മലയാള സിനിമയിലെ ഈ വർഷത്തെ മഹാവിജയമായ മോഹൻലാൽ ചിത്രം ദൃശ്യം 2 നേടുന്ന പ്രശംസാ പ്രവാഹം തുടരുകയാണ്. ദേശീയ തലത്തിലും ആഗോള തലത്തിലും ഇത്രയധികം പ്രേക്ഷക- നിരൂപക പ്രശംസ നേടിയ മറ്റൊരു മലയാള ചിത്രം അടുത്തകാലത്തെങ്ങും ഉണ്ടായിട്ടില്ല. ജീത്തു ജോസഫ് രചിച്ചു സംവിധാനം ചെയ്ത ഈ ചിത്രം നേടിയ മഹാവിജയത്തോടെ മോഹൻലാൽ എന്ന നടനും താരത്തിനും ലഭിച്ച ആഗോള ജനപ്രീതിയും താര മൂല്യവും അഭൂതപൂർവമായ തലത്തിലേക്കാണ് കുതിക്കുന്നത്. തെന്നിന്ത്യൻ സിനിമയിലെ തന്നെ ഏറ്റവും വിലപിടിപ്പുള്ള താരങ്ങളിൽ ഒരാളായ മോഹൻലാൽ ഇന്ന് ആ ലിസ്റ്റിൽ ഏറ്റവും മുകളിലേക്കാണ് കുതിക്കുന്നത്. ഇപ്പോഴിതാ ദൃശ്യം 2 എന്ന ചിത്രത്തിന് പ്രശംസ എത്തിയിരിക്കുന്നത് ആഫ്രിക്കയിൽ നിന്നാണ്. ഘാന സ്വദേശിയായ പ്രശസ്ത ബ്ലോഗ്ഗർ ഫീഫി അദിൻക്രാ ആണ് ദൃശ്യം 2 നെ പുകഴ്ത്തി മുന്നോട്ടു വന്നിരിക്കുന്നത്. ലോക പ്രശസ്ത ത്രില്ലർ വെബ് സീരിസ് ആയ മണി ഹെയ്സ്റ്റിലെ പ്രൊഫസർ എന്ന ബുദ്ധി രാക്ഷസനായ കഥാപാത്രത്തെ മറന്നേക്കാനും അതിനേക്കാളും ജീനിയസ് ആണ് ദൃശ്യത്തിലെ മോഹൻലാൽ കഥാപാത്രമായ ജോർജുകുട്ടി എന്നും ഫീഫി പറയുന്നു.
മാത്രമല്ല, ദൃശ്യം 3 വരാനായി താൻ കാത്തിരിക്കുന്നു എന്നും ദൃശ്യവും, ദൃശ്യം 2 ഉം കണ്ടതിനു ശേഷം ഫീഫി കുറിച്ചു. ഏതായാലൂം വലിയ ശ്രദ്ധയാണ് വിദേശ രാജ്യങ്ങളിൽ ഈ ചിത്രത്തിന് ലഭിക്കുന്നത്. ഈ വർഷം ഫെബ്രുവരി പതിനെട്ടിന് ആണ് ആമസോൺ പ്രൈം റിലീസ് ആയി ദൃശ്യം 2 റിലീസ് ചെയ്തത്. നാൽപ്പതു കോടി രൂപയ്ക്കാണ് ദൃശ്യം 2 ആമസോൺ പ്രൈം വാങ്ങിയത് എന്നാണ് റിപ്പോർട്ടുകൾ പറയുന്നത്. മലയാള സിനിമയിലെ മാത്രമല്ല, തെന്നിന്ത്യൻ സിനിമയിലെ തന്നെ ഏറ്റവും വലിയ ഡിജിറ്റൽ റൈറ്റ്സിൽ ഒന്നാണ് ദൃശ്യം 2 തേടിയെടുത്തത്. ഇപ്പോൾ ഈ ചിത്രത്തിന്റെ തെലുങ്കു റീമേക് സംവിധാനം ചെയ്യുകയാണ് ജീത്തു ജോസഫ്.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.