ദർശന ഗാനം പാടി കൊച്ചു മിടുക്കൻ; എത്തിയത് പ്രണവ് മോഹൻലാലിൻറെ സന്ദേശം; വീഡിയോ കാണാം..!

ഈ വർഷം റിലീസ് ചെയ്തു സൂപ്പർ ഹിറ്റായി മാറിയ മലയാള ചിത്രമാണ് പ്രണവ് മോഹൻലാൽ നായകനായ ഹൃദയം. വിനീത് ശ്രീനിവാസൻ രചിച്ചു സംവിധാനം ചെയ്ത ഈ ചിത്രം അമ്പതു കോടി ക്ലബിലും ഇടം നേടിയ മലയാള ചിത്രമാണ്. പതിനഞ്ചു പാട്ടുകൾ ഉണ്ടായിരുന്ന ഈ ചിത്രത്തിലെ എല്ലാ ഗാനങ്ങളും സൂപ്പർ ഹിറ്റ് ആയി മാറിയിരുന്നു. അതിൽ തന്നെ, ഇതിന്റെ സംഗീത സംവിധായകൻ കൂടിയായ ഹിഷാം തന്നെ പാടിയ ദർശനാ എന്ന ഗാനം ട്രെൻഡിങ് ആയി മാറി. ഈ അടുത്തകാലത്ത് മലയാള സിനിമ കണ്ട ഏറ്റവും വലിയ ഹിറ്റായിരുന്നു ഈ ഗാനം. ഇപ്പോഴിതാ, ഈ ഗാനം ആലപിച്ച ഒരു കൊച്ചു മിടുക്കന്റെ വീഡിയോ സോഷ്യൽ മീഡിയയിൽ വൈറൽ ആവുകയാണ്. ഈ വീഡിയോ വിനീത് ശ്രീനിവാസൻ ഷെയർ ചെയ്യുകയും ചെയ്തതോടെ കൂടുതൽ ശ്രദ്ധ നേടി. ഇപ്പോഴിതാ, ആ കൊച്ചു മിടുക്കനെ തേടി എത്തിയത് പ്രണവ് മോഹൻലാലിന്റെ സന്ദേശമാണ്.

ചാലക്കുടി സ്വദേശി ആയ നാലാം ക്ലാസുകാരന്‍ ആയുഷാണ് ആ കൊച്ചു മിടുക്കൻ. ഒഴിവുസമയത്ത് ആയുഷ് പാടിയ പാട്ട് അധ്യാപിക റെക്കോര്‍ഡ് ചെയ്ത് ഷെയര്‍ ചെയ്തത്, ഒരു ദിവസം കൊണ്ട് പത്ത് ലക്ഷം പേരാണ് കണ്ടത്. വീഡിയോ കണ്ടിട്ട് പ്രണവ് മോഹന്‍ലാല്‍ മെസേജ് അയച്ചു എന്നും, നല്ല വോയിസാണ്, ഇത് എവിടെ വെച്ചാണ് എടുത്തത്, ക്ലാസ് റൂമിലാണോയെന്നൊക്കെ പ്രണവ് മോഹൻലാൽ ചോദിച്ചു എന്നും ആയുഷ് പറയുന്നു. ഒഴിവുസമയത്ത് താൻ ഈ ഗാനം ടീച്ചര്‍മാര്‍ക്ക് പാട്ട് പാടി കൊടുത്തതാണെന്നും അവര്‍ വീഡിയോ എടുത്തത് ആണെന്നും ആയുഷ് പറയുന്നു.