ഇന്നലെ അബുദാബിയിലെ ദൽമാ മാള് നിറഞ്ഞു കവിഞ്ഞു. ഒരുപക്ഷെ ഇത്രയും വലിയ ഒരു ജനസാഗരം ഇതിനു മുൻപ് അവിടെ ഉണ്ടായിട്ടുണ്ടാവില്ല. അവരെല്ലാം വന്നത് ഒറ്റ വികാരം കൊണ്ട്, മോഹൻലാൽ. മലയാള സിനിമയുടെ താര ചക്രവർത്തിയായ മോഹൻലാൽ ഇന്നലെ അവിടെ എത്തിച്ചേർന്നത് ലൂസിഫർ എന്ന തന്റെ സിനിമയുടെ പ്രമോഷന്റെ ഭാഗമായി ആണ്. ഒപ്പം ലൂസിഫറിന്റെ സംവിധായകനായ പൃഥ്വിരാജ് , അഭിനേതാക്കളായ മഞ്ജു വാര്യർ, ടോവിനോ തോമസ്, നിർമ്മാതാവ് ആന്റണി പെരുമ്പാവൂർ എന്നിവരും ഉണ്ടായിരുന്നു. മോഹൻലാൽ എത്തിയതോടെ നെഞ്ചിനകത്തു ലാലേട്ടൻ വിളികളുമായി ആരാധകരും ജനങ്ങളും ഇളകി മറിഞ്ഞു. അക്ഷരാർത്ഥത്തിൽ ത്രസിപ്പിക്കുന്ന സ്വീകരണം ആണ് ലൂസിഫർ ടീമിന് അവിടെ ലഭിച്ചത്.
അവിടെ നിന്നുള്ള ഫോട്ടോകളും , വീഡിയോകളും ഇപ്പോൾ സോഷ്യൽ മീഡിയയിൽ ട്രെൻഡ് ചെയ്തു കൊണ്ടിരിക്കുകയാണ്. മാർച്ച് 28 നു ലോകം മുഴുവൻ റിലീസ് ചെയ്യുന്ന ലൂസിഫർ ഗൾഫിൽ റെക്കോർഡ് റിലീസ് ആണ് പ്രതീക്ഷിക്കുന്നത്. ഫാർസ് ഫിലിംസ് ആണ് ലൂസിഫർ അവിടെ വിതരണം ചെയ്യുന്നത്. ചിത്രത്തിന്റെ ട്രൈലെർ ഇപ്പോൾ യൂട്യൂബിൽ റെക്കോർഡുകൾ സൃഷ്ടിച്ചു മുന്നേറുകയാണ്. പൃഥ്വിരാജ് സുകുമാരന്റെ ആദ്യ സംവിധാന സംരംഭമായ ഈ ചിത്രം രചിച്ചത് മുരളി ഗോപി ആണ്. ഇന്ദ്രജിത് സുകുമാരൻ, വിവേക് ഒബ്റോയ് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്. മലയാള സിനിമയിലെ എക്കാലത്തെയും വലിയ റിലീസുകളിൽ ഒന്നായാണ് ഈ ചിത്രം എത്താൻ പോകുന്നത്. രണ്ടു ദിവസം മുൻപേ ലൂസിഫർ ടീം ഗൾഫിൽ ഒരു പ്രസ് മീറ്റും നടത്തിയിരുന്നു. ഏറെ പ്രതീക്ഷയോടെ ആണ് പ്രേക്ഷകർ ഈ ചിത്രം കാത്തിരിക്കുന്നത്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.