വിരാജ് കൂട്ടുകെട്ട് മലയാള സിനിമയ്ക്ക് ഒരു മുതൽ കൂട്ടായിരിക്കും എന്ന കാര്യത്തിൽ തീർച്ച. പൃഥ്വിരാജിനൊപ്പം അനാർക്കലിയിൽ സഹനടൻ ആയിരുന്ന ബിജു മേനോൻ അയ്യപ്പനും കോശിയും എന്ന ചിത്രത്തിൽ കേന്ദ്ര കഥാപാത്രങ്ങളിൽ ഒന്നായാണ് പ്രത്യക്ഷപ്പെട്ടിരിക്കുന്നത്. ഇരുതാരങ്ങളും മത്സരിച്ചുള്ള അഭിനയം തന്നെയാണ് ചിത്രത്തിനെ വേറിട്ട് നിർത്തുന്നത്.
കേരളത്തിൽ എങ്ങും ഹൗസ്ഫുൾ ഷോകളുമായി യുവാക്കളും കുടുംബ പ്രേക്ഷകരും ചിത്രം ഇരുകൈയും നീട്ടി സ്വീകരിച്ചിരിക്കുകയാണ്. അയ്യപ്പൻ നായർ എന്ന പോലീസ് കഥാപാത്രത്തിൽ കരിയർ ബെസ്റ്റ് പ്രകടനം തന്നെയാണ് ബിജു മേനോൻ കാഴ്ചവെച്ചത്. റിട്ടയേർഡ് ഹവിൽദാർ കോശി കുര്യനായി പൃഥ്വിരാജ് നിറഞ്ഞു നിൽക്കുകയായിരുന്നു. ആക്ഷൻ സിനിമകളിലെ പഴയകാല പൃഥ്വിരാജ് കഥാപാത്രങ്ങളെ ഓർക്കുന്ന തരത്തിലുള്ള പ്രകടനം തന്നെയാണ് കാഴ്ചവെച്ചത്. സച്ചി തന്നെയാണ് സിനിമയുടെ തിരക്കഥ ഒരുക്കിയിരിക്കുന്നത്. ഒരുപാട് തിരക്കഥകൾ മലയാള സിനിമയ്ക്ക് വേണ്ടി സമ്മാനിച്ച സച്ചി ഇതിനോടകം 2 ചിത്രങ്ങൾ മാത്രമാണ് സംവിധാനം ചെയ്തിരിക്കുന്നത്. രണ്ട് ചിത്രത്തിലെ നായകൻ പൃഥ്വിരാജ് തന്നെയാണ് എന്നുള്ളത് ഏറെ കൗതുകമുള്ള കാര്യം തന്നെയാണ്. ഈ കൂട്ടുകെട്ടിൽ ഒരുപാട് സിനിമകൾ പിറവിയെടുക്കുവാൻ സിനിമ പ്രേമികൾ പ്രതീക്ഷയോടെയാണ് കാത്തിരിക്കുന്നത്.
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
This website uses cookies.