നേരം, പ്രേമം എന്നീ വലിയ വിജയം നേടിയ ചിത്രങ്ങൾക്ക് ശേഷം ഒരു നീണ്ട ഇടവേളയെടുത്ത സംവിധായകൻ അൽഫോൻസ് പുത്രൻ പ്രഖ്യാപിച്ച തന്റെ പുതിയ ചിത്രമായിരുന്നു ഫഹദ് ഫാസിൽ നായകനായി എത്തുന്ന പാട്ട്. ഫഹദ് ഫാസിലും ലേഡി സൂപ്പർ സ്റ്റാർ നയൻതാരയും കേന്ദ്ര കഥാപാത്രങ്ങളായി എത്തുമെന്ന് പ്രഖ്യാപിച്ച ഈ ചിത്രം കോവിഡ് പ്രതിസന്ധി വന്നതോടെ തുടങ്ങാൻ കഴിയാതെ പോയി. അതിനു ശേഷം പൃഥ്വിരാജ് സുകുമാരൻ നായകനായ ഗോൾഡ് എന്ന ചിത്രം അൽഫോൻസ് പുത്രൻ സംവിധാനം ചെയ്യുകയും ചെയ്തു. ഇപ്പോൾ പോസ്റ്റ് പ്രൊഡക്ഷൻ സ്റ്റേജിലുള്ള ഗോൾഡ് വരുന്ന ഓഗസ്റ്റ് മാസത്തിൽ റിലീസ് ചെയ്യുമെന്നാണ് പ്രതീക്ഷിക്കുന്നത്. പക്ഷെ പാട്ട് എന്ന ചിത്രത്തിന്റെ വിവരങ്ങളാണ് പലർക്കും അറിയേണ്ടത്. ആ ചിത്രം ഉപേക്ഷിച്ചോ എന്ന ചോദ്യത്തിന് തന്റെ സോഷ്യൽ മീഡിയ പോസ്റ്റുകളിലൂടെ മറുപടി നൽകുകയാണ് അൽഫോൻസ് പുത്രൻ.
പാട്ട് താൻ ഇതുവരെ ചെയ്തതിൽ നിന്നൊക്കെ വ്യത്യസ്തമായ സിനിമയാണ് എന്നും അതിനാൽ തന്നെ ദൈവത്തിനും പ്രപഞ്ചത്തിനും പാട്ടിന് മുൻപ് തന്റെ കഴിവുകൾ കുറച്ച് കൂടി വികസിപ്പിച്ച് എടുക്കണമെന്നുണ്ടാകുമെന്നും അൽഫോൻസ് പുത്രൻ പറയുന്നു. ആ ചിത്രം ഡ്രോപ്പ് ചെയ്തിട്ടില്ല, അത് പോസ് മോഡിലാണ് എന്നാണ് അൽഫോൻസ് പറയുന്നത്. ഗോൾഡിന്റെ ജോലികളുടെ തിരക്കിലായതിനാൽ പാട്ട് എന്ന പ്രോജെക്ടിലേക്കു ശ്രദ്ധിക്കാൻ സമയം ലഭിക്കുന്നില്ല എന്നും അൽഫോൻസ് പുത്രൻ പറഞ്ഞു. ലോക സിനിമ ചരിത്രത്തിൽ പുതുമയൊന്നും ഇല്ലാത്ത മൂന്നാമത്തെ മലയാളം ചലച്ചിത്രം എന്ന ടാഗ് ലൈനോടെയായിരുന്നു പാട്ടിന്റെ ടൈറ്റിൽ പോസ്റ്റർ റിലീസ് ചെയ്തത്. സക്കറിയ തോമസ്, ആൽവിൻ ആന്റണി എന്നിവർ ചേർന്ന് നിർമ്മിക്കാനിരുന്ന പാട്ടിനു സംഗീതമൊരുക്കുന്നതും അൽഫോൻസ് പുത്രനായിരുന്നു.
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
മലയാളികളുടെ ഹൃദയം കീഴടക്കിയ ഹനാന് ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര് ആവേശത്തോടെ കാത്തിരിക്കുന്ന ആക്ഷന് ചിത്രമാണ്…
ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…
മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…
ആക്ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…
This website uses cookies.