രഹസ്യം പുറത്ത് വരാൻ ഇനി മണിക്കൂറുകൾ മാത്രം; കിഷ്കിന്ധാ കാണ്ഡം നാളെ മുതൽ

കക്ഷി അമ്മിണിപ്പിള്ള എന്ന ഹിറ്റ് ചിത്രത്തിന് ശേഷം ദിൻജിത് അയ്യത്താൻ ഒരുക്കിയ കിഷ്കിന്ധാ കാണ്ഡം എന്ന ചിത്രം നാളെ പ്രേക്ഷകരുടെ മുന്നിലെത്തുകയാണ്. ചിത്രത്തിന്റെ തീയേറ്റർ ലിസ്റ്റ് ഇവിടെ ചേർക്കുന്നു. ആസിഫ് അലി നായകനായ ഈ ചിത്രത്തിൽ വിജയരാഘവൻ, അപർണ്ണ ബാലമുരളി എന്നിവരാണ് മറ്റു പ്രധാന വേഷങ്ങൾ ചെയ്തിരിക്കുന്നത്. കേരളത്തിൽ മികച്ച റിലീസ് ലഭിച്ചിരിക്കുന്ന ചിത്രം വിദേശത്തും പ്രേക്ഷകരുടെ മുന്നിലെത്തും.

ജഗദീഷ്, അശോകൻ, നിഴൽകൾ രവി, മേജർ രവി, നിഷാൻ, വൈഷ്ണവി രാജ്, മാസ്റ്റർ ആരവ്, കോട്ടയം രമേശ്‌, അമൽ രാജ്, ജിബിൻ ഗോപാൽ, ഷെബിൻ ബെൻസൺ എന്നിവരും വേഷമിട്ട ഈ ചിത്രം ഗുഡ്‌വിൽ എന്റെർറ്റൈൻമെന്റ്സിന്റെ ബാനറിൽ ജോബി ജോർജ്ജ് ആണ് നിർമ്മിച്ചിരിക്കുന്നത്. ഏറെ രഹസ്യങ്ങൾ ഒളിപ്പിച്ചു കഥ പറയുന്ന ചിത്രം പ്രേക്ഷകർ പ്രതീക്ഷിക്കാത്ത രീതിയിൽ സഞ്ചരിക്കുന്ന ഒന്നായിരിക്കുമെന്നാണ് ജഗദീഷ് ഉൾപ്പെടെയുള്ള അഭിനേതാക്കൾ അഭിപ്രായപ്പെട്ടത്.

ഒരേ സമയം ഒരു ഫാമിലി ഡ്രാമ പോലെയും, ത്രില്ലർ ആയും മുന്നോട്ട് സഞ്ചരിക്കുന്ന ഈ ചിത്രത്തിന് ബാഹുൽ രമേഷ് കഥ, തിരക്കഥ, സംഭാഷണം, ഛായാഗ്രഹണം എന്നിവ നിർവഹിച്ചിരിക്കുന്നു. പ്രേക്ഷകർ പ്രതീക്ഷിക്കാത്ത ഇന്റർവെൽ പഞ്ചും, ഒട്ടും പ്രതീക്ഷിക്കാത്ത ക്ലൈമാക്സുമായിരിക്കും ചിത്രത്തിന്റെ ഹൈലൈറ്റ് എന്നും ജഗദീഷ് പറഞ്ഞത് സോഷ്യൽ മീഡിയയുടെ ശ്രദ്ധ നേടിയിരുന്നു. ചിത്രത്തിന്റെ ടീസർ, ട്രൈലെർ എന്നിവയെല്ലാം സമൂഹ മാധ്യമങ്ങളിൽ വലിയ ശ്രദ്ധയാണ് നേടിയെടുത്തത്. സംഗീതം മുജീബ് മജീദ്, എഡിറ്റിങ് സൂരജ് ഇ എസ്.