ആക്ഷൻ സൂപ്പർസ്റ്റാർ സുരേഷ് ഗോപിയും ബിജു മേനോനും പ്രധാന വേഷങ്ങൾ ചെയ്ത ഗരുഡൻ കേരളത്തിൽ സൂപ്പർ വിജയം നേടി മുന്നേറുകയാണ്. നവാഗതനായ അരുൺ വർമ്മ സംവിധാനം ചെയ്ത ഈ ചിത്രത്തിന്റെ തിരക്കഥ രചിച്ചിരിക്കുന്നത് പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസാണ്. പ്രേക്ഷകരെ ആകാംഷയുടെ മുൾമുനയിൽ നിർത്തുന്ന ഒരു ഗംഭീര ഇൻവെസ്റ്റിഗേഷൻ ത്രില്ലറായാണ് ഈ ചിത്രം ഒരുക്കിയിരിക്കുന്നത്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിച്ചിരിക്കുന്ന ഈ ചിത്രത്തിന് ആദ്യ ദിനം മുതൽ തന്നെ മികച്ച പ്രേക്ഷക- നിരൂപക പ്രതികരണമാണ് ലഭിച്ചത്. ബോക്സ് ഓഫീസിലും മികച്ച പ്രകടനം കാഴ്ച വെച്ച് കൊണ്ടാണ് ഗരുഡൻ ഇപ്പോൾ മുന്നേറുന്നത്. റിലീസ് ചെയ്ത് ആദ്യ 4 ദിവസങ്ങൾ പിന്നിടുമ്പോൾ 13 കോടിക്ക് മുകളിലാണ് ഈ ചിത്രം നേടിയ ആഗോള ഗ്രോസ് എന്ന കണക്കുകളാണ് പുറത്ത് വരുന്നത്.
കേരളത്തിൽ നിന്ന് മാത്രം ഏകദേശം 7 കോടിയോളം നേടിയ ഈ ചിത്രം, റസ്റ്റ് ഓഫ് ഇന്ത്യ, വിദേശ മാർക്കറ്റുകളിൽ നിന്ന് 5 മുതൽ 6 കോടി വരെ ഇതിനോടകം നേടിയെന്നും ട്രേഡ് അനലിസ്റ്റുകളുടെ ആദ്യ കണക്കുകൾ സൂചിപ്പിക്കുന്നുണ്ട്. സുരേഷ് ഗോപിയുടെ കരിയറിലെ തന്നെ വലിയ ഹിറ്റുകളുടെ ലിസ്റ്റിൽ ഇടം പിടിക്കാനുള്ള ഒരുക്കത്തിലാണ് ഗരുഡൻ എന്നാണ് ഇപ്പോഴത്തെ ട്രെൻഡ് സൂചിപ്പിക്കുന്നത്. കേരളത്തിന് പുറമെ ഗൾഫിലും മികച്ച പ്രകടനമാണ് ഈ ചിത്രം കാഴ്ച വെക്കുന്നത്. സിദ്ദിഖ്, ദിവ്യ പിള്ളൈ, അഭിരാമി, ദിലീഷ് പോത്തൻ, ജഗദീഷ് തുടങ്ങി ഒരു വലിയ താരനിരതന്നെ അഭിനയിക്കുന്ന ഈ ചിത്രത്തിന് സംഗീതമൊരുക്കിയത് ജേക്സ് ബിജോയ് ആണ്.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.