മൂന്നു വർഷം മുൻപ് റിലീസായി വലിയ പ്രേക്ഷക- നിരൂപക പ്രശംസ നേടിയ ചിത്രമാണ് കുമ്പളങ്ങി നൈറ്റ്സ്. നവാഗതനായ മധു സി നാരായണൻ സംവിധാനം ചെയ്ത ഈ ചിത്രം രചിച്ചത് ശ്യാം പുഷ്കരനും ഇത് നിർമ്മിച്ചത് ഫഹദ് ഫാസിൽ, നസ്രിയ, ദിലീഷ് പോത്തൻ, ശ്യാം പുഷ്ക്കരൻ എന്നിവർ ചേർന്നുമാണ്. ഫഹദ് ഫാസിൽ, ഷെയിൻ നിഗം, സൗബിൻ ഷാഹിർ, അന്ന ബെൻ, ഗ്രേസ് ആന്റണി, ശ്രീനാഥ് ഭാസി, മാത്യൂസ് തോമസ് എന്നിവരാണ് ഇതിലെ കേന്ദ്ര കഥാപാത്രങ്ങളെ അവതരിപ്പിച്ചത്. അതിൽ തന്നെ ഷമ്മി എന്ന നെഗറ്റീവ് സ്വഭാവമുള്ള സൈക്കോ കഥാപാത്രമായി എത്തിയ ഫഹദിന്റെ പ്രകടനം വലിയ കയ്യടിയാണ് നേടിയെടുത്തത്. എന്നാൽ താൻ തന്നെ നിർമ്മിച്ച ആ ചിത്രത്തിൽ ഷമ്മി എന്ന കഥാപാത്രമായി തങ്ങൾ ആദ്യം മനസ്സിൽ കണ്ടത് തമിഴ് നടൻ ധനുഷിനെ ആയിരുന്നുവെന്നും, പക്ഷെ ധനുഷിന്റെ ശമ്പളം അന്ന് മലയാള സിനിമയ്ക്കു താങ്ങാൻ പറ്റുന്നതായിരുന്നില്ല എന്നത് കൊണ്ട് ആ വേഷം താൻ തന്നെ ചെയ്യാൻ തീരുമാനിച്ചതാണെന്നും ഫഹദ് വെളിപ്പെടുത്തുന്നു.
മനോരമ ന്യൂസിന് നൽകിയ അഭിമുഖത്തിലാണ് ഫഹദ് ഈ കാര്യം വെളിപ്പെടുത്തിയത്. താൻ നിർമ്മിക്കുന്ന ചിത്രങ്ങൾ ബഡ്ജറ്റ് വളരെയധികം ശ്രദ്ധിച്ചു മാത്രമാണ് ചെയ്യുന്നതെന്നും ഫഹദ് വിശദീകരിച്ചു. ഫഹദിന്റെ ഏറ്റവും പുതിയ ചിത്രമായ മലയൻകുഞ്ഞ് റിലീസിന് ഒരുങ്ങുകയാണ്. ജൂലൈ 22 നു റിലീസ് ചെയ്യാൻ പോകുന്ന ഈ ചിത്രം വമ്പൻ ബഡ്ജറ്റിലാണ് ഒരുക്കിയിരിക്കുന്നത്. ഫഹദിന്റെ കരിയറിലെ ഏറ്റവും വലിയ ചിത്രമായിരുന്ന അൻവർ റഷീദിന്റെ ട്രാൻസിനേക്കാളും വലിയ ബഡ്ജറ്റിലാണ് മലയൻ കുഞ്ഞെന്ന ചിത്രം ഒരുക്കിയതെന്നു ഫഹദ് വെളിപ്പെടുത്തിയിരുന്നു. മഹേഷ് നാരായണൻ തിരക്കഥ രചിച്ച ഈ സർവൈവൽ ത്രില്ലർ സംവിധാനം ചെയ്തത് നവാഗതനായ സജിമോനും ഈ ചിത്രം നിമ്മിച്ചതു ഫാസിലുമാണ്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
സൂപ്പർസ്റ്റാർ രജനികാന്തിനെ നായകനാക്കി ടി ജെ ജ്ഞാനവേൽ രചിച്ചു സംവിധാനം ചെയ്ത വേട്ടയ്യൻ്റെ സെൻസറിംഗ് പൂർത്തിയായി. യു എ സർട്ടിഫിക്കറ്റ്…
പൃഥ്വിരാജ് സുകുമാരനെ നായകനാക്കി അമൽ നീരദ് സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രം അൻവർ റീ റിലീസിനെത്തുന്നു. പൃഥ്വിരാജ്…
ആസിഫ് അലി നായകനായ കിഷ്കിന്ധാ കാണ്ഡം ആഗോള ഗ്രോസ് ആയി 70 കോടിയിലേക്ക് അടുക്കുന്നു. കേരളത്തിൽ നിന്ന് മാത്രം 30…
ലോകേഷ് കനകരാജ് സംവിധാനം ചെയ്യുന്ന കൂലിയുടെ ചിത്രീകരണത്തിനിടെ കടുത്ത ദേഹാസ്വാസ്ഥ്യം അനുഭവപ്പെട്ട സൂപ്പർസ്റ്റാർ രജനികാന്തിനെ അടിയന്തിരമായി ആശുപത്രിയിൽ പ്രവേശിപ്പിച്ചു. കടുത്ത…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' യുടെ…
This website uses cookies.