[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

പ്രണവ് മോഹൻലാൽ-ജീത്തു ജോസഫ് ചിത്രം ‘ആദി’

മലയാള സിനിമ പ്രേമികൾ ആവേശത്തോടെ കാത്തിരുന്ന ദിവസമായിരുന്നു ഇന്ന്. കാരണം മലയാള സിനിമയുടെ താര ചക്രവർത്തി മോഹൻലാലിൻറെ മകൻ പ്രണവ് നായകനായി അരങ്ങേറുന്ന ചിത്രത്തിന്റെ പൂജ തിരുവനന്തപുരത്തു വെച്ച ഇന്ന് നടന്നു. പ്രശസ്ത സംവിധായകൻ ജീത്തു ജോസഫ് എഴുതി സംവിധാനം ചെയ്യുന്ന ഈ ചിത്രത്തിന്റെ പേരും ടൈറ്റിൽ മോഷൻ പോസ്റ്ററും ഈ ചടങ്ങിലൂടെ പുറത്തിറക്കി. ആദി എന്ന് പേരിട്ടിട്ടുള്ള ഈ ചിത്രം ഒരു ആക്ഷൻ ഫാമിലി എന്റർടൈനറാണ് എന്നാണ് സൂചന. ഈ ചിത്രത്തിലെ പ്രണവിന്റെ ലുക്കും മോഷൻ പോസ്റ്ററിലൂടെ പുറത്തു വിട്ടു.

ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ഈ ചിത്രം നിർമ്മിക്കുന്നത്. ഉടൻ തന്നെ ഷൂട്ടിംഗ് ആരംഭിക്കുന്ന ഈ ചിത്രം ക്രിസ്മസ് റിലീസ് ആയി തീയേറ്ററുകളിൽ എത്തിക്കാനാണ് പ്ലാൻ എന്നാണറിയുന്നത്.

അനിൽ ജോൺസൻ സംഗീതം നിർവഹിക്കുന്ന ഈ ചിത്രത്തിന്റെ എഡിറ്റർ അയൂബ് ഖാൻ ആണ്. സതീഷ് കുറുപ്പാണ് ഛായാഗ്രഹണം നിർവഹിക്കുക എന്നറിയുന്നു. മുകേഷ് പ്രണവ് മോഹൻലാലിൻറെ അച്ഛൻ കഥാപാത്രത്തെ അവതരിപ്പിക്കുമെന്നും അത് പോലെ തന്നെ വിജയ രാഘവൻ, ഷറഫുദീൻ, സിജു വിൽ‌സൺ എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുമെന്നും റിപ്പോർട്ടുകൾ സൂചിപ്പിക്കുന്നു. ബാംഗ്ലൂർ, എറണാകുളം എന്നിവിടങ്ങളിലായാവും ചിത്രത്തിന്റെ പ്രധാന ഭാഗങ്ങൾ ചിത്രീകരിക്കുക.

മോഹൻലാലിന്റേയും സുചിത്ര മോഹൻലാലിന്റേയും മകൾ വിസ്മയയുടെയും സാന്നിധ്യത്തിലായിരുന്നു പ്രണവിന്റെ ചിത്രം ലോഞ്ച് ചെയ്തത്. പ്രൊഡ്യൂസർ ആന്റണി പെരുമ്പാവൂർ, സംവിധായകൻ ജീത്തു ജോസഫ് എന്നിവർക്ക് പുറമെ മോഹൻലാലിന്‍റെ ചിത്രങ്ങളുടെ സംവിധായകരായ ലാൽ ജോസ്, ശ്രീകുമാർ മേനോൻ എന്നിവരും പൂജ വേളയിൽ തങ്ങളുടെ സാന്നിധ്യം അറിയിച്ചു.

മോഹൻലാൽ നായകനായ ലാൽ ജോസ് ചിത്രം വെളിപാടിന്‍റെ പുസ്തകത്തിന്‍റെ ടീസറും അത് പോലെ തന്നെ പുതിയ രണ്ടു പോസ്റ്ററുകളും പൂജ വേളയിൽ പ്രദർശിപ്പിച്ചു. മലയാള സിനിമയിലെ ഏറ്റവും വലിയ ചിത്രമായ ഒടിയന്‍റെ പൂജയും ഇന്ന് അതേ വേദിയിൽ വെച് മേൽപറഞ്ഞ എല്ലാവരുടെയും സാന്നിധ്യത്തിൽ നടന്നു.

ആശിർവാദ് സിനിമാസിന്‍റെ ബാനറിൽ ആന്റണി പെരുമ്പാവൂർ തന്നെയാണ് വെളിപാടിന്റെ പുസ്തകവും ഒടിയനും നിർമ്മിക്കുന്നത്. വെളിപാടിന്റെ പുസ്തകം ഓണത്തിന് പ്രദർശനത്തിനെത്തും. ഒടിയന്റെ ചിത്രീകരണം അടുത്ത മാസം പാലക്കാട് ആരംഭിക്കും.

webdesk

Recent Posts

ലിജോ ജോസ് പെല്ലിശ്ശേരി ബോളിവുഡിലേക്ക്; സംഗീതം എ ആര്‍ റഹ്മാന്‍

പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…

3 days ago

ദുൽഖർ സൽമാന്റെ “കാന്ത” നവംബർ 14 ന്

ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…

3 days ago

പാബ്ലോ എസ്കോബാർ; മമ്മൂട്ടി ചിത്രവുമായി “മാർക്കോ” ടീം

കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…

3 days ago

മോഹൻലാൽ- തരുൺ മൂർത്തി ടീം “തുടരും”; പുതിയ ചിത്രം പ്രഖ്യാപിച്ച് രജപുത്ര

മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…

3 days ago

സെൻസറിങ് പൂർത്തിയാക്കി മമ്മൂട്ടി ചിത്രം “കളങ്കാവൽ”

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…

5 days ago

രഞ്ജിത്ത് ചിത്രത്തിൽ നായകനാവാൻ വീണ്ടും മമ്മൂട്ടി

ര​ഞ്ജി​ത്ത് ​സം​വി​ധാ​നം​ ​ചെ​യ്യു​ന്ന​ ​പുതിയ ചി​ത്ര​ത്തി​ൽ​ ​മ​മ്മൂ​ട്ടി​ ​നാ​യ​ക​ൻ എന്ന് വാർത്തകൾ. മ​മ്മൂ​ട്ടി​ ​ക​മ്പ​നി​യു​ടെ​ ​ബാ​ന​റി​ൽ​ ​മമ്മൂട്ടി തന്നെയാണ് ചിത്രത്തിന്റെ…

5 days ago

This website uses cookies.