ജനപ്രിയ നായകൻ ദിലീപിന്റെ വോയ്സ് ഓഫ് സത്യനാഥൻ ഈ വർഷത്തെ മലയാളം റിലീസുകളിലെ മറ്റൊരു ഹിറ്റ് ചിത്രമായി മാറിക്കഴിഞ്ഞു. റാഫി സംവിധാനം ചെയ്ത ഈ ചിത്രം കുടുംബ പ്രേക്ഷകരുടെ പിന്തുണയോടെ പ്രദർശനം തുടരുകയാണ്. കേരളത്തിൽ ജൂലൈ ഇരുപത്തിയെട്ടിന് റിലീസ് ചെയ്ത വോയ്സ് ഓഫ് സത്യനാഥൻ, ഒരാഴ്ച വൈകിയാണ് ഗൾഫ് രാജ്യങ്ങളിൽ എത്തിയത്. ഏതായാലും മികച്ച ബോക്സ് ഓഫീസ് പ്രകടനം കാഴ്ച വെച്ച് കൊണ്ട് ഈ ചിത്രം ഇരുപത് കോടി ആഗോള ഗ്രോസിലേക്കു അടുക്കുകയാണ്. ചിത്രം റിലീസ് ചെയ്ത് 11 ദിവസങ്ങൾ പിന്നിടുമ്പോഴുള്ള കളക്ഷൻ വിവരങ്ങൾ ട്രേഡ് അനലിസ്റ്റുകൾ പുറത്ത് വിടുന്നത് ഇങ്ങനെ.
കേരളത്തിൽ നിന്ന് ആദ്യ പതിനൊന്ന് ദിവസത്തിൽ ഈ ചിത്രം നേടിയ ഗ്രോസ് കളക്ഷൻ 12 കോടി 60 ലക്ഷം രൂപയാണ്. റസ്റ്റ് ഓഫ് ഇന്ത്യ മാർക്കറ്റിൽ നിന്ന് പരിമിതമായ റിലീസ് വെച്ച് കൊണ്ട് ഇതുവരെ 80 ലക്ഷം രൂപ ഗ്രോസ് നേടിയ വോയ്സ് ഓഫ് സത്യനാഥൻ, വിദേശ മാർക്കറ്റിൽ നിന്നും നേടിയത് 4 കോടി 60 ലക്ഷം രൂപയാണ്. ആകെ മൊത്തം 18 കോടിയോളമാണ് ഈ ചിത്രം പതിനൊന്ന് ദിവസത്തിൽ നേടിയ ആഗോള ഗ്രോസ്. ഈ വരുന്ന ആഴ്ച കഴിയുന്നതോടെ ചിത്രം ഇരുപത് കോടിയും കടന്നു മുന്നേറുമെന്നാണ് പ്രതീക്ഷ. ദിലീപിനൊപ്പം വീണ നന്ദകുമാർ, ജോജു ജോർജ്, സിദ്ദിഖ്, ജോണി ആന്റണി, രമേശ് പിഷാരടി, ജഗപതി ബാബു എന്നിവരും വേഷമിട്ട ഈ ചിത്രം ബാദുഷ സിനിമാസ്, ഗ്രാൻഡ് പ്രൊഡക്ഷൻസ്, പെൻ ആൻഡ് പേപ്പർ ക്രിയേഷൻസ് എന്നിവയുടെ ബാനറിൽ ബാദുഷ, ദിലീപ്, ഷിനോയ് മാത്യു, രാജൻ ചിറയിൽ എന്നിവർ ചേർന്നാണ് നിർമ്മിച്ചത്
സൂര്യയെ നായകനാക്കി എ ആർ മുരുഗദോസ് സംവിധാനം ചെയ്ത ബ്ലോക്ക്ബസ്റ്റർ തമിഴ് ചിത്രമാണ് 2005 ൽ പുറത്തു വന്ന ഗജിനി.…
തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ ഹിറ്റുകൾക്കും പ്രേമലു എന്ന ബ്ലോക്ക്ബസ്റ്റർ ചിത്രത്തിനും ശേഷം ഗിരീഷ് എ…
മലയാള സിനിമ കണ്ട ഏറ്റവും വലിയ ചിത്രങ്ങളിൽ ഒന്നായ കത്തനാറിന്റെ ചിത്രീകരണം പൂർത്തിയായി. രണ്ടു ഭാഗങ്ങളായി എത്തുന്ന ഈ ചിത്രത്തിന്റെ…
ഇന്ന് ജന്മദിനം ആഘോഷിക്കുന്ന യുവസൂപ്പർതാരം പൃഥ്വിരാജ് സുകുമാരന് ആശംസകൾ അർപ്പിച്ചു കൊണ്ട് മോഹൻലാൽ നായകനായ എമ്പുരാൻ എന്ന ചിത്രത്തിലെ പൃഥ്വിരാജ്…
നടൻ സൂര്യയുടെ കരിയറിലെ തന്നെ ഏറ്റവും വലിയ ചിത്രമായ കങ്കുവ റിലീസിന് ഒരുങ്ങുകയാണ്. സ്റ്റുഡിയോ ഗ്രീനിന്റെ ബാനറിൽ കെ ഇ…
ഗുരുവായൂരമ്പലനടയിലിന് ശേഷം വീണ്ടും പൃഥ്വിരാജ് - വിപിൻ ദാസ് കോംബോ..! ഇത്തവണ കൂടെ മാജിക് ഫ്രെയിംസും ലിസ്റ്റിൻ സ്റ്റീഫനും. പിറന്നാൾ…
This website uses cookies.