ആറാട്ട് ആദ്യ വീക്കെൻഡ് ആഗോള കളക്ഷൻ റിപ്പോർട്ട് എത്തി; വമ്പൻ ഓപ്പണിങ് നേടി വീണ്ടുമൊരു മോഹൻലാൽ ചിത്രം..!

മലയാളത്തിന്റെ സൂപ്പർ താരം, കമ്പ്ലീറ്റ് ആക്ടർ മോഹൻലാൽ നായകനായ ആറാട്ട് എന്ന ചിത്രം സൂപ്പർ വിജയം നേടി ഇപ്പോൾ തീയേറ്ററുകളിൽ മുന്നേറുകയാണ്. ഉദയ കൃഷ്ണ രചിച്ചു ബി ഉണ്ണികൃഷ്ണൻ സംവിധാനം ചെയ്ത ഈ ചിത്രം ഒരു കംപ്ലീറ്റ് മാസ്സ് മസാല കോമഡി എന്റെർറ്റൈനെർ ആയാണ് ഒരുക്കിയിരിക്കുന്നത്. ഇപ്പോഴിതാ ആദ്യത്തെ വീകെന്റിലെ ഈ ചിത്രത്തിന്റെ ആഗോള കളക്ഷൻ ഒഫീഷ്യൽ ആയി തന്നെ പുറത്തു വിട്ടിരിക്കുകയാണ്. പതിനേഴു കോടി എൺപതു ലക്ഷം രൂപയാണ് ഈ ചിത്രം ആദ്യ വീക്കെൻഡിൽ നേടിയ ആഗോള ഗ്രോസ്. അതിൽ കേരളത്തിൽ നിന്നും മാത്രം നേടിയത് ഒൻപതു കോടിക്ക് മുകളിൽ ആണ്. ഗൾഫിൽ നിന്ന് ആറു കോടിക്ക് മുകളിലും ഈ ചിത്രം നേടിയെടുത്തു. മറ്റു വിദേശ രാജ്യങ്ങളിലും മികച്ച കളക്ഷൻ ആണ് ഈ സിനിമ നേടുന്നത്.

ഏറ്റവും കൂടുതൽ രാജ്യങ്ങളിൽ റിലീസ് ചെയ്യുന്ന മലയാള ചിത്രം എന്ന റെക്കോർഡും ആറാട്ട് നേടിയിരുന്നു. അന്പത്തിയെട്ടു രാജ്യങ്ങളിൽ ആണ് ഈ ചിത്രം റിലീസ് ചെയ്തത്. സിദ്ദിഖ്, ജോണി ആന്റണി, രാമചന്ദ്ര രാജു, നെടുമുടി വേണു, സായ്കുമാര്‍, വിജയരാഘവന്‍, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍കുട്ടി, കൊച്ചു പ്രേമൻ എന്നിവരും അഭിനയിച്ച ഈ ചിത്രത്തിലെ നായികാ വേഷം ചെയ്ത തെന്നിന്ത്യൻ നായികയായ ശ്രദ്ധ ശ്രീനാഥ് ആണ്. രാഹുൽ രാജ് ഗാനങ്ങളും പശ്ചാത്തല സംഗീതവും ഒരുക്കിയ ഈ ചിത്രം എഡിറ്റ് ചെയ്തത് ഷമീർ മുഹമ്മദും ഇതിനു കാമറ ചലിപ്പിച്ചത് വിജയ് ഉലഗനാഥും ആണ്.