തമിഴും ബോളിവുഡും കടന്നു ഇപ്പോൾ ഹോളിവുഡിൽ എത്തി നിൽക്കുന്ന തമിഴ് സൂപ്പർ താരമാണ് ധനുഷ്. നടനും സംവിധായകനും നിർമ്മാതാവും ആയ ധനുഷ് സൂപ്പർ സ്റ്റാർ രജനികാന്തിന്റെ മകളുടെ ഭർത്താവും കൂടിയാണ്. പ്രശസ്ത സംവിധായകൻ സെൽവ രാഘവൻ ആണ് ധനുഷിന്റെ സഹോദരൻ. കൈ നിറയെ വമ്പൻ പ്രൊജെക്ടുകളുമായി തിരക്കിലുള്ള ധനുഷ് നെറ്റ് ഫ്ലിക്സിന് വേണ്ടി ഒരുക്കുന്ന ദി ഗ്രേ മാൻ എന്ന ഹോളിവുഡ് ചിത്രത്തിൽ ഇപ്പോൾ അഭിനയിച്ചു തീർന്നതേ ഉള്ളു. എന്നാൽ ഇപ്പോൾ ധനുഷ് സോഷ്യൽ മീഡിയയുടെ ശ്രദ്ധ നേടുന്നത് തന്റെ ഏതെങ്കിലും സിനിമയുടെ പേരിലല്ല. പകരം, അദ്ദേഹം നിർമ്മിക്കാൻ പോകുന്ന പുതിയ വീടിന്റെ പേരിലാണ്. 150 കോടി രൂപയ്ക്കാണ് ധനുഷ് തന്റെ പുതിയ വീട് നിർമ്മിക്കുന്നത്. ദക്ഷിണേന്ത്യയിലെ ഏറ്റവും വിലപിടിപ്പുള്ള പ്രദേശങ്ങളിലൊന്നായ പോയസ് ഗാർഡനിൽ തന്നെയാണ് ധനുഷിനും വീട് ഒരുങ്ങുന്നത്.
150 കോടി ചെലവിൽ നാലു നിലകളിലായി ഏകദേശം 19000 ചതുരശ്രഅടിയിലാണ് ധനുഷിന്റെ ആഡംബര വീട് ഒരുങ്ങുന്നത്. ഈ കഴിഞ്ഞ ഫെബ്രുവരിൽ ആയിരുന്നു വീട് പണിയുന്നതിന് മുൻപുള്ള ഭൂമി പൂജ നടന്നത്. ഭാര്യാപിതാവായ സൂപ്പർസ്റ്റാർ രജനികാന്ത് കഴിഞ്ഞ 30 വർഷമായി താമസിക്കുന്ന പോയസ് ഗാർഡനിലെ വീടിന്റെ അടുത്ത് തന്നെയാണ് ധനുഷിന്റെ ഈ പുതിയ വീടും വരുന്നത്. അത്യാധുനിക ജിമ്മും സ്വിമ്മിങ് പൂളും ഫുട്ബോൾ കോർട്ട് അടക്കം ഇൻഡോർ സ്പോർട്സ് സൗകര്യങ്ങളും വിശാലമായ ഹോം തീയേറ്ററുമെല്ലാം ഈ വീട്ടിൽ ഉണ്ടാകുമെന്നും ഈ വീട് പൂർണമായും സ്മാർട് ടെക്നോളജിയിൽ ആണ് നിർമിക്കുക എന്നും റിപ്പോർട്ടുകൾ പറയുന്നു. ധനുഷിന്റെ ഭാര്യയുടെ പേര് ഐശ്വര്യ എന്നും മക്കളുടെ പേര് ലിംഗ, യാത്ര എന്നുമാണ്. ഇപ്പോൾ ആൽവാർപേട്ടിലാണ് ധനുഷ് കുടുംബസമേതം താമസിക്കുന്നത്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.