സ്റ്റൈലിഷ് ലുക്കിൽ മോഹൻലാൽ- പൃഥ്വിരാജ് ടീം; ബ്രോ ഡാഡി ഫസ്റ്റ് ലുക്ക് കാണാം..!

കംപ്ലീറ്റ് ആക്ടർ മോഹൻലാലിനെ നായകനാക്കി യുവ സൂപ്പർ താരം പൃഥ്വിരാജ് സുകുമാരൻ സംവിധാനം ചെയ്ത രണ്ടാമത്തെ ചിത്രമായ ബ്രോ ഡാഡി പ്രേക്ഷകർ ഏറെ കാത്തിരിക്കുന്ന ചിത്രമാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ചിരിക്കുന്ന ഈ ചിത്രം നവാഗതരായ ശ്രീജിത്ത്, ബിബിൻ എന്നിവർ ചേർന്നാണ് രചിച്ചിരിക്കുന്നത്. മോഹൻലാൽ തന്നെ നായകനായ ലൂസിഫർ എന്ന ബ്ലോക്കബ്സ്റ്റർ ചിത്രം ഒരുക്കിയാണ് പൃഥ്വിരാജ് സംവിധായകനായി അരങ്ങേറ്റം കുറിച്ചത്. ഇപ്പോൾ വരുന്ന ഈ ചിത്രത്തിൽ മോഹൻലാലിനൊപ്പം പൃഥ്വിരാജ് സുകുമാരനും അഭിനയിക്കുന്നുണ്ട്. ഇപ്പോഴിതാ പ്രേക്ഷകരെ ആവേശം കൊള്ളിച്ചു കൊണ്ട് ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തിരിക്കുകയാണ്. ജോൺ കാറ്റാടി, ഈശോ കാറ്റാടി എന്ന് പേരുള്ള അച്ഛനും മകനും ആയാണ് ഇതിൽ ഇവർ അഭിനയിച്ചിരിക്കുന്നത് എന്നാണ് സൂചന.

ഈ ചിത്രത്തിന് സംഗീതം ഒരുക്കുന്നത് ദീപക് ദേവും ക്യാമറ ചലിപ്പിച്ചത് അഭിനന്ദം രാമാനുജനും ആണ്. ഒറ്റിറ്റി റിലീസ് ആയി തീരുമാനിച്ചിരിക്കുന്ന ഈ ചിത്രം അടുത്ത മാസം റിലീസ് ചെയ്യുമെന്നാണ് സൂചന. അതുപോലെ ഇതിന്റെ ആദ്യ ടീസർ വൈകാതെ പുറത്തു വരുമെന്നും റിപ്പോർട്ടുകൾ പറയുന്നു. മോഹൻലാൽ, പൃഥ്വിരാജ് എന്നിവരെ കൂടാതെ കല്യാണി പ്രിയദർശൻ, മീന, ലാലു അലക്സ്, സൗബിൻ ഷാഹിർ, ജഗദീഷ്, കനിഹ, ഉണ്ണി മുകുന്ദൻ എന്നിവരും ഈ ചിത്രത്തിന്റെ താരനിരയിൽ ഉണ്ട്. ഇതിനു ശേഷം പൃഥ്വിരാജ് സംവിധാനം ചെയ്യുന്ന ചിത്രത്തിലും മോഹൻലാൽ തന്നെയാണ് നായകൻ. ലൂസിഫറിന്റെ രണ്ടാം ഭാഗമായ എംപുരാൻ ആണ് ആ ചിത്രം. ഡിസ്‌നി ഹോട്ട് സ്റ്റാർ റിലീസ് ആയാണ് ബ്രോ ഡാഡി എത്തുന്നത്.