കഴിഞ്ഞ ഒരു വർഷത്തിന് മുകളിലായി മലയാള സിനിമകൾ ഒന്നും തന്നെ ചെയ്യാതെ അന്യഭാഷാ ചിത്രങ്ങളിൽ ശ്രദ്ധ കേന്ദ്രീകരിച്ചിരിക്കുകയായിരുന്നു മലയാളത്തിന്റെ യുവസൂപ്പർതാരം ദുൽഖർ സൽമാൻ. തെലുങ്കിൽ ദുൽഖർ നായകനായ ലക്കി ഭാസ്കർ എന്ന പാൻ ഇന്ത്യൻ ചിത്രം ഈ വരുന്ന ഒക്ടോബർ 31 നു റിലീസ് ചെയ്യാൻ പോവുകയാണ്. അതിന്റെ പ്രചാരണത്തിന്റെ ഭാഗമായി കൊച്ചിയിലെ ലുലു മാളിലെത്തിയ ദുൽഖർ താൻ മലയാളത്തിലേക്ക് തിരിച്ചു വരികയാണെന്നും തുടർച്ചയായി രണ്ടു മലയാള ചിത്രങ്ങളാണ് ഇനി ചെയ്യാൻ പോകുന്നതെന്നും പ്രഖ്യാപിച്ചു.
നഹാസ് ഹിദായത്തിനൊപ്പവും സൗബിൻ ഷാഹിറിനുമൊപ്പവും ഉള്ള ചിത്രങ്ങളാണ് ഉടൻ ചെയ്യാൻ പോകുന്നതെന്നും ദുൽഖർ വെളിപ്പെടുത്തി. പ്രേക്ഷകർക്ക് തന്നോടുള്ള സ്നേഹത്തിന് കുറവ് ഒന്നും സംഭവിച്ചിട്ടില്ല എന്നത് കൊണ്ട് തന്നെ മലയാളത്തിൽ നിന്ന് മാറിനിന്നതായി തനിക്ക് തോന്നുന്നില്ല എന്നും ദുൽഖർ പറഞ്ഞു. നഹാസിന്റെ സിനിമയും സൗബിന്റെ സിനിമയും താൻ ഉറപ്പിക്കുന്നതിനൊപ്പം, ഒരു പുതുമുഖ സംവിധായകന്റെ ചിത്രം കൂടി താൻ ചെയ്യാൻ പ്ലാൻ ചെയ്യുന്നുണ്ടെന്നും ദുൽഖർ പറഞ്ഞു.
2023 ൽ പുറത്തിറങ്ങിയ ‘കിംഗ് ഓഫ് കൊത്ത’യാണ് ദുൽഖർ സൽമാൻ നായകനായി പുറത്തിറങ്ങിയ അവസാന മലയാള ചിത്രം. വലിയ ബഡ്ജറ്റിൽ പുറത്തിറങ്ങിയ ഈ മാസ്സ് ആക്ഷൻ ചിത്രത്തിന് വിചാരിച്ച പ്രേക്ഷക പ്രതികരണം നേടാൻ സാധിച്ചില്ലെന്ന് മാത്രമല്ല, വലിയ വിമർശനവും നേരിട്ടു. അതിനെല്ലാം ലക്കി ഭാസ്കറിലൂടെ ദുൽഖർ മറുപടി നൽകുമെന്ന പ്രതീക്ഷയിലാണ് ആരാധകരും സിനിമ പ്രേമികളും. ഇപ്പോൾ തമിഴിൽ കാന്ത എന്ന ചിത്രം ചെയ്യുന്ന ദുൽഖർ, ഇത് കൂടാതെ കാർത്തികേയൻ വേലപ്പൻ ഒരുക്കാൻ പോകുന്ന മറ്റൊരു തമിഴ് ചിത്രവും കമ്മിറ്റ് ചെയ്തിട്ടുണ്ട്
തെന്നിന്ത്യൻ സിനിമാ പ്രേമികളുടെ പ്രിയ നായികമാരിലൊരാളായ സായ് പല്ലവി നായികാ വേഷം ചെയ്യുന്ന ഏറ്റവും പുതിയ ചിത്രമായ അമരൻ റിലീസിന്…
അന്പത്തി അഞ്ചാമത് അന്താരാഷ്ട്ര ചലച്ചിത്രോത്സവം എത്തുകയാണ്. അതിന്റെ ആവേശത്തിലാണ് ഇപ്പോൾ സിനിമാ പ്രേമികൾ. നവംബര് 20 മതല് 28വരെയാണ് ഗോവയിൽ…
മലയാളത്തിലെ സൂപ്പർ ഹിറ്റ് നിർമ്മാണ കമ്പനിയായ വീക്കെൻഡ് ബ്ലോക്ക്ബസ്റ്റർസ് സംവിധായകൻ അൻവർ റഷീദുമായി കൈകോർക്കുന്നു എന്ന് വാർത്തകൾ. അൻവറുമായി വീണ്ടും…
കഴിഞ്ഞ 7 വർഷങ്ങളായി മമ്മൂട്ടി ആരാധകർ അദ്ദേഹത്തോടും സംവിധായകൻ അമൽ നീരദിനോടും നിരന്തരമായി ചോദിക്കുന്ന ചോദ്യമാണ് ഈ കൂട്ട്കെട്ടിലെത്തിയ ബിഗ്…
ദുൽഖർ സൽമാൻ നായകനായ പാൻ ഇന്ത്യൻ തെലുങ്ക് ചിത്രം ലക്കി ഭാസ്കറിന്റെ സെൻസറിങ് പൂർത്തിയായി. 2 മണിക്കൂർ 30 മിനിറ്റ്…
മലയാളത്തിലെ സൂപ്പർ ഹിറ്റ് സംവിധായകനായ അൻവർ റഷീദ് ഒരേ സമയം ഒന്നിലധികം ചിത്രങ്ങളുടെ പണിപ്പുരയിലാണ് എന്ന വാർത്തകൾ കുറച്ചു നാളായി…
This website uses cookies.