അനൂപ് മേനോൻ എന്ന നടൻെറ സുവർണ്ണ ദിനങ്ങൾ മലയാള സിനിമയിൽ സജീവമാകട്ടെ; 21 ഗ്രാംസിനെ അഭിനന്ദിച്ചു വിനയൻ..!

പ്രശസ്ത നടൻ അനൂപ് മേനോൻ നായകനായി എത്തിയ 21 ഗ്രാംസ് ഇപ്പോൾ വമ്പൻ വിജയമാണ് തീയേറ്ററുകളിൽ നിന്ന് നേടുന്നത്. വളരെ ചെറിയ രീതിയിൽ തീയേറ്ററുകളിൽ എത്തിയ ഈ ചിത്രം പ്രേക്ഷകരുടെ മൗത് പബ്ലിസിറ്റിയുടെ പിൻബലത്തോടെ ഇപ്പോൾ സ്‌ക്രീനുകളും ഷോകളും കൂടുതലായി ചേർത്തു ഹൗസ്ഫുൾ ആയി മുന്നേറുകയാണ്. ചിത്രത്തിന്റെ ക്ളൈമാക്സ്, ചിത്രം തരുന്ന സസ്പെൻസ് എന്നതിനെയാണ് എല്ലാവരും ഒരുപോലെ പുകഴ്ത്തുന്നത്. ഈ ചിത്രത്തിന് അഭിനന്ദന വാക്കുകളുമായി ഷാജി ജൈലാസ്, സജി സുരേന്ദ്രൻ, ജീത്തു ജോസഫ് എന്നിവർ മുന്നോട്ടു വന്നിരുന്നു. ഇപ്പോൾ അവർക്കൊപ്പം എത്തിയിരിക്കുന്നത് സൂപ്പർ ഹിറ്റ് സംവിധായകൻ ആയ വിനയൻ ആണ്. ഈ ചിത്രം കണ്ടതിനു ശേഷം തന്റെ ഫേസ്ബുക് പേജിലാണ് ഇതിനെ പ്രശംസിച്ചു കൊണ്ട് അദ്ദേഹം കുറിച്ചത്.

അദ്ദേഹത്തിന്റെ വാക്കുകൾ ഇങ്ങനെ, “വലിയ പബ്ളിസിറ്റിയോ ബഹളമോ ഒന്നുമില്ലാതെ അനുപ് മേനോൻ നായകനായ ഒരു കൊച്ചു സിനിമ ഏറെ ശ്രദ്ധേയമാകുന്നു.. വിനയൻസാർ ഈ സിനിമ കാണണം കണ്ടിട്ട് അഭിപ്രായം പറയണം എന്ന് അനുപ് പറഞ്ഞപ്പോൾ എന്തെങ്കിലും ഇതിലുണ്ടാവും എന്നെനിക്കു തോന്നിയിരുന്നു.. ഒരു ത്രില്ലർ എന്ന നിലയിൽ പ്രേക്ഷകനെ ആകാംഷാഭരിതരാക്കുന്ന നിരവധി മുഹൂർത്തങ്ങൾ സംവിധായകൻ ഈ സിനിമയിൽ കാഴ്ച വയ്കുന്നു. ബിപിൻ കൃഷ്ണ ഒരു പുതു മുഖ സംവിധായകൻ എന്ന നിലയിൽ പ്രശംസ അർഹിക്കുന്നു.. അനൂപ് മേനോൻ എന്ന നടൻെറ സുവർണ്ണ ദിനങ്ങൾ മലയാള സിനിമയിൽ സജീവമാകട്ടെ എന്നാശംസിക്കുന്നു..”. നവാഗതനായ ബിബിൻ കൃഷ്ണ ഒരുക്കിയ ഈ ചിത്രം ദി ഫ്രണ്ട് റോ പ്രൊഡക്ഷൻസിന്റെ ബാനറില്‍ റിനീഷ് കെ എൻ ആണ് നിർമ്മിച്ചത്. ഒരു ഇൻവെസ്റ്റിഗേഷൻ ത്രില്ലർ ആ ഈ ചിത്രത്തിൽ ലെന, സംവിധായകന്‍ രഞ്ജിത്, രണ്‍ജി പണിക്കര്‍, ലിയോണ ലിഷോയ്, ലെന, അനു മോഹന്‍, മാനസ രാധാകൃഷ്ണന്‍, നന്ദു, ശങ്കര്‍ രാമകൃഷ്ണന്‍, പ്രശാന്ത് അലക്സാണ്ടര്‍, ചന്തുനാഥ്, മറീന മൈക്കിള്‍, വിവേക് അനിരുദ്ധ് എന്നിവരും അഭിനയിച്ചിട്ടുണ്ട്.