തലയെ വരവേൽക്കാൻ ആരാധകർ; വിശ്വാസം നാളെ മുതൽ..!

തല അജിത് നായകനായ വിശ്വാസം എന്ന തമിഴ് ചിത്രം നാളെ മുതൽ ലോകം മുഴുവൻ  പ്രദർശനത്തിനു എത്തുകയാണ് . കേരളത്തിലും വമ്പൻ റിലീസ് ആയി എത്തുന്ന ഈ ചിത്രം ഇവിടെ വിതരണം ചെയ്യുന്നത് മുളകുപാടം ഫിലിമ്സിന്റെ ബാനറിൽ ടോമിച്ചൻ മുളകുപാടം ആണ് . ചിത്രത്തിന്റെ കേരളാ തിയേറ്റർ ലിസ്റ്റ് ഇവിടെ ചേർക്കുന്നു. ശിവ രചിച്ചു സംവിധാനം ചെയ്ത ഈ ചിത്രത്തിൽ ലേഡി സൂപ്പർ സ്റ്റാർ നയൻ താര ആണ് നായികാ വേഷത്തിൽ എത്തുന്നത്. വീരം, വേതാളം, വിവേകം എന്നീ ചിത്രങ്ങൾക്ക് ശേഷം തല അജിത്തിനെ നായകനാക്കി ശിവ ഒരുക്കിയ ചിത്രമാണ് വിശ്വാസം. സത്യ ജ്യോതി ഫിലിംസ് ആണ് ഈ ചിത്രത്തിന്റെ നിർമ്മാണം നിർവഹിച്ചിരിക്കുന്നത്. യുവാവായും വൃദ്ധനായും രണ്ട് വ്യത്യസ്ത ഗെറ്റപ്പുകളിൽ ആണ് തല അജിത് ഈ ചിത്രത്തിൽ പ്രത്യക്ഷപ്പെട്ടിരിക്കുന്നത്. തൂക്കു ദുരൈ എന്നാണ് ഇതിലെ അജിത് കഥാപാത്രത്തിന്റെ പേര്.

വിശ്വാസത്തിന്റെ ട്രൈലെർ സോഷ്യൽ മീഡിയയിൽ വമ്പൻ ഹിറ്റ് ആയി മാറിയിരുന്നു. യോഗി ബാബു, വിവേക്, ജഗപതി ബാബു, രവി വാന, അനിഖ, തമ്പി രാമയ്യ, റോബോ ശങ്കർ, കോവൈ സരള എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഡി ഇമ്മൻ സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിന് വേണ്ടി ദൃശ്യങ്ങൾ  ഒരുക്കിയിരിക്കുന്നത് വെട്രി ആണ്. പ്രശസ്ത എഡിറ്റർ റൂബൻ ആണ് ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നതു. തല അജിത്തിന്റെ കരിയറിലെ ഏറ്റവും വലിയ റിലീസ് ആയാണ് വിശ്വാസം എത്തുന്നത് എന്നാണ് റിപ്പോർട്ടുകൾ പറയുന്നത്. അജിത് ആരാധകരെ കോരിത്തരിപ്പിക്കുന്ന ഒരു മാസ്സ് എന്റെർറ്റൈനെർ തന്നെയായിരിക്കും ഈ ചിത്രം എന്നാണ് അണിയറ പ്രവർത്തകർ അവകാശപ്പെടുന്നത്.