മലയാളത്തിന്റെ സ്വന്തം മഹാനടൻ മോഹൻലാലിനെ നായകനാക്കി ജോഷി ഒരുക്കാൻ പോകുന്ന ഏറ്റവും പുതിയ ചിത്രം പ്രഖ്യാപിച്ചു. ജനുവരി ഒരോർമ, നാടുവാഴികൾ, നമ്പർ 20 മദ്രാസ് മെയിൽ, നരൻ, ട്വന്റി ട്വന്റി, റൺ ബേബി റൺ തുടങ്ങിയ ബ്ലോക്ക്ബസ്റ്റർ ചിത്രങ്ങൾ നമ്മുക്ക് സമ്മാനിച്ചിട്ടുള്ള ഈ കൂട്ടുകെട്ട് വർഷങ്ങൾക്ക് ശേഷം ഒന്നിക്കുന്ന ഈ ചിത്രത്തിൻന്റെ പേര് റമ്പാൻ എന്നാണ്. വമ്പൻ ബഡ്ജറ്റിലൊരുക്കുന്ന ഇതിന് തിരക്കഥ രചിക്കുന്നത് പ്രശസ്ത നടനും രചയിതാവുമായ ചെമ്പൻ വിനോദ് ജോസാണ്. ലിജോ ജോസ് പെല്ലിശേരി ഒരുക്കിയ സൂപ്പർ ഹിറ്റ് ചിത്രമായ അങ്കമാലി ഡയറീസ്, അഷ്റഫ് ഹംസ ഒരുക്കിയ കുഞ്ചാക്കോ ബോബൻ ചിത്രം ഭീമന്റെ വഴി എന്നിവക്ക് ശേഷം ചെമ്പൻ വിനോദ് തിരക്കഥ രചിക്കുന്ന ഈ ചിത്രം നിർമ്മിക്കുന്നത് ചെമ്പൻ വിനോദ്, എയ്ൻസ്റ്റീൻ സാക് പോൾ, ശൈലേഷ് ആർ സിങ് എന്നിവർ ചേർന്ന് ചെമ്പോസ്കി മോഷൻ പിക്ചേഴ്സ്, എയ്ൻസ്റ്റീൻ മീഡിയ, നെക്സ്റ്റൽ സ്റ്റുഡിയോ എന്നിവയുടെ ബാനറിലാണ്. പ്രശസ്ത നടി ബിന്ദു പണിക്കരുടെ മകൾ കല്യാണി പണിക്കർ അരങ്ങേറ്റം കുറിക്കുന്ന ചിത്രം കൂടിയാണിത്. വളരെ വലിയ സോഷ്യൽ മീഡിയ ഫോളോവെർസ് ഉള്ള മികച്ച നർത്തകി കൂടിയായ കല്യാണി പണിക്കർ, മോഹൻലാലിൻറെ മകളായാണ് ഈ ചിത്രത്തിൽ വേഷമിടുക.
ഇവരെ കൂടാതെ അർജുൻ അശോകൻ, കൃഷ്ണ ശങ്കർ എന്നിവരും ഈ ചിത്രത്തിന്റെ താരനിരയുടെ ഭാഗമാണെന്ന റിപ്പോർട്ടുകളാണ് ഇപ്പോൾ വരുന്നത്. ചിത്രത്തിന്റെ താരനിരയെ കുറിച്ചുള്ള വിവരങ്ങൾ ഔദ്യോഗികമായി പുറത്തു വിട്ടിട്ടില്ലെങ്കിലും, അടുത്ത ദിവസങ്ങളിൽ അത് വെളിയിൽ വരുമെന്നാണ് പ്രതീക്ഷിക്കപ്പെടുന്നത്. മലയാളത്തിലെ പുതിയ തലമുറയിലെ മിന്നും താരമായ അർജുൻ അശോകൻ ആദ്യമായാണ് മോഹൻലാലിനൊപ്പം എത്തുന്നത്. പാൻ ഇന്ത്യൻ ചിത്രമായി ഒരുക്കുന്ന റമ്പാന് കാമറ ചലിപ്പിക്കുന്നത് സമീർ താഹിർ, സംഗീതമൊരുക്കുന്നത് വിഷ്ണു വിജയ്, എഡിറ്റ് ചെയ്യുന്നത് വിവേക് ഹർഷൻ എന്നിവരാണ്. റോനെക്സ് സേവ്യർ മേക്ക്അപ് കൈകാര്യം ചെയ്യുന്ന ഈ ചിത്രത്തിന്റെ വസ്ത്രാലങ്കാരം നിർവഹിക്കുന്നത് മഷർ ഹംസയാണ്. അടുത്ത വർഷം പകുതിയോടെ ആരംഭിക്കാൻ പോകുന്ന റമ്പാൻ 2025 വിഷു/ഈസ്റ്റർ റിലീസായി പ്രേക്ഷകരുടെ മുന്നിലെത്തും.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.