പ്രശസ്ത നടനായ കലാഭവൻ ഷാജോൺ ആദ്യമായി രചിച്ചു സംവിധാനം ചെയ്ത ബ്രദേഴ്സ് ഡേ എന്ന ചിത്രം ഈ കഴിഞ്ഞ ഓണക്കാലത്തു ആണ് റിലീസ് ചെയ്തത്. യുവ സൂപ്പർ താരം പൃഥ്വിരാജ് സുകുമാരൻ നായകനായി അഭിനയിച്ചിരിക്കുന്ന ഈ ചിത്രം നിർമ്മിച്ചതു മാജിക് ഫ്രയിമ്സിന്റെ ബാനറിൽ ലിസ്റ്റിൻ സ്റ്റീഫൻ ആണ്. മൂന്നു ദിവസങ്ങൾക്കയു മുൻപ് ബ്രദേഴ്സ് ഡേ ടീം ഈ ചിത്രത്തിന്റെ വിജയം ആഘോഷിച്ചിരുന്നു. അവിടെ വെച്ച് നിർമ്മാതാവ് ലിസ്റ്റിൻ സ്റ്റീഫൻ പറഞ്ഞ വാക്കുകൾ ഏറെ ശ്രദ്ധ നേടി. ബ്രദേഴ്സ് ഡേയ്ക്ക് മുൻപ് ലിസ്റ്റിൻ സ്റ്റീഫൻ പൃഥ്വിരാജ് സുകുമാരനെ നായകനാക്കി ഒരുക്കിയ ചിത്രം ആയിരുന്നു വിമാനം. എന്നാൽ ആ ചിത്രം തീയേറ്ററുകളിൽ വലിയ പരാജയം ആണ് ഏറ്റു വാങ്ങിയത്.
വിമാനം എന്ന ചിത്രം തനിക്കു വരുത്തി വെച്ച നഷ്ടം നികത്തി തന്ന ചിത്രമാണ് ബ്രദേഴ്സ് ഡേ എന്നും താൻ ഈ ചിത്രം ചെയ്യാൻ ഉണ്ടായ കാരണം തന്നെ പൃഥ്വിരാജ് ആണെന്നും ലിസ്റ്റിൻ സ്റ്റീഫൻ പറഞ്ഞു. ഈ ചിത്രത്തിന്റെ വിജയത്തിൽ പൃഥ്വിരാജ് സുകുമാരൻ, ചിത്രത്തിന്റെ സംവിധായകനായ കലാഭവൻ ഷാജോൺ എന്നിവർക്കും നന്ദി പറഞ്ഞ ലിസ്റ്റിൻ താനിപ്പോൾ പൃഥ്വിരാജ് സുകുമാരനൊപ്പം ചേർന്ന് ഒരു പുതിയ ചിത്രം കൂടി നിർമ്മിക്കുക ആണെന്നും വെളിപ്പെടുത്തി. ലാൽ ജൂനിയർ ഒരുക്കുന്ന ഡ്രൈവിംഗ് ലൈസെൻസ് എന്ന ചിത്രമാണത്. ആസിഫ് അലി നായകനായി എത്തുന്ന കെട്ട്യോളാണെന്റെ മാലാഖ എന്ന ചിത്രമാണ് ലിസ്റ്റിൻ സ്റ്റീഫൻ നിർമ്മിച്ച് അടുത്തതായി റിലീസ് ചെയ്യുന്ന മലയാള ചിത്രം.
ഐശ്വര്യ ലക്ഷ്മി, മിയ, മഡോണ, പ്രയാഗ മാർട്ടിൻ, എന്നിവർ നായികമാർ ആയി അഭിനയിച്ച ബ്രദേഴ്സ് ഡേയിൽ തമിഴ് നടൻ പ്രസന്ന, വിജയ രാഘവൻ, ധർമജൻ ബോൾഗാട്ടി, കോട്ടയം നസീർ, വിജയ കുമാർ, പൊന്നമ്മ ബാബു, കൊച്ചു പ്രേമൻ, മാലാ പാർവതി, സ്ഫടികം ജോർജ്, ശിവാജി ഗുരുവായൂർ എന്നിവരും വേഷമിട്ടു. വില്ലൻ വേഷത്തിൽ എത്തിയ പ്രസന്നയുടെ പ്രകടനം ഏറെ കയ്യടി നേടിയിരുന്നു. പൃഥ്വിരാജ് അവതരിപ്പിക്കുന്ന റോണി എന്ന, കാറ്ററിംഗ് സർവീസ് നടത്തുന്ന കേന്ദ്ര കഥാപാത്രത്തിന് ചുറ്റുമാണ് ഈ ചിത്രം വികസിക്കുന്നത്.
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
This website uses cookies.