നടൻ ബാലു വർഗ്ഗീസ് വിവാഹിതനാവുന്നു; വിശേഷങ്ങൾ പങ്ക് വെച്ചു നടിയും വധുവുമായ

പ്രശസ്ത മലയാള നടന്‍ ബാലു വര്‍ഗ്ഗീസ് വിവാഹിതനാവുകയാണ്. നടിയും മോഡലുമായ എലീന കാതറിൻ ആണ് ബാലു വർഗീസിന്റെ വധു. ഈ വരുന്ന ഫെബ്രുവരിയിലായിരിക്കും ഇവരുടെ വിവാഹ നിശ്ചയം നടക്കുക എന്ന വിവരം എലീന തന്നെയാണ് പുറത്ത് വിട്ടത്. തന്റെ ഇന്‍സ്റ്റഗ്രാം പോസ്റ്റിലൂടെയാണ് ഈ സന്തോഷ വാര്‍ത്ത എലീന ആരാധകരുമായി പങ്കുവച്ചത്. കഴിഞ്ഞ മാസം എലീനയുടെ പിറന്നാള്‍ ദിനത്തിൽ സുഹൃത്തുക്കളുടേയും ബന്ധുക്കളുടേയും സാന്നിധ്യത്തില്‍ വച്ച് ആണ് ബാലു എലീനയെ പ്രൊപ്പോസ് ചെയ്തത്. ഇതേക്കുറിച്ചു പറഞ്ഞു കൊണ്ടുള്ള എലീനയുടെ ഇന്‍സ്റ്റഗ്രാം പോസ്റ്റിലൂടെയാണ് ഇവർ തമ്മിലുള്ള പ്രണയത്തെ കുറിച്ച് ആരാധകര്‍ അറിഞ്ഞത്. 2019 ലെ പ്രധാന സംഭവങ്ങള്‍ ഇന്‍സ്റ്റഗ്രാം സ്റ്റോറിയായി എലീന പോസ്റ്റ് ചെയ്തതിന്റെ കൂട്ടത്തിൽ ആണ് തങ്ങളുടെ വിവാഹ നിശ്ചയം ഫെബ്രുവരിയില്‍ നടക്കുമെന്നും ഈ താരം അറിയിച്ചത്. എന്നെന്നും ഞാന്‍ നിന്‍റേതാണെന്ന് എന്ന വാക്കുകൾ പറഞ്ഞു കൊണ്ടാണ് ആ വിവരം ഇൻസ്റ്റാഗ്രാമിൽ എലീന ഇട്ടിരിക്കുന്നത്.

ലാല്‍ ജോസ് ഒരുക്കിയ ദിലീപ് ചിത്രം ചാന്തുപൊട്ടിലൂടെ അരങ്ങേറ്റം കുറിച്ച ബാലു, പാപ്പി അപ്പച്ചാ, ഹണീ ബി, കിങ് ലയര്‍, ഡാര്‍വിന്‍റെ പരിണാമം, കവി ഉദ്ദേശിച്ചത്, വിജയ് സൂപ്പറും പൗര്‍ണമിയും, ഇതിഹാസ, തുടങ്ങി ഒട്ടേറെ ചിത്രങ്ങളിൽ കയ്യടി നേടുന്ന വേഷങ്ങൾ അവതരിപ്പിച്ചു. ബാലുവിന്റെ വധു ആയ എലീന റിയാലിറ്റി ഷോയിലൂടെ ആണ് ആദ്യം ശ്രദ്ധ നേടിയത്. പിന്നെ മോഡൽ എന്ന നിലയിൽ മിസ് ഡീവ, മിസ് സൗത്ത് ഇന്ത്യ, മിസ് ഇന്ത്യ ഗ്ലാം വേള്‍ഡ് തുടങ്ങിയ മത്സരങ്ങളില്‍ പങ്കെടുക്കുകയും ചെയ്ത എലീന മിസ് ഗ്ലാം വേള്‍ഡില്‍ റണ്ണര്‍ അപ്പും ആയി. വിജയ് സൂപ്പറും പൗര്ണമിയും എന്ന ചിത്രത്തിൽ ആണ് ബാലുവും എലീനയും ഒരുമിച്ച് അഭിനയിച്ചത്.